1 TESALONIKA 4:3 - JANJAI BLAU Lem Bahaso Jang Bebilai

³ Dioba kelok Allah: supayo udi idup cuma utuk Si, sucai, me'uak kute plep kidek.

1 TESALONIKA 4:3 ပူးပေါင်းရင်းမြစ်များ

MATIUS 12:50

Tun de kemerjo kelok Bak-Ku neak surgo, siba pasuak semenei, pasuak selawei ngen mak-Ku.”

MATIUS 15:19

Kerno kunei atei timboaba pekeran de kidek, ngen lok munuak, menea uleak ngen ngenyan tun, menea uleak kidek, maling, mengike tetang tun luyen ngen fitneak.

MATIUS 5:32

Tapi uyo Uku madeak ngen udi: Tiep tun de sema'ok ngenyanne, padahal selawei'o coa nyeleweng, tun'o sembeb ngenyanne zinah; amen ngenyanne nikeak igai. Tun de mikeak ngen selawei de sena'ok si menea zinah.”

MATIUS 7:21

“Coa kute tun de menggang ngen uku, ‘Tuhan, Tuhan’ jijai anggota umat Allah, tapi tun de kemerjo periteak Bapaku neak surgo, do'oba de jijai anggota umat Allah.

MARKUS 3:35

Api bae de menea kelok Allah, Siba pasuak-Ku semanei, Siba pasuak-Ku selawei, Siba Indok-Ku.”

YOHANES 4:34

Nadeak Yesus ngen tobo'o, “Kembuk-Ku adeba menea kelokne de mutus Uku ngen semelesei kerjo-Ne.

YOHANES 7:17

Api bae lok menea kelok-Ne, si bakea namen jano Ajaran-Ku yo berasal kunei Allah, jano Uku madeak kunei dirai-Ku suang.

KISAH RASUL-RASUL 15:20

Tapi ite harus temulis su'et ngen tobo'o, supayo tobo'o meu'ak dirai kunei kembuk de sudo nelei ngen berhala-berhala, kunei percabulan, kunei daging benatang de matei ncit ngen kunei daleak.

KISAH RASUL-RASUL 15:29

Udi harus me'uak dirai kunei kembuk de senembeak ngen berhala, kunei daleak, kunei daging benatang de matei ncit ngen kunei percabulan. Amen udi jemago dirai teadep hal-hal yo, udi menea baik. Sapei piyoba, selamat.”

KISAH RASUL-RASUL 20:32

Uyo uku semreak udi ngen Allah kunyau Si de miaro udi, kunyau udi bepegong pado bito anugrah Allah. Allah temuan kuaso utuk kemuet udi, melei ngen ko berkat-berkat de sudo sendio-Ne utuk kute umat-Ne.

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

ROMA 1:29

Atei tobo'o penuak ngen kute de kidek, serakah, kidek atei, munuak, belago, ngike dendem. Tobo'o galok madeak tun luyen,

ROMA 12:2

Jibeakba udi serai awei dunio yo, tapi bubeakba ngen pribadinu de blau, sehinggo udi dapet mbeda ipe de kelok Allah: jano de baik, de semnang atei Allah ngen de sempurno.

ROMA 6:22

Tapi uyo, sesudo udi bebas kunei duso ngen sesudo udi jijai hamba Allah, udi dapet asea de mbin udi moi kesucian ngen sebagai kesudone adeba idup de kekal.

1 KORINTUS 1:30

Allah suangba de nea sehinggo udi jijai do ngen Kristus Yesus. Liwet Kristus, ite jenijai-Ne bijaksana. Liwet Si kulo Allah menea te baik igai ngen dirai-Ne, jemijai ite umat-Ne de khusus, ngen mbebas ite.

1 KORINTUS 7:2

Tapi supayo coa tegoda utuk menea hal-hal de coa baik, lebiak baik tiep semanei temuan pengaten selawei suang ngen tiep selawei temuan sematenne suang.

2 KORINTUS 12:21

Uku khawatir bahwo amen uku teko igai, Allahku bakea merendeak uku neak adep udi ngen uku duko das dau tun de bel'o menea duso ngen ati tobat kunei de kotor, cabul, ngen hal-hal de kidek de tobo'o nea.

GALATIA 5:19

Plep manusio bi nyato, adeba: cabul, ngei, ngen hawo nafsu,

EFESUS 5:17

Sebab o jibeakba udi bodong, tapi berusahoba supayo udi ngertai kelok Tuhan.

EFESUS 6:6

Jibeak cuma neak adep tobo'o bae utuk semnang atei manusio. Tapi lokba udi meneane sebagoi hamba Kristus de gidong temotoa kelok Allah ngen sepenuak atei.

KOLOSE 1:9

Do'oba sebabne keme bogoa bedu'o utuk udi sejok keme temi'uk tetang udi. Keme minoi ngen Allah supayo Roh Allah melei ngen udi kebijaksanaan ngen pengertian sehinggo udi namen ngen sempurno jano kelok Allah.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

1 TESALONIKA 4:2

Sebab udi bi namen petunjuk-petunjuk de sudo keme melei ngen udi das kuaso Tuhan Yesus.

1 TESALONIKA 4:4

Tiep smanei neak antaro udi harus namen awei ipe idup besamo ngenyanne ngen ca'o semnang atei Allah ngen manusio.

1 TESALONIKA 5:18

mucep syukurba lem kute hal, sebab do'oba de Allah kenlok kunei udi sebagai tun de idup jijai do ngen Kristus Yesus.

1 TESALONIKA 5:23

Semoga Allah suang de melei ite sejahtera, jemijai udi tun de sungguak-sungguak idup cuma utuk Allah. Semoga Allah jemago dirainu kutene, baik roh, jiwo ataupun awoknu, sehinggo coa ade cacetne pado waktau Tuhan te Yesus Kristus teko igai.

2 TESALONIKA 2:13

Saudaro-saudaro de Tuhan kasihi! Keme harus bogoa mucep syukur ngen Allah tetang udi, sebab kunei mulone Allah bi miliak udi utuk senlamat lem Roh de semucai udi ngen lem kebenaran de udi pecayo.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 10:36

Udi perlu sabar, supayo udi dapet menea kelok Allah ngen awei o temimo jano de jenanjai-Ne.

IBRANI 12:16

Jagoba supayo jibeak ade de idup cabul atau coa mego hal-hal rohani, awei de nea Esau. Si jemua hokne sebagai anok tuai, cuma utuk do makuk kembuk.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

IBRANI 13:4

Kute tun harus kemten sikep hormat teadep perkawinan, do'o sebabne lokba maten-ngenyan setia do ngen de luyen. Tun de cabul ngen tun de berzinah bakea nhukum Allah.

1 PETRUS 4:2

Sebab o, lokba udi idup selanjutne neak dunio yo temurut kelok Allah, ngen iso temurut kelok manusio.

1 YOHANES 2:17

Dunio ngen kute de ade neak lemne ngen kenlok manusio, gidong nyep. Tapi tun de temotoa kelok Allah, tep idup sapei selamo-lamone.

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

WAHYU 22:15

Tapi tun-tun de menea hal-hal de keji, de makei lemau-lemau gaib, tun-tun de menea plep-plep kidek, de munuak, de nyembeak patung, ngen tun-tun de ngike, baik ngen kecek-kecek atau ngen plep, kute tun o penanne neak luea kota o.