1 TESALONIKA 2:2 - JANJAI BLAU Lem Bahaso Jang Bebilai

² Udi namen bahwo ayok keme teko ngen udi neak Tesalonika, keme bi senikso ngen nino neak Filifi. Tapi kunyau dau tun melawen keme, Allah ite bi melei keme kebinai utuk melei namen ngen udi Bito Baik de asalne kunei pado-Ne.

1 TESALONIKA 2:2 ပူးပေါင်းရင်းမြစ်များ

KISAH RASUL-RASUL 14:3

Jijai Paulus ngen Barnabas tinggea agok'an neak di. Tobo'o miling ngen binai utuk Tuhan de melei bukti tetang anugrah-Ne, melei ngen tobo'o kuaso utuk menea tando-tando ngen mujizat-mujizat.

KISAH RASUL-RASUL 14:5

Lajau muloiba tun-tun de iso Yahudi ngen tun-tun Yahudi besamo-besamo pemipin-pemipin tobo'o berusaho utuk semikso ngen meluk tobo'o ngen butau.

KISAH RASUL-RASUL 16:12

neak di keme moi Filifi, kota pertamo neak bagian Makedonia yo, suaktau kota penan meratau tun Roma. Neak kota o keme tinggea kekedau bilai.

KISAH RASUL-RASUL 16:19

Ketiko majikan-majikanne o kemliak bahwo harapan tobo'o utuk dapet asea bi nyep, tobo'o temakep Paulus ngen Silas, lajau me'et tobo'o moi pasar utuk madep paro penguaso.

KISAH RASUL-RASUL 16:37

Tapi Paulus madeak ngen tun-tun o, “Coa pakei sidang tobo'o bi cemambuk keme, tun Roma, neak adep umum, lajau mbin keme moi lem sel. Uyo tobo'o lok kemluea keme seca'o diem-diem? Coa mukin awei yo! Kunyauba tobo'o teko sung ngen mbin keme moi luea.”

KISAH RASUL-RASUL 17:1

Paulus ngen Silas mok dalen liwet Amfipolis ngen Apolonia, sapei neak Tesalonika. Neak di ade debueak umeak semyang tun Yahudi.

KISAH RASUL-RASUL 17:17

Kerno o neak umeak semyang, Paulus betukar pekeran ngen tun-tun Yahudi ngen tun-tun de saben ngen Allah. Awei o kulo tiep bilai si tukar pekeran ngen tun-tun neak pasar.

KISAH RASUL-RASUL 19:8

Selamo telau bulen Paulus teko moi umeak semyang neak di, miling ngen binai serto bedebat ngen tobo'o utuk supayo tobo'o yakin tetang Allah meriteak sebagai Rajo.

KISAH RASUL-RASUL 4:13

Anggota-anggota sidang pengadilan o selle kemliak kebinai Petrus ngen Yohanes, jano igai tobo'o namen bahwo keduai rasul o adeba tun-tun biaso de coa perneak sekula. Lajau tobo'o sadar bahwo keduai rasul o adeba tun-tun de milau ngen Yesus.

KISAH RASUL-RASUL 4:20

Sebab keme coa nam bedan miling tetang jano de sudo keme kemliak ngen temi'uk suang.”

KISAH RASUL-RASUL 4:31

Sesudo tobo'o selsei bedu'o, penan tobo'o bekopoa o unyak. Tobo'o kutene kenuaso Roh Sucai, ngen muloi miling ngen binai nien tetang bito kunei Allah.

KISAH RASUL-RASUL 5:41

Rasul-rasul o teminggea Mahkamah Agamo ngen riang sebab Allah bi manggap tobo'o patut utuk dapet hino kerno Yesus.

ROMA 1:1

Saudaro-saudaro kute neak Roma de kenasiak Allah ngen de sudo nok Allah utuk jijai umat-Ne. Allah sudo miliak ngen maket uku khusus utuk melei namen Bito Baik kunei Allah.

2 KORINTUS 3:12

Kerno keme temuan harapan de awei o, mako keme binai madeak awei o.

KOLOSE 2:1

Uku lok udi namen awei ipe sarone uku berjuang utuknu ngen utuk tobo'o de neak Laodikia serto kute de coa kemnal uku seca'o pribadi.

1 TESALONIKA 1:5

Sebab keme semapei Bito Baik ngen udi iso ngen kecek-kecek bae, tapi kulo ngen kuaso Roh Allah. Ngen keme yakin sekilai ngen kebenaran Bito Baik o. Udi namen awei ipe keme idup utuk kepetingannu ketiko keme ade neak tengeak-tengeak udi.

2 TIMOTIUS 1:12

Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.

YUDAS 1:3

Saudaro-saudaro de tecito! Uku sungguak-sungguak berusaho temulis su'et ngen udi tetang keselamatan de samo-samo ite meding. Tapi uyo uku meraso harus melei nasihat ngen temulis su'et yo utuk udi, supayo udi tep berjuang utuk imen de sudo nelei Allah utuk selamo-lamone ngen umat-Ne.