1 TESALONIKA 3:12 - JANJAI BLAU Lem Bahaso Jang Bebilai

¹² Semoga Tuhan menea udi tambeak mengasihi do ngen de luyen ngen tambeak mengasihi kute tun, sehinggo kasihnu o betambeak, serai awei kasih keme ngen udi.

1 TESALONIKA 3:12 ပူးပေါင်းရင်းမြစ်များ

MATIUS 22:39

Periteak de keduai samo ngen de pertamo'o: Cintoba sesamonu aweiko cemito di rainu dewek.

MATIUS 7:12

Meneaba ngen tun luyen awei udi kemlok tun luyen menea ngen ko. Do'oba isai kute ukum Musa ngen kiteb paro nebai.”

LUKAS 17:5

Lajau nadeak rasul-rasul o ngen Tuhan, “Tambeakba imen keme!”

ROMA 13:8

Jibeakba udi butang jejano ngen api bae, tapi lokba udi sesamo mengasihi. Sebab api mengasihi sesamone manusio, si sudo kemerjo hukum agamo Yahudi.

2 KORINTUS 9:10

Allah de semiap biniak utuk penebea ngen kembuk utuk ite. Si kulo bakea semiap ngen nambeak dau jano de udi tenbea, supayo asea kemurahan ateinu betambeak kulo.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

FILIFI 1:9

Dioba du'oku utuk udi: semoga udi tambeak mengasihi Allah ngen sesamo lem pengetahuan de benea ngen pandangan de bijaksana.

1 TESALONIKA 2:8

Kerno keme kembiak sayang keme siap melei namen ngen udi iso bae Bito Baik de kunei Allah o, tapi idup keme kulo. Sebab keme kembiak mengasihi udi!

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

1 TESALONIKA 5:15

Jagoba supayo jibeak ade de males kejahatan ngen kejahatan. Berusahoba utuk menea baik, suang ngen de luyen ngen kute tun.

2 TESALONIKA 1:3

Keme Wajib bogoa mucep syukur ngen Allah kerno udi, Saudaro-saudaro. Ngen memang sepatutne keme menea awei o, sebab udi tambeak pecayo ngen Kristus, ngen udi tambeak mengasihi do ngen de luyenne.

YAKOBUS 1:17

Tiep pelei de baik ngen hadiah de sempurno tekone kunei surgo, tenu'un Allah, Pencipto kute te'ang neak lenget. Siba Allah de coa bubeak, coa kulo jijai sembab tiep kelem.

2 PETRUS 1:7

Ngen idup temurut kelok Allah harus kulo nelkep ngen kasih sayang ngen saudaro-saudaro do imen. Selanjutne lokba kasih sayangnu ngen saudaro-saudaro do imen tenambeak ngen kasih teadep kute tun.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.