1 TESALONIKA 3:6 - JANJAI BLAU Lem Bahaso Jang Bebilai

⁶ Uyo Timotius bi teko igai ngen bi semapei ngen keme bito riang tetang awei ipe udi pecayo ngen Kristus ngen samo-samo mengasihi. Si melei namen ngen keme bahwo udi bogoa minget keme ngen baik tetang keme neak lem atei udi. Ngen udi lok temau ngen keme, serai awei keme kulo lok temau ngen udi.

1 TESALONIKA 3:6 ပူးပေါင်းရင်းမြစ်များ

1 KORINTUS 11:2

Uku mujai udi sebab udi bogoa minget uku ngen temotoa ajaran de uku nelei ngenko.

1 TESALONIKA 1:3

Keme tinget awei ipe udi kemten lem perbuatan bahwo udi pecayo ngen Kristus, awei ipe udi mengasihi tun luyen sehinggo melayan tobo'o, ngen awei ipe udi tep ma'ep ngen Tuhan te Yesus Kristus.

KISAH RASUL-RASUL 18:5

Ketiko Silas ngen Timotius teko kunei Makedonia, Paulus muloi ngen sepenuakne melei namen bito kunei Allah, saksai ngen tun-tun Yahudi bahwo Yesusba Rajo Penyelamat.

FILIFI 1:8

Allah namen bahwo uku sungguak indau ngen udi ngen perasaan kasih mesra kunei Kristus Yesus suang.

1 YOHANES 3:23

De Si periteak ngen ite adeba: Ite harus pecayo ngen Anok-Ne, adeba Yesus Kristus, ngen ite harus sesamo mengasiak, awei de sudo neriteak Kristus ngen ite.

IBRANI 13:7

Jibeakba coa tinget ngen pemipin-pemipinnu de semapei pesen Allah ngen ko. Kemliakba awei ipe tobo'o idup ngen awei ipe tobo'o matei, contohba imen tobo'o.

IBRANI 13:3

Ingetba tun-tun de neak lem sel, seolah-olah udi ade neak lem sel besamo tobo'o. Ngen tun-tun de nea sekelokne bae, lokba udi inget ngen tobo'o seolah-olah udi kulo nea awei o.

FILEMON 1:5

Sebab uku temi'uk bahwo Saudaro sungguak-sungguak pecayo ngen Tuhan Yesus, mengasihi kute umat Allah.

2 TIMOTIUS 1:3

Uku mucep syukur ngen Allah de uku melayan ngen atei nurani de sucai awei de nea ninik puyang uku bel'o. Uku bogoa mucep mokasiak ngen Allah tiep kilai uku tinget ngen ko lem du'o, baik lueng atau kelmen.

1 TIMOTIUS 1:5

Tujuan nasihat uku o adeba supayo tun dapet temuan atei de sucai serto sungguak-sungguak pecayo ngen Tuhan, ngen awei o tobo'o dapet mengasihi sesamone.

2 TESALONIKA 1:3

Keme Wajib bogoa mucep syukur ngen Allah kerno udi, Saudaro-saudaro. Ngen memang sepatutne keme menea awei o, sebab udi tambeak pecayo ngen Kristus, ngen udi tambeak mengasihi do ngen de luyenne.

1 TESALONIKA 2:17

Tapi Saudaro-saudaro, sejak keme ce; ei sementaro waktau kunei udi – uak neak matai, tapi pa'ok neak atei – keme tambeak indau ngen udi ngen berusaho sungguak-sungguak utuk temau igai ngen udi!

1 TESALONIKA 2:9

Paset udi masiak tinget awei ipe keme berusaho ngen berjuang. Lueng kelmen keme bekerjo supayo keme coa semaro suang tun kulo kunei udi sewaktau keme melei namen Bito Baik de kunei Allah o ngen udi.

KOLOSE 4:18

Salam kunei uku, Paulus. Uku suang de temulis bagian yo. Jibeak coa tinget bahwa uku masiak neak lem sel! Semoga Tuhan memberkati udi. Hormat keme, Paulus

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

1 KORINTUS 13:13

Jijai, utuk saat yo ade telau hal de ite harus tep nea: pecayo, ma'ep, ngen saling kemasiak. De paling penting kunei ketelaune o adeba kemasiak tun-tun luyen.

KISAH RASUL-RASUL 18:1

Sesudo'o Paulus teminggea Atena, lajau lalau moi Korintus.

KISAH RASUL-RASUL 16:1

Paulus teko kulo moi Derbe ngen moi Listra. Neak di ade suang penotoa de genne Timotius. Indokne suang tun Yahudi ngen bi pecayo, dong tiakne suang tun Yunani.

1 TESALONIKA 3:7

Do'oba sebabne, Saudaro-saudaro, neak lem kute saro ngen derito keme, keme terhibur ngen bito tetang udi. Pecayonu ngen Kristus melai atei keme.