1 TIMOTIUS 2:5 - JANJAI BLAU Lem Bahaso Jang Bebilai

⁵ Sebab, cuma ade do Allah, ngen cuma do penengeak antaro Allah ngen manusio, adeba Kristus Yesus.

1 TIMOTIUS 2:5 ပူးပေါင်းရင်းမြစ်များ

MATIUS 1:1

Dioba tembo Yesus Kristus, turunan Daud, turunan Abraham. Kunei Abraham sapei Daud, gen-gen tembo Yesus Kristus adeba:

MATIUS 1:23

“Suang anok semulen'o bakea ngandung ngen melaher anok semanei, tobo'o melei genne Imanuel.” (Imanuel adeba kunei bahaso Ibrani de taine, “Allah ade besamo ite”.)

LUKAS 14:22

Sesudo'o pelayan madeak, ‘Tuan, periteak Tuan sudo naneu, tapi penan masiak dau.’

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 17:3

Dioba idup de kekal, adeba bahwo tobo'o kemnal Bapa, dedone Allah de benea, ngen kemnal Yesus Kristus de sudo nutus Bapa.

KISAH RASUL-RASUL 4:12

Coa ade keselamatan neak lem api bae kulo seluyen neak lem Si, sebab neak beak lenget yo coa ade gen luyen di nelei ngen manusio de kunei Yesus ite dapet selamat.”

ROMA 1:3

Bito Baik o tetang Anok Allah, Tuhan ite Yesus Kristus. Seca'o manusiawi, Si adeba royot Daud,

ROMA 10:12

Sebab coa ade bedane tun Yahudi ngen iso Yahudi. Kerno, Allah de do o adeba Tuhan kunei kute tun, kayo utuk kute tun de minoi tulung ngen-Si.

1 KORINTUS 8:4

Tetang persoalan kembuk de sudo sendekeak ngen patung, ite namen bahwo patung jijai lambang de sebeneane coa gen. Ite namen kulo bahwo Allah cuma do; coa gen de luyen.

1 KORINTUS 8:6

Tapi bagiak ite, Allah cuma do. Si Bapa de menea kute sesuaktau. Utuk Siba ite idup. Tuhan cuma do kulo, adeba Yesus Kristus. Liwet Si kutene nea, kerno Siba mako ite idup.

GALATIA 3:20

Nah, harus ade duai pihok, baruba perlu suang perantara. Tapi Allah coa perlu perantara, sebab Si suang bertindok.

EFESUS 4:6

ngen do Allah de jijai Bapa kute tun. Siba Tuhan semesta alam, de bekerjo liwet kutene, ngen bekuaso neak lem kutene.

1 TIMOTIUS 6:13

Ngen uyo, neak adep Allah de melei nyabai ngen kute sesuaktau, ngen neak adep Kristus Yesus de melei kesaksian de benea ngen Pontius Pilatus, uku minoi dio kunei ko:

IBRANI 12:24

Udi teko madep Yesus, Pengantara utuk janjai de belau o; udi madep daleak percikan de menjamin hal-hal de uak lebiak baik kunei de jenamin daleak Habel.

IBRANI 7:25

Kerno o utuk selamo-lamone Yesus dapet semlamat tun-tun de teko ngen Allah liwet Si, sebab Si idup selamo-lamone utuk melei permohonan ngen Allah bagiak tun-tun o.

IBRANI 8:6

Tapi uyo Yesus dapet tugas imem de uak lebiak mulio kunei de kenerjo imem-imem o. Sebab janjai de nea-Ne antaro Allah ngen manusio, adeba janjai de lebiak baik kerno das dasar janjai utuk hal-hal de lebiak baik.

IBRANI 9:15

Do'oba sebabne Kristus jijai Pengantara utuk suaktau janjai de blau, supayo tun de sudo nok Allah dapet temimo berkat-berkat kekal de sudo jenanjai Allah. Kutene o dapet tejijai kerno bi ade de matei, adeba Kristus; ngen mateine Kristus o mbebas tun kunei saleak-saleak de tobo'o nea waktau janjai de pertamo masiak berlaku.

1 YOHANES 2:1

Anok-anokku! Uku temulis dio ngen udi supayo udi jibeak menea duso. Tapi amen ade de menea duso, mako ite temuan suang pembela, adeba Yesus Kristus de adea o; Si bakea minoi nien utuk ite neak adep Bapa.

WAHYU 1:13

Neak tengeak-tengeak kekea-kekea lapu o je su'ang tun de ketenne awei Anok Manusio, makei jubah de panjangne sapei kekea. Neak dadone si makei bteng kunei mas.