1 TIMOTIUS 1:16 - JANJAI BLAU Lem Bahaso Jang Bebilai

¹⁶ Tapi justru kerno'oba Allah mengasihi uku, supayo Kristus Yesus dapet kemten kute kesabaran-Ne te'adep uku, tun de kembiak beduso yo. Ngen dio jijai suaktau contoh utuk kute tun de be bakea pecayo ngen-Si ngen dapet idup sejati ngen kekal.

1 TIMOTIUS 1:16 ပူးပေါင်းရင်းမြစ်များ

LUKAS 15:10

Uku madeak ngen udi, ‘Awei yo kulo bakea ade riang pado malaikat-malaikat Allah kerno do tun beduso de betobat!’ ”

LUKAS 23:43

Nadeak Yesus ngen si, “Uku madeak ngen ko, sesungguakne bilai yo kulo bakea ade sesamo ngen Uku neak lem Firdaus.”

LUKAS 7:47

Sebab o Uku madeak ngen ko: Dusone de dau o bi napun, sebab si bi dau menea kasiak. Tapi tun de didik napun, didik kulo si menea kasiak.”

YOHANES 20:31

Tapi hal-hal yo bi cenatet, supayo udi pecayo bahwo Yesusba Rajo Penyelamat, Anok Allah, ngen supayo kerno pecayo, udi dapet idup lem gen-Ne.

YOHANES 3:36

Api bae de pecayo ngen Anok, si dapet idup de kekal. Tapi api bae de coa taat ngen Anok si coa bakea kemliak idup, meluyen murko Allah tep tinggea neak dasne.

YOHANES 5:24

Sesungguakne Uku madeak ngen ko, ‘Api bae bi temi'uk kecek-Ku ngen pecayo ngen Si de mutus Uku, si temuan idup de kekal ngen coa milem nukum, sebab si sudo baliak kunei lem maut moi lem idup.’

YOHANES 6:37

Kute de bi melei Bapa ngen Uku bakea teko ngen Uku, ngen api bae de teko ngen Uku, si coa bakea Uku muang.

YOHANES 6:40

Sebab dioba kelok Bapa-Ku: Adeba supayo tiep tun de kemliak Anok ngen de pecayo ngen-Si dapet idup de kekal, ngen supayo Uku midup igai pado Bilai Kiamat.”

YOHANES 6:54

Api de mbuk daging-Ku ngen mbuk daleak Ku, si temuan idup de kekal ngen Uku bakea midupne pado Bilai Kiamat.

KISAH RASUL-RASUL 13:39

Dong neak lem Si tiep tun de pecayo jijai benea.

ROMA 15:4

Kute de tetulis neak lem Kiteb Sucai adeba utuk majea ite. Sebab pelajaran de ite temimo kunei Kiteb Sucai menea ite jijai tabah ngen kuet sehinggo ite dapet ma'ep ngen Allah.

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

1 KORINTUS 7:25

Uyo tetang tun-tun de ati nikeak. Tetang hal'o, uku coa temimo periteak kunei Tuhan. Tapi sebagai tun de kerno rahmat Tuhan patut cenayo, uku lok melei nasehat ku.

2 KORINTUS 4:1

Keme menea kerjo yo kerno Allah baik. Do'o sebabne keme coa putus asa.

EFESUS 1:12

supayo keme, de ayokne bi mpek harapan ngen Kristus, buliak jijai puji-pujian bagiak kemulioan-Ne.

EFESUS 1:6

Tepujaiba Allah de agung, kerno liwet Anok-Ne de tecito Si kebiak sayang ngen ite.

EFESUS 2:7

Allah nea o supayo pado zaman de bakea teko, manusio dapet kemliak padeak laine kasih Allah. Kasih o kenten Allah liwet kebaikan atei-Ne ngen ite liwet Yesus Kristus.

2 TESALONIKA 1:10

Kutene o bakea tejijai pado bilai Si teko be utuk diagungkan umat-Ne ngen utuk hormat kute tun de pecayo. Udi kulo bakea ade neak antaro umat Allah o, sebab udi bi pecayo ngen bito de keme semapei ngen udi.

1 TIMOTIUS 1:13

Kunyau bel'o uku fitneak ngen semikso serto mino Si. Tapi Allah mengasihi uku, kerno pado waktau o uku ati pecayo, jijai uku coa namen jano de uku nea.

IBRANI 7:25

Kerno o utuk selamo-lamone Yesus dapet semlamat tun-tun de teko ngen Allah liwet Si, sebab Si idup selamo-lamone utuk melei permohonan ngen Allah bagiak tun-tun o.

1 PETRUS 3:20

adeba roh tun-tun de coa taat ngen Allah pado zaman Nuh menea kepeane. Cuma ade tun-tun de neak kepea bae – kutene tun lapen – de senlamat liwet banjir lai o.

2 PETRUS 3:15

Anggapba kesabaran Tuhan ite sebagai kesepatan de nelei-Ne ngen udi supayo selamat. Paulus, saudaro ite de tecit'o, sudo temulis de awei'o kulo ngen udi. Si temulis o ngen kebijaksanaan de nelei Allah ngen si.

2 PETRUS 3:9

Tuhan coa cendok melei jano de sudo jenanjai-Ne kunyau ade de madeak awei yo. Sebelekne, Si sabar teadep udi, sebab Si coa lok su'ang tun kulo benaso. Si lok supayo kute tun tobat kunei duso-dusone.