1 TESALONIKA 4:16 - JANJAI BLAU Lem Bahaso Jang Bebilai

¹⁶ Be malaikat agung bakea menggang ngen sa'ei lek ngen terupet Allah sa'ei sebagai tando aba-aba. Lajau Tuhan Yesus suang bakea tu'un kunei surgo, ngen tun-tun de matei lem Kristus bakea lebiak dute idup igai.

1 TESALONIKA 4:16 ပူးပေါင်းရင်းမြစ်များ

WAHYU 1:7

Keliak, si teko ngen embun-embun! Kute tun bakea kemliak Si, termasuk kulo tobo'o de sudo temikem-Ne. Kute bangso neak bumai bakea ibo kerno Si. Au, paset! Amin!

1 KORINTUS 15:23

Tapi masing-masing bakea nidup temurut giliane: pertamo-tamo Kristus; sudo'o pado waktau Si teko igai, semsung tun-tun de temasuk de Kristus temuan.

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MATIUS 25:31

“Amen Anok Manusio teko utuk ijai Rajo, kute malaikat-Ne bakea mi'ing Si. Si bakea temot neak penan Si meriteak.

2 TESALONIKA 1:7

Ngen udi de uyo yo saro – aweai o kulo ngen keme – Allah bakea melei kelegaan pado bilai Tuhan Yesus tu'un kunei surgo ngen kemten dirai-Ne ngen malaikat-malaikat-Ne de penuak kuaso

2 TESALONIKA 2:1

Tetang tekone Tuhan te Yesus Kristus, ngen tetang bakea kenopoane ite utuk tinggea besamo Si, dioba de uku minoi nien kunei udi:

KISAH RASUL-RASUL 1:11

Duai tun'o madeak ngen tobo'o, “Hoi tun-tun Galilea, getai udi je nanggeak moi lenget? Yesus yo, de taket moi surgo teminggea udi, bakea teko igai ngen ca'o de serai awei udi kemliak Si kenek moi surgo.”

2 PETRUS 3:10

Tapi Bilai tekone Tuhan bakea teko awei maling. Pado bilai o, lenget bakea nyep ngen sa'ei gutua, ngen benda-benda neak lenget bakea abis tekembem, bumai ngen kute de ade neak lemne bakea nyep.

WAHYU 8:13

Lajau uku kemliak, mako uku temi'uk dikup burung rajowali de gidong tebang lekat neak udaro, menggang, “Celako! Celako! Celakoba kute tun neak bumai amen temi'uk ketelau malaikat luyenne kembus trupetne be!”

MATIUS 26:64

Yesus jemawab, “Awei'oba nadeaknu. Tapi pecayoba: muloi uyo ko bakea kemliak Anok Manusio temot neak depeak kanen Allah De Kembiak Kuaso, ngen teko neak das mbun-mbun neak lenget!”

WAHYU 14:13

Lajau uku temi'uk sa'ei kunei surgo madek, “Tulisba dio: Muloi uyo, riangba tun-tun de matei waktau dong melayan Tuhan!” “Benea!” jawab Roh Allah. “Tobo'o bakea bedan kerjo keras, kerno asea pelayanan tobo'o bakea semerto tobo'o.”

YUDAS 1:9

Mikhael suang de jijai pemipin malaikat-malaikat, coa perneak menea awei o. Waktau si tekea ngen Iblis lem selisiak tetang api de bakea dapet mayit Musa, Mikhael coa binai mukum Iblis ngen kecek-kecek de coa baik. Mikhael cuma madeak, “Tuhan bakea mengiak ngen ko!”

WAHYU 1:10

Pado bilai Tuhan, uku kenuaso Roh Allah, lajau uku temi'uk sa'ei de lek – awei sa'ei trupet – sa'ei neak belakangku.

MATIUS 16:28

Uku madeak ngen ko sebeneane kunei antaro udi neak yo ade de coa bakea matei, ayok kemliak Anok Manusio teko awei Rajo.”

1 KORINTUS 15:18

Do'o taine kulo bahwo tun-tun Kristen de sudo ninggea, coa kulo temuan harapan.

1 KORINTUS 15:20

Tapi nyatone Kristus bi nidup igai kunei matei. Dioba jaminan bahwo tun-tun de sudo matei bakea nidup igai.

1 TESALONIKA 1:10

Tobo'o miling kulo tetang awei ipe udi ma'ep tekone Anok Allah kunei surgo, adeba Yesus, de sudo nidup Allah kunei matei. Yesus do'oba kulo de semlamat ite kunei hukuman Allah de bakea teko.

1 TESALONIKA 3:11

Kirone, Allah Bapa te, ngen Yesus, Tuhan te, mukok dalen bagiak keme utuk temau ngen udi.

WAHYU 8:2

Lajau uku kemliak ketujuak malaikat de je neak adep Allah, ngen tobo'o nelei tujuak bueak trupet.