1 TESALONIKA 5:6 - JANJAI BLAU Lem Bahaso Jang Bebilai

⁶ Sebab o ite coa buliak tidua bae awei tun luyen. Ite harus waspada ngen pekeran te harus te'ang.

1 TESALONIKA 5:6 ပူးပေါင်းရင်းမြစ်များ

MATIUS 13:25

Pado waktau klemen, tiko kute tun gidong tidua, musuak petani'o teko tembea biniak lalang neak antaro gendum'o lajau alau.

MATIUS 24:42

Jijai, teateiba, sebab udi coa namen tengen Tuhannu bakea teko.

MATIUS 25:13

Lajau Yesus temutup perumpamo yo ngen madeak awei yo, “Kerno'o bejago-jagoba, kerno udi coa namen bilai ngen waktaune.”

MATIUS 25:5

Pengaten semanei cendok sapei, lajau semulen-semulen'o muloi setekuk lajau tetidua.

MATIUS 26:38

Lajau nadeak-Ne ngen penotoa-penotoa-Ne, “Atei-Ku kembiak ibo, awei lok matei asaine. Tinggeaba neak piyo, ngen bejago-jagoba ngen Uku.”

MARKUS 13:37

Jano de Kunadeak ngen udi, Uku madeak ngen kute tun: bejago-jagoba!”

LUKAS 12:37

Bahagiaba pelayan-pelayan de tuanne kemliak bejago-jago waktau si teko. Uku madeak ngen udi: sesungguakne si bakea meket pinggangne ngen meluak tobo'o temot mukmei, ngen si bakea teko mlayan tobo'o.

LUKAS 12:39

Tapi namenba dio: Amen tuan umeak namen jam kedau risau bakea teko, si coa bakea munyau umeakne nukok.

LUKAS 21:36

Bejago-jagoba, ngen bedu'oba bogoa supayo udi kuet matasi kute hal de bakea tejijai ngen udi dapet madep Anok Manusio.”

LUKAS 22:46

Nadeak-Ne ngen tobo'o, “Getai udi tidua? Klongonba ngen bedu'o, supayo udi jibeak us moi lem cubo.”

KISAH RASUL-RASUL 20:31

Kerno o bejago-jagoba! Inget bahwo telau taun anne ngen dau bioa matai, pueng kelmen uku coa perneak bedan majea tiep tun kunei udi.

1 KORINTUS 15:34

Sadarba uyo, ngen jibeak igai menea duso. Seharusne udi selek, bahwo neak antaro udi ade de ati kemnal Allah.

1 KORINTUS 16:13

Lokba udi waspada ngen teguak lem idupnu sebagai tun Kristen. Betindakba seca'o binai ngen jijaiba kuet.

EFESUS 2:3

Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

EFESUS 5:14

Do'oba sebabne de nadeak, “Kelongonba, hoi udi de tidua ngen jagaiba kunei tun-tun matei ngen Kristus bakea bercahayo das udi.”

EFESUS 6:18

Neaba kutene o samo bedu'o utuk minoi tulung ngen Allah, bedu'oba tiep waktau neak lem Roh Allah. Lokba udi bogoa siap ngen jibeak nyereak. Bedu'oba utuk kute umat Allah.

FILIFI 4:5

Lokba kute tun dapet kemliak sikep udi de baik atei. Sebab coa an igai Tuhan bakea teko.

KOLOSE 4:2

Lokba udi taat bedu'o ngen siap siaga, samo mucep syukur ngen Allah.

1 TESALONIKA 4:13

Saudaro-saudaro, keme lok supayo udi namen de sebeneane tetang tun-tun de sudo ningea; supayo udi coa ibo awei tun-tun luyen de coa temuan harapan.

1 TESALONIKA 5:10

Si matei utuk ite supayo pado waktau Si teko be – teak ite masiak idup, teak ite bi matei – ite dapet idup besamo Si.

1 TESALONIKA 5:8

Tapi ite, de adeba tun-tun lueng, sebab o pekeran ite harus te'ang. Ite harus tep pecayo ngen Tuhan ngen mengasihi tun-tun luyen serto ma'ep ngen yakin bahwo Allah bakea semlamat ite. Do'oba senatai de melindungi ite lem perjuangan melawen kelem.

1 TIMOTIUS 2:15

Tapi selawei bakea senlamat kerno melaher anok, asl si tep pecayo ngen Kristus, tep mengasihi tun luyen serto idup cuma utuk Allah.

1 TIMOTIUS 2:9

Awei o kulo lokne selawei berias ngen sederhano ngen makei keracok de sopan. Jibeak makei potongan buk de nyolok atau makei perhiasan emas, mutiaro, atau keracok de la'ang-la'ang.

1 TIMOTIUS 3:11

Ngenyan-ngenyan tobo'o lokba tun terhormat, harusba kulo tun baik, iso tun de galok fitneak. Tobo'o harus temaen dirai ngen jujur lem kute hal.

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

2 TIMOTIUS 4:5

Kunyau awei o, ko harus kemuaso dirainu lem keadaan awei ipe kulo. Tabah lem saro, kemerjoba tugasnu sebagai tukang melei Bito Baik o ngen neaba ngen sebaik-baikne kewajibannu sebagai pelayan Allah.

TITUS 2:12

Rahmat Allah o majea ite supayo coa igai idup melawen kelok Allah ngen coa temotoa kelok duniawi. Ite najea utuk idup lem dunio yo ngen namen temaen dirai, tulus, setia ngen Allah.

TITUS 2:6

Awei o kulo, meleiba nasehat ngen tun-tun u'ai supayo tobo'o jijai bijaksana.

1 PETRUS 1:13

Sebab o lokba udi siap. Teateiba ngen maʼepba sepenuakne pado berkat de bakea nelei ngen udi pado waktau Yesus Kristus teko igai.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

WAHYU 16:15

“Teni'ukba! Uku teko awei maling! Riangba tun de siap ngen jemago keracokne, sehinggo si coa paneu ngen beleseng ngen jijai selek neak adep tun dau!”

WAHYU 3:2

Sebab o, kelongonba, kenuetba jano de masiak ade ngen udi ayok do'o matei samo sekilai. Sebab uku dapet bahwo jano de udi nea, ati ade do kulo de sempurno neak adep Allah.