1 TIMOTIUS 1:18 - JANJAI BLAU Lem Bahaso Jang Bebilai

¹⁸ Tugas yo uku melei ngen ko, Timotius anokku, sesuoi ngen pesen Allah de senapei nebai-nebai lem jemaat tetang dirainu. Lokba pesen o jijai bekal utuknu lem perjuangan de baik.

1 TIMOTIUS 1:18 ပူးပေါင်းရင်းမြစ်များ

KISAH RASUL-RASUL 16:1

Paulus teko kulo moi Derbe ngen moi Listra. Neak di ade suang penotoa de genne Timotius. Indokne suang tun Yahudi ngen bi pecayo, dong tiakne suang tun Yunani.

1 KORINTUS 4:17

Utuk o uku bi mutus Timotius ngen ko. Sebagai penotoa Kristus, si serai awei anokku suang de uku sayang. Si anok de dapet uku pecayo. Be si bakea minget udi tetang ca'o idup de uku totoa sesudo pecayo ngen Kristus, adeba ca'o idup de uku majea neak tiep jemaat neak ipe bae.

1 KORINTUS 9:7

Coa ade anggota tentra de harus temanggung biayane suang neak lem angkatan perang! Coa ade petani de temanem anggur neak kebunne lajau mbuk asea anggur kunei kebun o! Coa ade gembala de semido bebirai, lajau coa mbuk susu kunei bebirai o!

FILIFI 2:22

Udi suang sudo kemliak buktine bahwo Timotius beguno. Si bi kerjo benek besamo uku utuk melei namen Bito Baik kunei Allah. Keme beduai awei anok ngen bapok bae.

1 TIMOTIUS 1:5

Tujuan nasihat uku o adeba supayo tun dapet temuan atei de sucai serto sungguak-sungguak pecayo ngen Tuhan, ngen awei o tobo'o dapet mengasihi sesamone.

1 TIMOTIUS 4:14

Jibeak ko laloi makei karunio kunei Roh Allah de nelei ngen ko pado waktau pemipin-pemipin jemaat pek tangen tobo'o neak das ulaunu, ngen nebai-nebai semapei pesen Allah tetang dirainu.

1 TIMOTIUS 4:4

Kerno kute de cenipto Allah o baik ngen coa ade do kulo de haram, amen tenimo ngen mucep syukur ngen Allah.

1 TIMOTIUS 6:20

Hoi Timotius, jenagoba jano de sudo cayo ngen ko. Ne'uakba kecek-kecek de coa beguno ngen selisiak-selisiak tetang hal-hal de seca'o keliru de senbut “Pengetahuan”.

2 TIMOTIUS 4:7

Uku bi milau pertandingan ngen sebaik-baikne, uku bi sapei moi garis akher. Uku tep setia ngen Kristus sapei akher.

TITUS 1:4

Titus, ko adeba sungguak-sungguak anokku, sebab ko ngen uku bi pecayo ngen Kristus. Uku ma'ep supayo Allah Bapa ngen Kristus Yesus Rajo Penyelamat ite, melei berkat ngen sejahtera ngen ko.

FILEMON 1:10

Uku, Paulus, minoi ngen ko tetang Onesimus, anok uku de lem Kristus. Sebab neak lem sel yo uku bi jijai bak aketne.