1 TIMOTIUS 2:7 - JANJAI BLAU Lem Bahaso Jang Bebilai

⁷ Ngen do'oba sebabne uku neluak lalau ngen tun-tun iso Yahudi utuk melei namen ngen tobo'o bito tetang kepercayaan de benea. Lajau uku coa mike.

1 TIMOTIUS 2:7 ပူးပေါင်းရင်းမြစ်များ

YOHANES 7:35

Kerno o, tobo penguaso Yahudi o madeak suang tun ngen de luyen ne, “Moi ipe Si bakea lalau, sehinggo ite coa dapet temau ngen Si? Jano si be niat lok lalau ngen tun-tun Yahudi de tinggea neak ratau, neak antaro tun Yunani, utuk majea tun Yunani?

KISAH RASUL-RASUL 14:27

Sapeine neak di tobo'o menok jemaat bekopoa, lajau tobo'o cemrito kute sesuaktau de Allah menea liwet tobo'o, bahwo si bi mukok bang utuk bangso-bangso luyen ngen imen.

KISAH RASUL-RASUL 22:21

Tapi Tuhan madeak ngen uku: ‘Lalauba, sebab Uku bakea mutus ko uak kunei yo ngen bangso-bangso luyen.’ ”

KISAH RASUL-RASUL 26:20

Tapi mulo-mulo uku melei namen ngen tun-tun neak Damsyik, neak Yerusalem ngen neak kute taneak Yudea, kulo ngen bangso-bangso luyen bahwo tobo'o harus tobat, semreak dirai ngen Allah serto menea plep-plep de sesuoi ngen pertobatan o.

KISAH RASUL-RASUL 9:15

Tuhan madeak ngensi, “Lalauba, sebab tun yo adeba alat piliak bagiak-Ku utuk melei namen gen-Ku neak adep bangso-bangso luyen serto rajo-rajo ngen tun-tun Israel.

ROMA 1:9

Uku bogoa minget udi amen uku bedu'o. Allah saksaine bahwo jano de uku madeak o benea. Siba Allah de uku melayan sepenuak atei ngen melei namen Bito Baik tetang Anok-Ne.

ROMA 10:14

Tapi awei ipe tobo'o dapet minoi tulung ngen Si, amen tobo'o coa pecayo ngen Si? Awei ipe tobo'o dapet pecayo ngen Si, amen tobo'o coa temi'uk tetang Si, amen coa ade de melei namen tetang Si?

ROMA 11:13

Uku madeak ngen udi, hoi bangso-bangso iso Yahudi. Justru kerno uku adeba rasul utuk bangso-bangso iso Yahudi, uku kembiak mego tugas ku.

ROMA 15:16

Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

ROMA 9:1

Uku madeak kebenaran lem Kristus, uku coa mike. Sa'ei ateiku saksai lem Roh Sucai,

1 KORINTUS 9:1

Uku tun bebas. Uku rasul. Jano uku ati perneak kemliak Yesus, Tuhan ite? Udi adeba asea kerjoku utuk Tuhan.

2 KORINTUS 11:31

Allah, adeba Bapa kunei Yesus, Tuhante, namen bahwo uku coa mike, tepujaiba gen-Ne seke'an-ke'anne.

GALATIA 1:16

Allah melei bukti Anok-Ne ngen uku supayo Bito Baik tetang Anok-Ne dapet uku nelei namen ngen tun-tun iso Yahudi. Pado waktau o uku coa lalau ngen suang tun kulo utuk minoi nasihat.

GALATIA 1:20

Jano de uku temulis yo benea. Allah namen bahwo uku coa mike.

GALATIA 2:16

Kunyau awei o keme namen bahwo tun baik igai ngen Allah cuma kerno pecayo ngen Yesus Kristus, ngen iso kerno maneu hukum agamo. Keme suang kulo pecayo ngen Yesus Kristus, supayo keme baik igai ngen Allah liwet imen keme o, iso kerno keme maneu hukum agamo. Sebab ngen maneu hukum agamo, coa suang kulo nam baik igai ngen Allah.

GALATIA 2:9

Yakobus, Petrus ngen Yohanes, de ketenne jijai pemipin-pemipin jemaat, makau bahwo Allah bi melei ngen uku tugas de khusus yo. Mako tobo'o jabat tangen ngen Barnabas ngen uku sebagoi tando persahabatan. Lajau tobo'o ngen keme tujau bahwo keme bakea kerjo neak antaro bangso-bangso de iso Yahudi, ngen tobo'o neak antaro tun Yahudi.

GALATIA 3:9

Abraham pecayo, mako si diberkati. Awei o kulo kute tun de pecayo, bakea diberkati besamo-samo Abraham.

2 TIMOTIUS 1:11

Utuk melei namen Bito Baik o ba Allah maket uku jijai rasul ngen gu'au.

2 PETRUS 2:5

Awei o kulo ngen dunio jaman bel'o, Allah coa munyaune telepas kunei ukuman. Allah menea banjir lai moi dunio tun-tun de jahat pado waktau o. Cuman Nuh besamo tujuak tun luyenne bae de selamat, kerno Nuh melei namen tetang idup berkenan ngen atei Allah.