1 TIMOTIUS 1:5 - JANJAI BLAU Lem Bahaso Jang Bebilai

⁵ Tujuan nasihat uku o adeba supayo tun dapet temuan atei de sucai serto sungguak-sungguak pecayo ngen Tuhan, ngen awei o tobo'o dapet mengasihi sesamone.

1 TIMOTIUS 1:5 ပူးပေါင်းရင်းမြစ်များ

MATIUS 12:35

Tun de baik mucep hal-hal de baik kerno si penuak ngen hal-hal de baik. Kebelekne tun de jahat mucep hal-hal de jahat kerno si penuak ngen hal-hal jahat.

MATIUS 5:8

Allah melei rahmat ngen tun de sucai ateine; tobo'o bakea kemliak Allah.

KISAH RASUL-RASUL 15:9

Allah samo sekilai coa mbeda antaro ite ngen tobo'o, sesudo Si semucai atei tobo'o ngen imen.

KISAH RASUL-RASUL 23:1

Samo kemliak anggota-anggota Mahkamah Agamo, Paulus madeak, “Pasuak-pasuak, sapei bilai yo uku tep idup ngen atei nurani de murni neak adep Allah.”

KISAH RASUL-RASUL 24:16

Kerno o uku bogoa beusaho utuk idup, supayo atei nuraniku bersih teadep Allah ngen manusio.

ROMA 10:4

Sebab Kristus adeba kegenapan hukum agamo Yahudi, sehinggo kebenaran dapet ngen tiep-tiep tun de pecayo.

ROMA 12:9

Lokba kasih o jibeak pepurak! Ne'uakba de coa baik ngen neaba de baik.

ROMA 14:15

Tapi amen ngen jano de Saudaro mbuk, su'ang saudaro do imen gis ateine, mako Saudaro coa igai bertindak kerno kasih. Amen Kristus bi matei utuk su'ang tun, jibeakba munyau tun o nusak ngen jano de saudaro mbuk.

ROMA 9:1

Uku madeak kebenaran lem Kristus, uku coa mike. Sa'ei ateiku saksai lem Roh Sucai,

1 KORINTUS 13:1

Kunyau uku dapet miling ngen bebagoi bahaso manusio, bahkan ngen bahaso malaikat, tapi uku coa kemasiak tun luyen, mako kecek-kecekku o cuma sa'ei bae coa ade taine.

2 KORINTUS 1:12

Keme bangga, sebab atei nurani keme melei saksai ngen keme bahwo idup keme neak dunio yo, khususne lem hubungan keme ngen udi, kenuaso ketulusan ngen kemurnian kunei Allah iso kunei dunio, tapi ngen kekuatan anugerah Allah.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

1 TIMOTIUS 1:18

Tugas yo uku melei ngen ko, Timotius anokku, sesuoi ngen pesen Allah de senapei nebai-nebai lem jemaat tetang dirainu. Lokba pesen o jijai bekal utuknu lem perjuangan de baik.

1 TIMOTIUS 1:19

Berjuangba ngen bepegong pado kepercayaan de benea ngen atei nurani de sucai. Ade tun-tun de coa dulai ngen sa'ei atei nuranine, sehinggo ajuaba kepercayaan tobo'o.

1 TIMOTIUS 3:9

Tobo'o harus bepegong teguh ngen atei nurani de sucai pado ajaran kepercayaan Kristen de sudo Allah melei namen.

2 TIMOTIUS 1:3

Uku mucep syukur ngen Allah de uku melayan ngen atei nurani de sucai awei de nea ninik puyang uku bel'o. Uku bogoa mucep mokasiak ngen Allah tiep kilai uku tinget ngen ko lem du'o, baik lueng atau kelmen.

2 TIMOTIUS 1:5

Uku tinget ngen kepercayaannu de sungguak-sungguak ngen Kristus, serai awei kepercayaan niniknu Lois ngen indoknu Eunike. Ngen uku yakin ko kulo pecayo awei o.

2 TIMOTIUS 2:22

Sebab o, Ne'uakba nafsu tun u'ai. Berusahoba utuk idup temurut kelok Allah, setia ngen ajaran-Ne ngen mengasihi sesamo, serto temuan atei de tenang. Idupba awei o besamo tobo'o de menggang minoi tulung ngen Tuhan, ngen atei de sucai.

TITUS 1:15

Kute sesuaktau adeba sucai bagiak tun-tun de sucai. Tapi utuk tun-tun de pekeranne kidek ngen de coa ade imen, coa ade sesuaktau de sucai, sebab pekeran ngen atei nurani tobo'o bi kidek!

IBRANI 10:22

Kerno o, maroba ite ma'ok Allah ngen atei tulus ngen imen de kuet; ngen atei de sudo senucai kunei asai saleak, ngen awok de sudo senucai ngen bioa de sucai.

IBRANI 13:18

Terusba bedu'o utuk keme. Keme yakin atei nurani keme sucai, sebab lem kute hal keme bogoa lok menea jano de benea.

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

YAKOBUS 4:8

Na'okba Allah, Allah kulo bakea ma'ok udi. Mpukba tangennu, udi de beduso! Ngen senucaiba ateinu, udi menduai atei!

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 PETRUS 3:16

Tapi neaba do'o ngen lemah lembut, hormat. Ngen lokba atei nuraninu sucai, supayo amen udi fitneak tun kerno udi idup ngen baik sebagai penotoa Kristus, mako tun de fitneak o bakea jijai selek suang.

1 PETRUS 3:21

Nah, kejadian o adeba kiasan kunei baptisan de uyo yo semlamat udi. Baptisan yo iso suaktau upacara semucai awok kunei kute de ngei, meluyen adeba janjainu ngen Allah kunei atei nurani de baik. Baptisan o semlamat udi kerno Yesus Kristus bi idup igai kunei matei,

1 PETRUS 4:8

Lebiak kunei pado kekute, lokba udi sungguak-sungguak kemasiak do ngen luyen, sebab ngen saling kemasiak udi bakea besedio kulo utuk saling mapun.

2 PETRUS 1:7

Ngen idup temurut kelok Allah harus kulo nelkep ngen kasih sayang ngen saudaro-saudaro do imen. Selanjutne lokba kasih sayangnu ngen saudaro-saudaro do imen tenambeak ngen kasih teadep kute tun.

1 YOHANES 3:10

Dioba bedane anok-anok Allah ngen anok-anok Iblis: api de coa menea kelok Allah, atau coa mengasiak saudarone, si iso Anok Allah.

1 YOHANES 3:23

De Si periteak ngen ite adeba: Ite harus pecayo ngen Anok-Ne, adeba Yesus Kristus, ngen ite harus sesamo mengasiak, awei de sudo neriteak Kristus ngen ite.

1 YOHANES 3:3

Kute tun de temuan harapan yo teadep Kristus, jemago diraine supayo sungguak-sungguak sucai, bersih kunei duso awei ipe Kristus kulo sucai.