1 TESALONIKA 2:4 - JANJAI BLAU Lem Bahaso Jang Bebilai

⁴ Coa! Keme coa miling utuk semnang atei tun, tapi utuk semnang atei Allah, de cemubo atei keme. Sebab Allah manggap keme patas utuk melei namen Bito Baik o.

1 TESALONIKA 2:4 ပူးပေါင်းရင်းမြစ်များ

LUKAS 12:42

Jawab Tuhan, “Jijai, api pelayan umeak de setia ngen bijaksana de bakea naket tuanne jijai pemipin das kute pelayanne utuk melei kembuk ngen tobo'o pado waktaune?

LUKAS 16:11

Jijai, amen udi coa setia lem hal kayo dunio, api de bakea masai ngen udi harto de sesungguakne?

YOHANES 21:17

Nadeak Yesus ngen si utuk ketelau kilaine, “Simon, anok Yona, jano Ko mengasiak Uku?” Petrus kulo meding ibo kerno Yesus madeak utuk ketelau kilaine, “Jano ko mengasiak Uku?” Ngen si madeak ngen-Ne, “Tuhan, Ko namen kute sesuaktau. Ko namen, bahwo uku mengasiak Ko.” Nadeak Yesus ngen si, “Meliaroba bebirai-Ku.

ROMA 8:27

Ngen Allah de semlidik atei nurani, namen maksud Roh o, adeba bahwo si, sesuai ngen kelok Allah, bedu'o utuk tun-tun sucai.

1 KORINTUS 7:25

Uyo tetang tun-tun de ati nikeak. Tetang hal'o, uku coa temimo periteak kunei Tuhan. Tapi sebagai tun de kerno rahmat Tuhan patut cenayo, uku lok melei nasehat ku.

1 KORINTUS 9:17

Amen uku maneu kerjo o das kelok uku suang, mako uku buliak ma'ep utuk dapet upeak. Tapi uku melei namen Bito Baik o justru kerno kewajiban. Uku tenugas Allah utuk maneu o.

2 KORINTUS 2:17

Keme coa awei dau tun de mesoa utung kunei bito Allah awei barang dagangan bae. Tujuan-tujuan keme adeba benea, sebab keme nelei tugas ngen Allah. Ngen Allah suang kemliak bahwo keme semapei bito o sebagai hamba-hamba Kristus.

2 KORINTUS 4:2

Keme coa makei ca'o-ca'o de menea selek. Keme coa lok kerjo ngen ca'o licik atau menea coa benea kecek Allah. Keme melayan Allah ngen atei baik temurut kelok-Ne. Sebab o, keme minoi kute tun kemliak keme ngen baik neak lem ateine.

2 KORINTUS 5:11

Keme namen jano taine saben ngen Tuhan, kerno o keme berusaho menea tun yakin tetang dirai keme. Allah kebiak namen atei keme ngen te'ang, ngen uku ma'ep udi kulo kemnal keme neak lem ateinu.

2 KORINTUS 5:16

Sebab o, keme coa igai menilai suang tun kulo temurut ukuran manusio, uyo keme coa igai menilai-Ne awei o.

GALATIA 1:10

Jijai awei ipe uyo: Jano uku mesoa kesukaan manusio atau kesukaan Allah? Atau uku cubo semnang atei manusio? Sekirone uku masiak lok cemubo semnang atei manusio, mako uku isoba hamba Kristus.

GALATIA 2:7

Sebelekne, tun-tun de nanggap terpandang o makau bahwo Allah bi meriteak uku utuk melei namen Bito Baik ngen tun iso Yahudi, serai awei Si sudo meluak Petrus utuk Melei namen Bito Baik o ngen tun Yahudi.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

EFESUS 6:6

Jibeak cuma neak adep tobo'o bae utuk semnang atei manusio. Tapi lokba udi meneane sebagoi hamba Kristus de gidong temotoa kelok Allah ngen sepenuak atei.

KOLOSE 3:22

Saudaro-saudaro de jijai hamba! Lem kute hal, lokba udi taat ngen tuannu de neak dunio yo. Jibeakba taat ngen tobo'o cuma pado waktau tobo'o gidong ngawas udi, kerno udi lok nujai. Taatba ngen tobo'o ngen atei de ikhlas, kerno udi hormat ngen Tuhan.

1 TIMOTIUS 6:20

Hoi Timotius, jenagoba jano de sudo cayo ngen ko. Ne'uakba kecek-kecek de coa beguno ngen selisiak-selisiak tetang hal-hal de seca'o keliru de senbut “Pengetahuan”.

2 TIMOTIUS 1:14

Ngen tulung kunei Roh Allah de idup neak lem ite, lokba ko jemago baik-baik hal-hal de bego de sudo cayo ngen udi.

2 TIMOTIUS 2:2

Ajaran de bel'o bi ko temi'uk kunei uku neak adep tun dau, lokba ko minoi supayo najea kulo ngen tun-tun de dapet pecayo ngen de pacok majea tun luyen.

TITUS 1:3

Pado waktau de tepat, Allah melei janjaine o lem pesen-Ne. Pesen o bi senapei ngen uku, ngen uku melei namenne das periteak Allah Penyelamat ite.

IBRANI 4:13

Coa ade do makhluk kulo de coa keten kunei pandangan Allah. Kute sesuaktau tukok neak adep-Ne. Ngen ite harus melei tanggung jawab ngen-Si.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.

WAHYU 2:23

Penotoa-penotoane bakea Uku munuak kulo supayo kute jemaat sadar bahwo Ukuba Si de namen pekeran ngen atei manusio. Uku bakea males udi temurut plep udi masing-masing.