1 TESALONIKA 4:5 - JANJAI BLAU Lem Bahaso Jang Bebilai

⁵ Jibeak idup temotoa kelok hawa nafsu te'adep ngenyannu, awei de nea tun-tun de coa kemnal Allah.

1 TESALONIKA 4:5 ပူးပေါင်းရင်းမြစ်များ

MATIUS 6:32

Hal-hal'oba de mesoa tun-tun de kemnal Allah. Tapi Baknu de neak Surgo namen, amen udi perlu kutene'o.

LUKAS 12:30

Kute o nesoa bangso-bangso neak dunio de coa kemnal Allah. Tapi Bapanu namen, bahwo udi memang perlu kutene o.

KISAH RASUL-RASUL 17:23

Kerno ketiko uku paneu neak kotanu, uku kemliak penan-penan semyangnu, uku temau kulo debueak penan melei kurban. Neak di ade tetulis, ‘Ngen Allah de coa kenal.’ Jano de udi sembeak ngen coa kemnalne, do'oba de uku melei ngen udi.

ROMA 1:24

Kerno o Allah semreak tobo'o ngen kelok atei tobo'o ngen kecemaran, sehinggo tobo'o sesamo mencemarkan awok tobo'o,

ROMA 1:26

Kerno manusio menea de awei yo, mako Allah munyau tobo'o temurut nafsu tobo'o de hino. Selawei-selawei tobo'o coa lok igai ngen semanei-semanei awei de lazimne pado manusio.

ROMA 1:28

Sebab manusio coa meraso perlu kemnal Allah, mako Allah munyau pekeran tobo'o jijai usak, sehinggo tobo'o menea hal-hal de tobo'o coa buliak menea.

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

1 KORINTUS 15:34

Sadarba uyo, ngen jibeak igai menea duso. Seharusne udi selek, bahwo neak antaro udi ade de ati kemnal Allah.

GALATIA 4:8

Bel'o ketiko udi coa kemnal Allah, do'o sebabne udi jijai budok kunei kuaso-kuaso de nanggap sebagoi ilah tapi sebeneane iso Allah samo sekilai.

EFESUS 2:12

Pado waktau o udi coa jijai do ngen Kristus, udi adeba tun asing de coa termasuk umat pilihan Allah. Udi coa termasuk lem ikatan janjai de nea Allah ngen umat-Ne. Udi idup lem dunio yo coa ade harapan ngen coa ade Allah.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

2 TESALONIKA 1:8

ngen menea pembalasan te'adep tobo'o de coa lok kemnal Allah ngen coa taat ngen Bito Baik tetang Yesus Tuhan ite.

1 PETRUS 4:3

Pado maso de sudo, udi sudo cukup an menea jano de galok nea tun-tun de coa kemnal Tuhan. Udi idup coa baik. Udi temurut hawa nafsu, memabuk, pesta fora, memenem ngen sembeak berhala seca'o janjing.