1 TESALONIKA 4:4 - JANJAI BLAU Lem Bahaso Jang Bebilai

⁴ Tiep smanei neak antaro udi harus namen awei ipe idup besamo ngenyanne ngen ca'o semnang atei Allah ngen manusio.

1 TESALONIKA 4:4 ပူးပေါင်းရင်းမြစ်များ

KISAH RASUL-RASUL 9:15

Tuhan madeak ngensi, “Lalauba, sebab tun yo adeba alat piliak bagiak-Ku utuk melei namen gen-Ku neak adep bangso-bangso luyen serto rajo-rajo ngen tun-tun Israel.

ROMA 1:24

Kerno o Allah semreak tobo'o ngen kelok atei tobo'o ngen kecemaran, sehinggo tobo'o sesamo mencemarkan awok tobo'o,

ROMA 12:1

Saudaro-saudaro, demi kemurahan Allah uku melei nasihat ngen udi, supayo udi melei awoknu sebagai persembahan de idup, de sucai, de berkenan ngen Allah: do'o adeba ibadahnu de sejati.

ROMA 6:19

Uku madeak hal yo seca'o manusio kerno kelemahan udi. Sebab serai awei udi bi semreak anggota-anggota awoknu jijai hamba de coa benea ngen de kidek utuk maksud-maksud de kidek. Awei o kulo uyo udi harus semreak anggota-anggota awoknu jijai hamba kebenaran de mbin udi ngen kesucian.

1 KORINTUS 6:15

Saudaro-saudaro namen bahwo awoknu adeba anggota awok Kristus. Jijai, jano buliak uku mok do anggota awok Kristus lajau jenijaine anggota awok suang selawei nakea? Sekilai bae coa!

1 KORINTUS 7:2

Tapi supayo coa tegoda utuk menea hal-hal de coa baik, lebiak baik tiep semanei temuan pengaten selawei suang ngen tiep selawei temuan sematenne suang.

1 KORINTUS 7:9

Tapi amen Saudaro cao dapet tema'en nafsu, lokne Saudaro nikeak. Sebab lebiak Saudaro nikeak kunei pado tema'en nafsu de coa benea.

2 KORINTUS 4:7

Tapi hok rohani de baes o keme mbin pado dirai keme de coa bego yo de nea kunei pitok. Ngen awei o nyatoba bahwo laine kuaso o ade ngen Allah ngen iso ngen keme.

FILIFI 4:8

Akherne, Saudaro-saudaro, isaiba pekerannu ngen hal-hal beguno, de patut nujai, adeba hal-hal de benea, de terhormat, adea, murni, mis, ngen baik.

IBRANI 13:4

Kute tun harus kemten sikep hormat teadep perkawinan, do'o sebabne lokba maten-ngenyan setia do ngen de luyen. Tun de cabul ngen tun de berzinah bakea nhukum Allah.

1 PETRUS 3:7

Ngen udi kulo, maten-maten, lokba idup ngen penuak pengertian teadep ngenyannu, ngen sadar bahwo tobo; o adeba kaum de lemah. Bersikapba hormat ngen tobo'o, sebab tobo'o besamo-samo ngen udi, bakea temimo anugerah idup de sejati kunei Allah. Neaba dio, supayo coa ade de malang du'onu.