1 TESALONIKA 5:4 - JANJAI BLAU Lem Bahaso Jang Bebilai

⁴ Tapi udi, Saudaro-saudaro, udi coa idup neak lem kelem sehinggo bilai o tetibo magea ko awei suang risau.

1 TESALONIKA 5:4 ပူးပေါင်းရင်းမြစ်များ

MATIUS 10:15

Ingetba! Pado Bilai Kiamat tun-tun neak kota Sodom ngen Gomora bakea lebiak Allah mapunne kunei tun-tun neak kota'o!”

LUKAS 21:34

“Jagoba dirainu, jibeak sapei udi kembiak sibuk bepesta ngen mabuk menem, atau kembiak meker soal-soal idupnu, sehinggo udi coa siap ketiko bilai o teko ngen tetibo.

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

KOLOSE 1:13

Si bi mbebas ite kunei kuaso kegelapan ngen maliak ite moi lem kerajaan Anok-Ne de kenasiak-Ne.

1 TESALONIKA 5:2

Sebab udi suang namen ngen jelas bahwo Bilai tekone Tuhan o bakea teko awei pencuri teko pado bilai kelmen

2 PETRUS 3:10

Tapi Bilai tekone Tuhan bakea teko awei maling. Pado bilai o, lenget bakea nyep ngen sa'ei gutua, ngen benda-benda neak lenget bakea abis tekembem, bumai ngen kute de ade neak lemne bakea nyep.

1 YOHANES 2:8

Kunyau awei o, periteak de uku temulis yo belau kulo; kerno kebeneane dapet kenliak neak dirai Kristus ngen dirai udi. Sebab kelem tambeak nyep ngen te'ang de benea bi muloi bersinar

WAHYU 16:15

“Teni'ukba! Uku teko awei maling! Riangba tun de siap ngen jemago keracokne, sehinggo si coa paneu ngen beleseng ngen jijai selek neak adep tun dau!”

WAHYU 3:3

Jijai, tingetba igai ngen jano de sudo najea ngen udi bel'o ngen jano de sudo udi teni'uk. Temotoaba do'o ngen tobatba kunei duso-duso udi. Amen udi coa kelongon, uku bakea teko ngen udi awei maling; ngen udi coa bakea namen tengen waktaune Uku teko.