1 TIMOTIUS 1:3 - JANJAI BLAU Lem Bahaso Jang Bebilai

³ Uku lok supayo ko tep tinggea neak Efesus awei de sudo uku demsok ko pado waktau ko lalau moi Makedonia. Sebab, neak Efesus ade kekedau tun de sembea ajaran de coa benea, ko harus mdan tobo'o.

1 TIMOTIUS 1:3 ပူးပေါင်းရင်းမြစ်များ

KISAH RASUL-RASUL 18:19

Lajau sapeiba tobo'o neak Efesus. Paulus teminggea Priskila ngen Akwila neak di. Si suang masuk moi umeak semyang, miling ngen tun-tun Yahudi.

KISAH RASUL-RASUL 18:21

Si pamit ngen madeak, “Uku bakea teko igai ngen udi, amen Allah kemlokne.” Lajau Paulus terus lalau moi Efesus.

ROMA 15:26

Sebab jemaat-jemaat neak Makedonia ngen Akhaya bi tujau utuk melei sumbangan ngen saudaro-saudaro de peset neak antaro umat Allah neak Yerusalem.

ROMA 16:17

Saudaro-saudaro! Uku minoi nien: Teateiba teadep tun-tun de menea perpecahan ngen kemacau kepercayaan tun ngen Tuhan. Hal o bertentangan ngen jano de sudo najea ngen udi. Ne'uakba tun-tun awei o.

2 KORINTUS 11:4

Sebab udi sabar bae, amen ade suang tun teko melei bito Yesus de luyen kuneipado de sudo keme melei namen, atau melei ngen udi roh de luyen de sudo udi temimo atau Bito Baik de luyen kuneipado de sudo udi temimo.

EFESUS 4:14

Mako ite coa jijai anok-anok de terombang-ambing ngen coa tau arahne ngen memecem ajaran kunei tun-tun licik. Tobo'o menea tun seset ngen tipu muslihat tobo'o.

FILIFI 2:24

Uku pecayo bahwo ngen petulung Tuhan, uku suang kulo coa an igai bakea mulau udi kulo.

1 TIMOTIUS 4:11

Najeaba kutene o ngen neluakba tun-tun temotoane.

1 TIMOTIUS 4:6

Amen ko majea kutene o ngen Saudaro-saudaro do imen, ko bakea jijai pelayan Kristus Yesus de bekerjo ngen baik. Ngen ko bakea mupuk batinnu ngen kecek Allah de ite pecayo, ngen ajaran-ajaran de benea de sudo tenotoanu ke'an yo.

1 TIMOTIUS 5:7

Melei nasihatba ngen rando-rando o kunyau tobo'o idup ngen bebaik.

1 TIMOTIUS 6:10

Kerno bogoa meker caci, timboa kute mecem kejahatan. Ade pa'o tun mesoa caci sehinggo bi coa temurut igai ajaran Kristen, lajau tobo'o keno dau penderitaan de majua atei tobo'o.

1 TIMOTIUS 6:17

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

1 TIMOTIUS 6:3

Api de majea ajaran de luyen kunei o ngen coa tujau ngen ajaran de benea kunei Tuhan te Yesus Kristus, ngen ajaran agamo te,

2 TIMOTIUS 1:18

Ngen uku namen bahwo neak Efesus si dau nien temulung uku. Semoga Tuhan melei rahmatne ngen si pado bilai Tuhan mukum kute umat manusio.

2 YOHANES 1:7

Dau penyesat bi teko ngen lalau moi kute dunio, tobo'o adeba tun-tun de coa makau bahwo Yesus Kristus teko moi dunio sebagai su'ang manusio. Tun de awei o adeba penyesat, ngen musuak Kristus.

WAHYU 2:14

Tapi awei yo ade kekedau hal de Uku coa senang kunei udi: Ade pa'o tun neak antaro udi de temotoa jano de najea Bileam. Bileam majea Balak awei ipe jemrumus umat Israel moi lem duso; ngen mbujuk tobo'o utuk mbuk kembuk de sudo seniap ngen patung, menea hal-hal de cabul.

WAHYU 2:20

Tapi dio keberatan-Ku teadep udi: Udi melei atei ngen Izebel, selawei de makau diraine suruhan Allah. Bi dau hamba-hamba-Ku de tepike ngen de najeane utuk menea zinah ngen Utuk embuk kembuk persembahan patung.