1 TESALONIKA 3:3 - JANJAI BLAU Lem Bahaso Jang Bebilai

³ Ngen awei o coa suang kulo kunei udi de coa kuet imenne kerno derito-derito yo. Udi suang namen bahwo derito-derito o adeba lem rencano Allah utuk ite.

1 TESALONIKA 3:3 ပူးပေါင်းရင်းမြစ်များ

LUKAS 21:12

Tapi ayok kutene o udi bakea tenakep ngen senikso; udi bakea senreak moi umeak-umeak semyang ngen penjara-penjara, ngen udi bakea nadep ngen rajo-rajo ngen penguaso-penguaso kerno gen-Ku.

YOHANES 16:2

Udi bakea kenucea, bakea teko waktaune bahwo tiep tun de munuak udi bakea sako bahwo si males jaso ngen Allah.

YOHANES 16:33

Kutene o Uku madeak ngen udi, supayo udi dapet damoi sejahtera lem Uku. Neak dunio udi bakea saro. Tapi kenuetba ateinu! Uku bi maleak dunio!”

KISAH RASUL-RASUL 14:22

Neak penan'o tobo'o kemuet atei murid-murid'o ngen melei nasihat tobo'o supayo tep pecayo ngen Yesus, madeak bahwo utuk masuk moi lem Allah meriteak sebagai Rajo ite harus meding dau kesaro.

KISAH RASUL-RASUL 2:25

Sebab bel'o Daud madeak tetang Si: ‘Uku kemliak Tuhan bogoa neak adepku; kerno Si je neak depeak kanenku, uku coa guyang.

KISAH RASUL-RASUL 21:11

Si teko ngen keme, lajau mok teng Paulus. Samo meket kekea ngen tangenne suang si madeak, “Awei yoba nadeak Roh Sucai: Aweiyoba de temuan teng yo bakea neket ngen tun-tun Yahudi neak Yerusalem, senreak moi tangen bangso-bangso luyen.”

KISAH RASUL-RASUL 21:13

Tapi Paulus jemawab, “Getai udi ngindoi, sehinggo menea ateiku ajua? Kerno uku yo rela iso bae utuk neket, tapi kulo utuk matei neak Yerusalem demi gen Tuhan Yesus.”

KISAH RASUL-RASUL 9:16

Uku suang bakea temunjuk ngensi kute penderitaan de harus si tanggung kerno Uku.”

ROMA 5:3

Ngen iso do'o bae. Ite malah bangga kulo lem derito ite, kerno ite namen bahwo derito o menea tun jijai taat,

1 KORINTUS 15:58

Kerno o, Saudaro-saudaro de uku cemito, lokba udi kuet ngen teguak. Kerjoba terus utuk Tuhan ngen bebenea, sebab udi namen bahwo kute de udi kemerjo utuk Tuhan, coa bakea sesio.

1 KORINTUS 4:9

Kerno temurut pendapetku, keme rasul-rasul, bi jenijai Allah sebagai totonan neak adep manusio ngen para malaikat. Keme awei tun-tun hino de nukum matei neak adep umum ngen tenawai dunio.

EFESUS 3:13

Sebab o, uku minoi ngen udi, jibeakba khawatir tetang kesaroku kerno udi, sebab kutene o utuk kebaikannu.

FILIFI 1:28

Lokba udi bogoa binai; jibeak saben te'adep lawen-lawennu. Ngen awei o udi melei bukti bahwo tobo'o paset bakea aleak, ngen udi bakea menang, kerno Allah suangba de melei kemenangan ngen udi.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

1 TESALONIKA 5:9

Allah miliak ite iso utuk nukum, tapi utuk senlamat-Ne liwet Tuhan te Yesus Kristus.

2 TESALONIKA 1:4

Do'oba sebabne getai keme miling tetang udi tiep kilai keme semulau jemaat-jemaat Allah. Ngen bangga keme cemrito awei ipe udi tep pecayo ngen Kristus neak lem penganiayaan ngen penderitaan de udi meding.

2 TIMOTIUS 1:8

Sebab o jibeakba selek melei saksai tetang Tuhan ite ngen jibeakba selek kerno uku, de nasuk sel kerno Si. Sebelekne, lokba ko ngen kekuatan kunei Allah, meding saro utuk Bito Baik o.

1 PETRUS 2:21

Utuk do'oba Allah menok udi. Kerno Kristus su'ang bi menderito utuknu, ngen o Si melei ngen udi suaktau contoh, supayo udi temotoa jejak-Ne

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 2:13

Uku namen neak ipe udi tinggea, neak penan Iblis tinggea. Udi setia ngen Uku. Mala ketiko Antipas, saksai Uku de setia o, nunuak neak adep udi neak penean Iblis tinggea, udi coa murtad bahwo udi pecayo ngen Uku.