1 TESALONIKA 2:9 - JANJAI BLAU Lem Bahaso Jang Bebilai

⁹ Paset udi masiak tinget awei ipe keme berusaho ngen berjuang. Lueng kelmen keme bekerjo supayo keme coa semaro suang tun kulo kunei udi sewaktau keme melei namen Bito Baik de kunei Allah o ngen udi.

1 TESALONIKA 2:9 ပူးပေါင်းရင်းမြစ်များ

LUKAS 18:7

Allah paset bakea mbenea tun-tun piliak-Ne de kebilai kelmen minoi ngen Si! Si paset coa mulua utuk temulung tobo'o!

LUKAS 2:37

Uyo si jando ngen omorne lapen puluak pat taun. Si coa perneak teminggea Umeak Tuhan. Lueng kelmen si semyang, puaso ngen bedu'o.

KISAH RASUL-RASUL 18:3

Kerno tobo'o menea kerjo de serai, si tinggea besamo-samo tobo'o. Tobo'o kerjo besamo-samo, kerno tobo'o sesamo tukang menea kemah.

KISAH RASUL-RASUL 20:24

Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.

KISAH RASUL-RASUL 20:31

Kerno o bejago-jagoba! Inget bahwo telau taun anne ngen dau bioa matai, pueng kelmen uku coa perneak bedan majea tiep tun kunei udi.

ROMA 1:1

Saudaro-saudaro kute neak Roma de kenasiak Allah ngen de sudo nok Allah utuk jijai umat-Ne. Allah sudo miliak ngen maket uku khusus utuk melei namen Bito Baik kunei Allah.

ROMA 15:16

Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

ROMA 15:19

de senerto keajaiban-keajaiban ngen hal-hal luea biaso; kutene o kerno kuaso Roh Allah. Bito Baik tetang Kristus bi uku melei namen kutene ngen tun-tun, muloi kunei Yerusalem sapei moi Ilirikum.

1 KORINTUS 4:12

keme kerjo keras utuk mesoa kembuk. Amen keme senupeak, keme males ngen berkat; amen keme senikso, keme sabar;

1 KORINTUS 9:15

Tapi ati perneak uku makei do kulo kunei hok-hok o. Uku temulis su'et yo iso kulo ngen maksud supayo hal-hal o de nea uyo te'adep uku. Lebiak uku matei kunei kelnyep hal de uku mbangga o.

1 KORINTUS 9:18

Amen awei'o, jano upeak uku? Dio upeakne: bahwo uku dapet melei namen Bito Baik o ngen semaro suang tun kulo utuk temanggung biayaku, kerno uku coa temutut hok-hokku sebagai tukang melei namen Bito Baik o.

1 KORINTUS 9:4

Jano uku coa ade hok temimo kembuk ngen menem kerno kerjoku?

2 KORINTUS 11:27

Uku kerjo keras ngen berjuang setengeak matei; cet coa tidua, coa mukmei, coa mbuk bioa, cet uku puaso, meding sengok kerno coa ade keracok ngen coa temuan penan tinggea.

2 KORINTUS 11:9

Amen pado waktau o uku serbo kuang, uku coa perneak semaro suang tun kulo kunei udi. Kute de uku perlu seniap ngen saudaro-saudaro de teko kunei Makedonia. Uku jemago baik-baik supayo uku coa semaro udi lem hal jano bae, ngen uku bakea te'us jemago supayo do'o tep awei o.

2 KORINTUS 6:5

keme senikso, nasuk sel, ngen kenroyok; keme kerjo keras, cet coa tidua ngen cet kulo coa temuan kembuk.

FILIFI 4:16

Ketiko uku neak Tesalonika ngen perlu bantuan, sudo lebiak kunei debat udi mbo bantuan ngen uku.

1 TESALONIKA 1:3

Keme tinget awei ipe udi kemten lem perbuatan bahwo udi pecayo ngen Kristus, awei ipe udi mengasihi tun luyen sehinggo melayan tobo'o, ngen awei ipe udi tep ma'ep ngen Tuhan te Yesus Kristus.

1 TESALONIKA 2:2

Udi namen bahwo ayok keme teko ngen udi neak Tesalonika, keme bi senikso ngen nino neak Filifi. Tapi kunyau dau tun melawen keme, Allah ite bi melei keme kebinai utuk melei namen ngen udi Bito Baik de asalne kunei pado-Ne.

1 TESALONIKA 2:6

Keme kulo coa berusaho utuk nujai tun – baik kunei udi atau kulo kunei tun luyen. Sebeneane sebagai rasul Kristus, keme buliak bae temutut sesuaktau kunei udi.

1 TESALONIKA 3:10

Lueng kelmen keme bedu'o ngen sungguak-sungguak, supayo ite temau sekadep kunyau lekep jano de udi perlu utuk pecayo ngen Kristus awei ipe seharusne.

1 TIMOTIUS 1:11

Ajaran o ade neak lem Bito Baik de penyebaranne cenayo ngen uku, adeba Bito Baik kunei Allah de agung ngen patut nujai.

1 TIMOTIUS 4:10

Do'oba sebabne ite berjuang ngen kerjo keras, sebab ite ma'ep sepenuakne ngen Allah de idup; Siba penyelamat kute tun, terutamo tun-tun de pecayo.

1 TIMOTIUS 5:5

Rando de benea-benea suang dirai, ngen coa temuan keluargo de dapet murusne, cuma ma'ep ngen Allah. Lueng kelmen si terus bedu'o ngen Allah utuk minoi tulung.

2 TIMOTIUS 1:3

Uku mucep syukur ngen Allah de uku melayan ngen atei nurani de sucai awei de nea ninik puyang uku bel'o. Uku bogoa mucep mokasiak ngen Allah tiep kilai uku tinget ngen ko lem du'o, baik lueng atau kelmen.