1 TIMOTIUS 1:7 - JANJAI BLAU Lem Bahaso Jang Bebilai

⁷ Tobo'o lok jijai gu'au-gu'au agamo, padahal tobo'o suang coa paham ngen kecek-kecek de tobo'o pakei atau hal-hal de tobo'o madeak ngen yakin.

1 TIMOTIUS 1:7 ပူးပေါင်းရင်းမြစ်များ

MATIUS 15:14

Jibeakba renyeng ngen tun-tun Farisi'o. Tobo'o pemipin-pemipin buto, amen tun buto mipin tun buto, keduaine bakea us moi lem lubang.”

MATIUS 21:27

Jijai tobo'o jemawab, “Keme coa namen.” Lajau Yesus madeak ngen tobo'o, “Amen awei'o Uku kulo coa bakea madeak ngen ko, ngen hok api Uku menea kutene yo.”

LUKAS 2:46

Sesudo telau bilai mesoa, tobo'o temmau Si neak lem Umeak Tuhan. Si gidong temot temi'uk paro gu'au agamo temnai ngen tobo'o.

KISAH RASUL-RASUL 15:1

Kekedau tun teko kunei Yudea moi antiokhia ngen majea ngen tun-tun pecayo neak di, “Amen udi coa senunat temurut adat istiadat hukum Musa, udi coa dapet senlamat.”

ROMA 1:22

Tobo'o menea seolah-olah tobo'o penuak hikmat, tapi tobo'o jijai bodong.

GALATIA 3:2

Cuma dio de lok uku namen kunei udi: Jano udi bi temimo Roh kerno kemerjo hukum agamo atau kerno pecayo ngen Kristus?

GALATIA 3:5

Allah melei Roh-Ne ngen udi ngen menea keajaiban-keajaiban neak antaro udi. Jano Allah menea o kerno udi maneu hukum agamo atau kerno udi temi'uk Bito Baik o ngen pecayo ngen Kristus?

GALATIA 4:21

Nadeakba ngen uku, hoi saudaro-saudaro de lok idup neak beak kuaso hukum agamo, cubo temi'uk uku! Uku bakea melei namen ngen udi jano de sebeneane tetulis lem Kiteb Hukum Musa.

1 TIMOTIUS 6:4

si adeba tun ombong ngen coa namen jejano! Plepne adeba galok selisiak ngen tekea tetang istilah-istilah sehinggo timboa iri atei, perpecahan, fitneak, curiga ngen de coa baik,

2 TIMOTIUS 3:7

Selawei-selawei o bogoa minoi najea, tapi coa perneak ngertai de benea kunei Allah.

YAKOBUS 3:1

Saudaro-saudaro! Jibeakba dau tun kunei udi de lok jijai guau. Udi namen ite de jijai guau bakea hukum temurut ukuran de lebiak benek kunei tun luyen.

2 PETRUS 2:12

Tapi gu'au-gu'au o, luea biaso! Tobo'o awei benatang de laher utuk tenakep ngen nunuak bae. Tobo'o coa bepeker tapi cuma menea temurut naluri bae, sehinggo tobo'o semrang hal-hal de coa tobo'o ngertai ngen kecek-kecek hino. Sebab o, plep-plep tobo'o suang, tobo'o bakea benaso awei benatang-benatang buas.