1 TESALONIKA 5:12 - JANJAI BLAU Lem Bahaso Jang Bebilai

¹² Saudaro-saudaro, keme minoi nien supayo udi hormat ngen tobo'o de kerjo neak tengeak-tengeak udi; adeba tobo'o de niliak Tuhan utuk mipin ngen melei nasehat ngen udi.

1 TESALONIKA 5:12 ပူးပေါင်းရင်းမြစ်များ

LUKAS 10:7

Tinggeaba neak do umeak bae. Tenimoba jano de nidang ngen udi neak di, sebab tun de bekerjo dapet temimo upeakne. Jibeak bebaliak kunei do umeak moi umeak de luyen.

YOHANES 4:38

Uku mutus udi utuk manen jano de coa udi usaho; tun-tun luyen berusaho ngen udi teko mopoa asea usaho tobo'o.”

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

KISAH RASUL-RASUL 20:35

Lem kute pekaro uku bi melei contoh ngen ko bahwo ngen kerjo awei yo ite harus temulung tun-tun de lemah. Kerno ite harus inget ngen jano de Tuhan Yesus suang bi nadeak, ‘Lebiak riang melei kunei pado mimo.’ ”

ROMA 16:12

Salam uku ngen Trifena ngen Trifosa de bekerjo keras melayan Tuhan, ngen Persis de uku kasihi. Si kulo bi kerjo keras utuk Tuhan.

ROMA 16:6

Salam uku kulo ngen Maria. Si bi kerjo keras utuk udi.

1 KORINTUS 12:28

Awei'o kulo neak lem jemaat, Allah sudo temtau penan utuk dau tun: Mulo-mulo rasul-rasul; keduai nebai-nebai, ketelau gu'au-gu'au lajau tobo'o de menea keajaiban-keajaiban, sudo'o tobo'o de nelei karunio utuk kema'en tun, atau utuk temulung tun luyen atau utuk mipin, atau kulo utuk miling ngen bebagoi bahaso de ajaib.

1 KORINTUS 15:10

Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku.

1 KORINTUS 16:16

Uku musul ngen bebenea supayo udi temotoa pipinan tun-tun de awei'o, serto tun-tun luyen de kerjo samo ngen melayan besamo tobo'o.

1 KORINTUS 16:18

Tobo'o bi menea atei uku jijai riang, awei tobo'o menea riang atei nu. Tun-tun awei'o harus nego.

1 KORINTUS 3:9

Keme adeba samo-samo kerjo utuk Allah; ngen udi adeba awei kebun Allah. Saudaro-saudaro adeba awei gedung Allah.

2 KORINTUS 11:23

Jano tobo'o pelayan Kristus? – uku madeak awei tun iloa – uku lebiak igai! Uku kerjo lebiak giat; lebiak galok neak lem sel; uku lebiak dau senikso, cet gesea matei.

2 KORINTUS 5:9

Kerno o keme berusaho sungguak-sungguak utuk semnang atei-Ne, baik waktau keme masiak ade neak umeak keme neak yo, atau neak di.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

GALATIA 4:11

Uku khawatir, jibeak sapei jerih payeakku utuk udi sio-sio bae.

FILIFI 2:16

Samo bepegong pado firman kehidupan, kunyau uku dapet mbangga pado bilai Kristus bahwo uku coa percuma besamo ngen pepayeak.

FILIFI 2:19

Tapi lem Tuhan Yesus kuma'ep segro mbo Timotius ngenko, supayo tenang kulo ateiku kerno bito tetang udi.

KOLOSE 1:29

Utuk dapet hal o uku kerjo keras. Uku berjuang ngen kute tenago de nelei Kristus ngen uku, de bekerjo lem diraiku ngen penuak kuaso.

1 TESALONIKA 2:9

Paset udi masiak tinget awei ipe keme berusaho ngen berjuang. Lueng kelmen keme bekerjo supayo keme coa semaro suang tun kulo kunei udi sewaktau keme melei namen Bito Baik de kunei Allah o ngen udi.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

1 TESALONIKA 5:14

Keme minoi kulo, Saudaro-saudaro, tena'okba bebaik tun de coa lok kerjo, hiburba atei tobo'o de saben, tulungba tun de perlu tenulung ngen sabarba te'adep kute tun.

1 TIMOTIUS 5:1

Jibeakba ko mengiak ngen tun de lebiak tuai kunei ko, meluyen ajokba si temi'uk kecek-keceknu seolah-olah si baknu. Anggapba tun-tun u'ai sebagai Saudaronu,

1 TIMOTIUS 5:20

Tun de menea duso, harusba ten'gur neak adep kute jemaat, supayo de luyen jijai saben.

2 TIMOTIUS 2:6

Petani de sudo kerjo keras, siba de pertamo-tamo berhok dapet asea tanem.

TITUS 1:3

Pado waktau de tepat, Allah melei janjaine o lem pesen-Ne. Pesen o bi senapei ngen uku, ngen uku melei namenne das periteak Allah Penyelamat ite.

TITUS 1:5

Uku teminggea ko neak Kreta supayo ko dapet murus hal-hal de masiak perlu natur. Kulo, supayo ko maket pemipin-pemipin jemaat neak tiep kota. Tingetba ngen petunjuk-petunjukku yo:

TITUS 2:15

Najeaba kutene o, ngen melei nasehat serto tema'okba paro pendengarnu seca'o wibawa. Jibeak munyau suang kulo manggap ko rendeak.

IBRANI 13:17

Totoaba periteak pemipin-pemipinnu, hormatba ngen tobo'o. Sebab tobo'o bogoa kemliak jiwonu, tobo'o harus betanggung jawab ngen Allah. Amen udi taat ngen tobo'o, tobo'o dapet kerjo ngen senang atei; amen coa, mako tobo'o bakea kerjo ngen atei ibo, do'o coa mbin utung utuk udi.

IBRANI 13:7

Jibeakba coa tinget ngen pemipin-pemipinnu de semapei pesen Allah ngen ko. Kemliakba awei ipe tobo'o idup ngen awei ipe tobo'o matei, contohba imen tobo'o.

WAHYU 1:20

Dioba resio kunei tujuak bitang de udi kemliak neak tangen kanen-Ku, ngen kunei tujuak kekea lapu mas o: Tujuak bitang o adeba paro malaikat ketujuak jemaat, ngen tujuak kekea lapu o adeba ketujuak jemaat o.”

WAHYU 2:12

“Ngen Malaikat jemaat neak Pergamus, tulisba awei yo: Dioba pesen kunei Si de megong pedang tajem matai duai.

WAHYU 2:18

“Ngen malaikat jemaat neak Tiatira, tulisba awei yo: Dioba pesen kunei Anok Allah, de matai-Ne awei opoi ngen kekea-Ne awei temagai.

WAHYU 2:3

Udi tep sabar ngen udi saro kerno Uku, ngen udi coa putus asa.

WAHYU 2:8

“Ngen malaikat jemaat neak Smirna, tulisba awei yo: Dioba pesen kunei Si de Pertamo ngen Terakhir – de sudo matei ngen idup igai.

WAHYU 3:1

“Ngen jemaat neak Sardis, tulisba awei yo: Dioba pesen kunei Si de temuan ketujuak roh kunei Allah ngen ketujuak bitang o. Uku namen jano de udi nea. Nadeakne udi idup, padahal udi matei!

WAHYU 3:14

“Ngen jemaat neak Laodikia, tulisba awei yo: Dioba pesen kunei Sang Amin, Saksai de setia ngen benea, sumber kute sesuaktau de ciptaan Allah.

WAHYU 3:7

“Ngen malaikat jemaat neak Filadelfia, tulisba awei yo: Dioba pesen kunei Si de sucai ngen sejati. Siba de megong kucai Daud; amen Si mukok, coa suang kulo dapet kematupne, ngen amen Si kematupne, coa suang kulo dapet mukokne.