1 TESALONIKA 3:2 - JANJAI BLAU Lem Bahaso Jang Bebilai

² Lajau keme mbo Timotius, Saudaro do imen te. Si suang pelayan Allah de kerjo besamo keme utuk melei namen Bito Baik tetang Kristus. Keme mutus Timotius ngen udi supayo si kemuet udi ngen ndukung udi utuk lebiak pecayo igai ngen Kristus.

1 TESALONIKA 3:2 ပူးပေါင်းရင်းမြစ်များ

KISAH RASUL-RASUL 16:1

Paulus teko kulo moi Derbe ngen moi Listra. Neak di ade suang penotoa de genne Timotius. Indokne suang tun Yahudi ngen bi pecayo, dong tiakne suang tun Yunani.

KISAH RASUL-RASUL 16:5

Awei'oba jemaat-jemaat kemu'et lem imen, tiep bilai tambeak lai jumleakne.

KISAH RASUL-RASUL 18:5

Ketiko Silas ngen Timotius teko kunei Makedonia, Paulus muloi ngen sepenuakne melei namen bito kunei Allah, saksai ngen tun-tun Yahudi bahwo Yesusba Rajo Penyelamat.

ROMA 16:21

Timotius, kuatku, semapei salamne ngen udi. Awei o kulo Lukius, Yason ngen Sosipater, de do sukau bangso ngen uku.

1 KORINTUS 3:10

Sesuoi ngen anugerah Allah, uku sebagai ahli bangunan bi mpek pondasi utuk gedung o, tun luyen temgok gedung neak das pondasi o. Tiep tun harus kemliak bebaik awei ipesi mbangun neak das pondasi o.

1 KORINTUS 4:17

Utuk o uku bi mutus Timotius ngen ko. Sebagai penotoa Kristus, si serai awei anokku suang de uku sayang. Si anok de dapet uku pecayo. Be si bakea minget udi tetang ca'o idup de uku totoa sesudo pecayo ngen Kristus, adeba ca'o idup de uku majea neak tiep jemaat neak ipe bae.

2 KORINTUS 1:1

Saudaro-saudaro jemaat Allah neak Korintus ngen kute umat Allah neak kute Akhaya. Uku, Paulus, rasul Kristus Yesus, de naket das kelok Allah, besamo-samo ngen saudaro ite Timotius,

2 KORINTUS 1:19

Kerno Yesus Kristus, Anok Allah, de sudo keme melei namen neak tengeak-tengeak udi, ngen Silas, Timotius, ngen uku suang isoba tun “Au” ngen “Coa” tapi sebelekne neak lem Si cuma ade “Au”.

2 KORINTUS 2:12

Ketiko uku sapei neak Troas utuk melei namen Bito Baik tetang Kristus, Tuhan sudo mukok dalen utuk uku, utuk kerjo neak penan o.

2 KORINTUS 2:13

Tapi ateiku coa tenang, kerno uku coa temau ngen Titus saudaro do imen. Mako uku pamit ngen tun-tun neak di o lajau lalau moi Makedonia.

2 KORINTUS 8:23

Titus adeba kuatku de bekerjo samo ngen uku utuk udi; saudaro-saudaro do imen keme de luyen o adeba utusan jemaat-jemaat ngen suaktau kemulioan bagiak Kristus.

FILIFI 1:25

Uku yakin tetang hal o. Do'o sebabne uku namen uku bakea tep tinggea ngen Saudaro kutene, supayo dapet temulung udi jijai tambeak kuet ngen tambeak senang lem pecayo ngen Tuhan.

KOLOSE 1:1

Saudaro-saudaro umat Allah neak Kolose de setia jijai do ngen Kristus! Sebagai rasul Kristus Yesus, – kerno tenunjuk Allah – uku, Paulus, besamo-samo ngen Saudaro ite Timotius, ma'ep semoga Allah Bapa ite melei berkat, sejahtera ngen udi.

KOLOSE 1:7

Kutene o bi udi namen kunei Epafras, kuat de keme sayang. Si adeba pekerjo Kristus de setia bekerjo utuk kepetingan te.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

KOLOSE 4:9

Onesimus bakea lalau besamo-samo Tikhikus; si suang kunei udi. Si tun de setia, ngen keme sayang ngen si. Onesimus ngen Tikhikus bakea melei namen ngen udi kekutene de tejijai neak penan uku yo.

1 TESALONIKA 3:13

Ngen awei o Tuhan bakea kemuet ateinu, sehinggo udi sucai ngen coa cacet neak adep Allah Bapa ite, pado waktau Tuhan ite Yesus teko besamo kute tun de jijai de Si temuan.

1 TESALONIKA 3:5

Do'oba sebabne uku mutus Timotius, kerno uku lok nien namen awei ipe imennu lem hal pecayo ngen Kristus. Uku khawatir Iblis berasea menggoda udi sehinggo kute jerih payeak keme coa sio-sio.