1 TIMOTIUS 1:9 - JANJAI BLAU Lem Bahaso Jang Bebilai

⁹ Pasetne harus ninget bahwo hukum nea iso te'adep tun baik, tapi te'adep para pelanggea hukum, para penjahat, tun bejat, te'adep tun beduso, tun coa ade agamo, tun duniawi, te'adep tun de munuak tun tuaine, para pembunuh pado umumne,

1 TIMOTIUS 1:9 ပူးပေါင်းရင်းမြစ်များ

MATIUS 10:21

Bakea tejijai amen tun semreak pasuakne dewek utuk nunuak ngen do'o kulo de bakea tejijai neak antaro Bak ngen Anokne. Anok-anok bakea mlawen ngen bak makne, ngen semreak tobo'o utuk nunuak.

ROMA 1:30

galok ngupet; tobo'o ombong ngen ku'ang ajea, jengik ngen Allah ngen galok ngike. Tobo'o pacok neak lem kejahatan ngen coa taat ngen tun tuai;

ROMA 4:13

Sebab iso kerno hukum agamo Yahudi sudo nelei janjai ngen Abraham ngen royotne, bahwo si bakea temuan dunio, tapi kerno kebenaran, das dasar imen.

ROMA 5:20

Tapi hukum agamo Yahudi tenambeak, supayo pelanggaran jijai tambeak dau; ngen neak ipen duso tambeak dau, neak di kasih karunia jijai berlimpah.

ROMA 6:14

Sebab ko coa bakea kenuaso duso igai, kerno udi coa ade neak beak hukum agamo Yahudi, tapi neak beak kasih karunio.

GALATIA 3:19

Amen awei o, jano maksud hukum agamo? Jawabne adeba bahwo hukum o tenambeak kerno pelanggaran-pelanggaran manusio. Hukum Taurat o berlaku cuma sapei tekone suang royot Abraham, de senbut neak lem janjai Allah ngen Abraham. Hukum Taurat o senapei malaikat-malaikat liwet suang manusio.

GALATIA 5:18

Tapi, amen Roh Allah mipin udi, mako udi coa kenuaso hukum agamo.

GALATIA 5:21

dengki, bogoa mabuk, poya-poya ngen sebagaine. Te'adep kutene o uku minget udi – awei de sudo uku nea bel'o – bahwo api bae de menea hal-hal awei o coa bakea jijai anggota umat Allah.

GALATIA 5:23

rendeak atei, sanggup kemuaso dirai. Coa ade hukum agamo de temtang hal-hal o.

2 TESALONIKA 2:8

tembeiba keten Manusio Jahat o. Mako amen Tuhan Yesus teko, Si bakea munuak Manusio Jahat o ngen nyabai kunei bibia-Ne, ngen binasone ngen ca'o kemten dirai-Ne pado waktau Si teko.

1 TIMOTIUS 4:7

Ne'uakba cerito-cerito takhayul de coa beguno. Lokba ko latih dirainu utuk beribadah.

1 TIMOTIUS 6:20

Hoi Timotius, jenagoba jano de sudo cayo ngen ko. Ne'uakba kecek-kecek de coa beguno ngen selisiak-selisiak tetang hal-hal de seca'o keliru de senbut “Pengetahuan”.

2 TIMOTIUS 2:16

Ne'uakba kecek-kecek de coa ade gunone ngen de mino Allah. Kecek-kecek de awei o cuma menea tun tambeak jahat.

2 TIMOTIUS 3:2

Manusio bakea murus diraine suang, jijai bogoa meker caci, ombong ngen galok mike. Tobo'o galok mino tun, berutak te'adep tun tuai, coa namen mucep mokasiak, ngen coa dulai ngen agamo.

TITUS 1:10

Sebab dau tun de galok berutak, terutamo tun-tun de nanone agamo Yahudi; tobo'o mike tun luyen.

TITUS 1:16

Tobo'o madeak bahwo tobo'o kemnal Allah, padahal plep tobo'o temulok-Ne. Tobo'o nyelek, ngen tobo'o coa lok taat; tobo'o adeba tun-tun de coa nam menea de baik.

TITUS 1:6

Suang pemipin jemaat lokba suang tun de baik; si harus temuan do ngenyan; anok-anokne harus bi pecayo ngen Kristus ngen iso anok nakea ngen coa nam natur.

TITUS 3:3

Sebab bel'o ite suang kulo bodong, sesat ngen coa taat. Ite jijai hamba memecem nafsu ngen kelok; ite idup ngen niat-niat kidek ngen kidek atei, serto saling jengik.

IBRANI 11:31

Kerno berimen kulo, mako Rahap, selawei nakea o, coa milau matei ngen tun-tun de melawen Allah; sebab si temimo ngen ramah matai-matai Israel.

IBRANI 12:16

Jagoba supayo jibeak ade de idup cabul atau coa mego hal-hal rohani, awei de nea Esau. Si jemua hokne sebagai anok tuai, cuma utuk do makuk kembuk.

1 PETRUS 2:7

Butau o kembiak bego utuk udi de pecayo. Tapi utuk tun-tun de coa pecayo, ade ayat-ayat Kiteb Sucai awei yo, “Butau de coa nakei ngen tukang-tukang bangunan o ternyato jijai butau de utamo,”

1 PETRUS 3:20

adeba roh tun-tun de coa taat ngen Allah pado zaman Nuh menea kepeane. Cuma ade tun-tun de neak kepea bae – kutene tun lapen – de senlamat liwet banjir lai o.

1 PETRUS 4:18

Lem Kiteb tetulis awei yo, “Amen tun-tun de biak kulo sudo payeak utuk senlamat, jano igai de bakea tejijai ngen tun-tun beduso de coa kemnal Tuhan!”

YUDAS 1:15

utuk makim kute tun. Tuhan bakea mukum tun-tun jahat kerno plep-plep tobo'o de bejat. Si bakea mukum tun beduso ngen durhako kerno kute kecek mino de nedeakne.”

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

WAHYU 22:15

Tapi tun-tun de menea hal-hal de keji, de makei lemau-lemau gaib, tun-tun de menea plep-plep kidek, de munuak, de nyembeak patung, ngen tun-tun de ngike, baik ngen kecek-kecek atau ngen plep, kute tun o penanne neak luea kota o.