1 TESALONIKA 5:3 - JANJAI BLAU Lem Bahaso Jang Bebilai

³ Amen tun madeak, “Kutene aman ngen tentram,” mako pado waktau o ba tetibo tobo'o bakea ditimpa kebinasoan, ngen coa suang tun kulo dapet lolos. Hal o bakea tejijai tetibo, awei suang selawei meding gis waktau lok melaher.

1 TESALONIKA 5:3 ပူးပေါင်းရင်းမြစ်များ

MATIUS 23:33

Udi jahat ngen udi kulo anok tun jahat! Awei ipe udi dapet semlamat dirai kunei hukuman neak nerako?

YOHANES 16:21

Amen Suang selawei ibo pado waktau si melaher, tapi sesudo'o si melaher anokne, si coa tinget igai ngen deritone, kerno keriang bahwo suang manusio bi laher neak dunio.

KISAH RASUL-RASUL 13:41

‘Kemliak baik-baik, hoi udi tun-tun de galok mino! Seleba ngen mateiba! Kerno Uku menea suaktau pekerjaan lem zaman nu, suaktau pekerjaaan, de coa bakea udi pecayo, amen cenrito ngen udi.’ ”

2 TESALONIKA 1:9

Tun-tun o bakea temimo hukuman kebinasoan selamo-lamone, nuang moi luea kunei lingkungan Tuhan ngen kunei kuaso-Ne de agung.

IBRANI 12:23

Udi temotoa sesuaktau pertemuan de meriah – pertemuan anok-anok tuai Allah, de genne ade neak lem surgo. Udi teko madep Allah, Hakim kute umat manusio. Udi madep roh-roh tun-tun baik, de sudo jijai sempurno.

IBRANI 2:3

Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.

2 PETRUS 2:4

Sebab amen Allah coa semayang malaikat-malaikat de menea duso tapi meting tobo'o moi lem nerako ngen awei yo semreakne moi lem guo-guo de kelem utuk maik tobo'o sapei Bilai Penghakiman.