1 TIMOTIUS 2:8 - JANJAI BLAU Lem Bahaso Jang Bebilai

⁸ Uku lok supayo neak ipe bae semanei bedu'o ngen atei de sucai, coa pakei mengiak ngen selisiak.

1 TIMOTIUS 2:8 ပူးပေါင်းရင်းမြစ်များ

MATIUS 21:21

“Sungguak,” jawab Yesus, “Amen udi pecayo ngen coa ragau, udi kulo dapet menea jano de sudo ku menea teradep pun ara yo. Ngen coa'o bae, tapi udi dapet madeak ngen tebo yo, ‘Taketba ngen teku'ang moi lem laut’; hal'o bakea tejijai.

MATIUS 5:44

Tapi uyo Uku madeak ngen udi; kemasiakba musuaknu ngen bedu'oba utuk tobo'o de senikso udi,

MATIUS 6:12

Napunba keme kunei saleak keme, awei keme kulo sudo melei apun ngen tun de besaleak ngen keme.

LUKAS 23:34

Yesus bedu'o, “Au Bapa! Napunba tobo'o, sebab tobo'o coa namen jano de tobo'o nea.” Ngen tobo'o muang lotre utuk magiak bajau Yesus.

LUKAS 24:50

Lajau Yesus mbin tobo'o moi luea kota sapei pa'ok Betania. Neak di Si maket tangen-Ne melei berkat tobo'o.

YOHANES 4:21

Nadeak Yesus, “Pecayoba ngen Uku, hoi indok, saatne bakea sapei, bahwo udi bakea nyembeak Bapa iso neak tebo yo ngen iso kulo neak Yerusalem.

KISAH RASUL-RASUL 10:2

Si saleh, si beserto keluargone saben bakea Allah. Si dau temulung tun-tun Yahudi de peset, si bogoa bedu'o ngen Allah.

KISAH RASUL-RASUL 10:31

Si madeak: Kornelius, du'onu bi teni'uk Allah, sedekeaknu bi ninget neak adep-Ne.

KISAH RASUL-RASUL 10:4

Kornelius demnong malaikat o ngen saben lajau madeak, “Ade jano, Tuan?” Jawab malaikat o ngensi, “Kute du'onu, sedekeaknu bi kenek moi hadirat Allah, Allah minget ko.

KISAH RASUL-RASUL 21:5

Tapi sesudo liwet waktaune, keme berakat temrus pemaneu keme. Tobo'o kutene besamo-samo anok ngen ngenyanne mbes keme sapei moi luea kota. Neak pengger pantai keme sujut ngen bedu'o.

KISAH RASUL-RASUL 7:60

Lajau si sujud ngen menggang ngen sa'ei lek, “Tuhan, jibeakba duso yo tenanggung moi das tobo'o!” Sesudo madeak awei o si matei.

1 KORINTUS 7:7

Sebeneane uku lebiak tujua amen kute tun jijai awei uku. Tapi masing-masing bi temimo karunio de khusus kunei Allah. Suang tun de temuan karunio yo, de luyen temuan karunio'o.

2 KORINTUS 2:14

Tapi syukur ngen Allah! Si bogoa mipin keme neak dalen kemenangan Kristus. Allah makei keme supayo bito tetang Kristus tesebea awei aroma de um moi ipe bae.

FILIFI 1:12

Uku lok udi namen, bahwo hal-hal de sudo tejijai ngen uku justru menea lebiak dau tun temi'uk ngen pecayo ngen Bito Baik o.

1 TESALONIKA 1:8

Sebab muloi kunei udi, bito tetang Tuhan bi tesebea sapei moi Makedonia ngen Akhaya. Ngen iso cuma do'o bae; bahkan bito tetang awei ipe udi pecayo ngen Allah bi sapei moi ipe bae, sehinggo keme coa perlu igai madeak jejano.

1 TIMOTIUS 5:14

Do'oba sebabne uku meluak rando-rando u'ai nikeak igai, dapet anok ngen murus umeak tanggo, supayo musuak-musuak ite coa dapet kesempatan utuk kemidek gen ite.

TITUS 3:8

Kecek yo sungguak benea. Uku lok ko manggap hal-hal yo peting, supayo tun-tun de pecayo ngen Allah sungguak-sungguak berusaho utuk menea kerjo de baik ngen beguno utuk kute tun.

IBRANI 10:22

Kerno o, maroba ite ma'ok Allah ngen atei tulus ngen imen de kuet; ngen atei de sudo senucai kunei asai saleak, ngen awok de sudo senucai ngen bioa de sucai.

YAKOBUS 4:8

Na'okba Allah, Allah kulo bakea ma'ok udi. Mpukba tangennu, udi de beduso! Ngen senucaiba ateinu, udi menduai atei!

1 PETRUS 3:7

Ngen udi kulo, maten-maten, lokba idup ngen penuak pengertian teadep ngenyannu, ngen sadar bahwo tobo; o adeba kaum de lemah. Bersikapba hormat ngen tobo'o, sebab tobo'o besamo-samo ngen udi, bakea temimo anugerah idup de sejati kunei Allah. Neaba dio, supayo coa ade de malang du'onu.