1 TIMOTIUS 2:15 - JANJAI BLAU Lem Bahaso Jang Bebilai

¹⁵ Tapi selawei bakea senlamat kerno melaher anok, asl si tep pecayo ngen Kristus, tep mengasihi tun luyen serto idup cuma utuk Allah.

1 TIMOTIUS 2:15 ပူးပေါင်းရင်းမြစ်များ

LUKAS 2:7

Si melaher suang anok semanei, anokne de tuai, lajau nukusne ngen kain ngen nulikne neak lem palungan, kerno coa ade penan temalem utuk tobo'o.

1 KORINTUS 12:23

ngen anggota-anggota de ite anggep coa bego, justru adeba anggota-anggota de lebiak ite mego. Anggota-anggota awok de ketenne coa ba'es, malah lebiak ite mego.

1 TIMOTIUS 1:14

Malah anugerah Tuhan te o bi nelei ngen uku. Si melei ngen uku kepacok utuk pecayo ngen-Si, mengasihi sesamo manusio. Kepacok o nelei ngen ite kute de sudo jijai do ngen Kristus Yesus.

1 TIMOTIUS 1:5

Tujuan nasihat uku o adeba supayo tun dapet temuan atei de sucai serto sungguak-sungguak pecayo ngen Tuhan, ngen awei o tobo'o dapet mengasihi sesamone.

1 TIMOTIUS 2:9

Awei o kulo lokne selawei berias ngen sederhano ngen makei keracok de sopan. Jibeak makei potongan buk de nyolok atau makei perhiasan emas, mutiaro, atau keracok de la'ang-la'ang.

TITUS 2:12

Rahmat Allah o majea ite supayo coa igai idup melawen kelok Allah ngen coa temotoa kelok duniawi. Ite najea utuk idup lem dunio yo ngen namen temaen dirai, tulus, setia ngen Allah.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.