1 TIMOTIUS 1:4 - JANJAI BLAU Lem Bahaso Jang Bebilai

⁴ Madeak ngen tobo'o supayo jibeak igai melei perhatian pado dongeng-dongeng ngen cerito-cerito asal-usul de coa putus-putusne. Kutene o cuma menea tekea bae, ngen coa memajukan rencano Allah de cuma dapet kemnal liwet pecayo ngen-Si.

1 TIMOTIUS 1:4 ပူးပေါင်းရင်းမြစ်များ

2 KORINTUS 1:12

Keme bangga, sebab atei nurani keme melei saksai ngen keme bahwo idup keme neak dunio yo, khususne lem hubungan keme ngen udi, kenuaso ketulusan ngen kemurnian kunei Allah iso kunei dunio, tapi ngen kekuatan anugerah Allah.

EFESUS 3:2

Memang udi bi temi'uk bahwo Allah, kerno atei-Ne baik, bi melei ngen uku tugas yo utuk kepetingannu.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

1 TIMOTIUS 4:7

Ne'uakba cerito-cerito takhayul de coa beguno. Lokba ko latih dirainu utuk beribadah.

1 TIMOTIUS 6:11

Tapi ko adeba tun de Allah temuan, jijai ko harus meu'ak kutene o. Berusahoba jijai tun de benea neak matai Allah, de mengabdi ngen Allah, pecayo ngen Kristus, mengasihi sesamo, tabah lem penderitaan, ngen bersikep lemah lembut.

1 TIMOTIUS 6:20

Hoi Timotius, jenagoba jano de sudo cayo ngen ko. Ne'uakba kecek-kecek de coa beguno ngen selisiak-selisiak tetang hal-hal de seca'o keliru de senbut “Pengetahuan”.

2 TIMOTIUS 2:14

Lokba ko minget tun-tun tetang kutene yo. Neak adep Allah, meleiba nasihat ngen tobo'o supayo jibeak tekea tetang istilah-istilah. Do'o coa ade gunone, malah cuma kemacau tun-tun de temi'ukne.

2 TIMOTIUS 2:22

Sebab o, Ne'uakba nafsu tun u'ai. Berusahoba utuk idup temurut kelok Allah, setia ngen ajaran-Ne ngen mengasihi sesamo, serto temuan atei de tenang. Idupba awei o besamo tobo'o de menggang minoi tulung ngen Tuhan, ngen atei de sucai.

2 TIMOTIUS 2:23

Jibeakba milau lem selisiak tun-tun bodong de coa namen jejano. Ko namen bahwo kute o cuma jijai tekea.

2 TIMOTIUS 4:4

Tobo'o bakea mutup ti'ukne te'adep de benea, tapi bakea temi'uk te'adep cerito-cerito dongeng.

TITUS 1:1

Anokku Titus! Uku, Paulus, temulis su'et yo sebagai hamba Allah ngen rasul Yesus Kristus. Uku niliak ngen nutus utuk temulung tun-tun piliak Allah supayo jijai kuet lem imen tobo'o. Uku kulo harus bimbing tobo'o supayo kemnal ajaran de benea de najea agamo te.

TITUS 1:14

Ngen coa igai bepegong ngen dongeng-dongeng Yahudi atau aturan-aturan de nea tun-tun de temulok ajaran de benea o.

TITUS 3:9

Ne'uakba selisiak de coa ade gunone, cerito-cerito asal usul, tekea, belago tetang hukum agamo. Kutene o coa ade gunone ngen coa ade utungne.

IBRANI 13:9

Jibeakba munyau kute mecem ajaran de seseleh semset udi. Atei ite harus kenuet ngen kebaikan atei Allah, do'oba de baik; jibeak ngen peraturan-peraturan tetang kembuk. Tun-tun de bel'o taat ngen peraturan-peraturan o coa dapet utungne.

2 PETRUS 1:16

Pado waktau keme melei namen ngenko betapa agungne tekone Tuhan ite Yesus Kristus, keme coa begatung pado nandei-nandei. Keagungan Kristus o sudo keme kemliak ngen matai keme suang.