1 TESALONIKA 2:10 - JANJAI BLAU Lem Bahaso Jang Bebilai

¹⁰ Keme idup ngen sucai, benea ngen coa ade cacet te'adep udi de sudo pecayo ngen Kristus. Udiba saksai-saksai keme, awei o kulo Allah.

1 TESALONIKA 2:10 ပူးပေါင်းရင်းမြစ်များ

LUKAS 23:41

Ukuman ite memang setipal, sebab ite temimo bales de setipal ngen plep ite, tapi tun yo coa menea sesuaktau de saleak.”

KISAH RASUL-RASUL 20:18

Ketiko tobo'o sapei, Paulus madeak ngen tobo'o, “Udi namen awei ipe uku idup selamo yo neak antaro udi sejok bilai pertamo uku sapei neak Asia.

KISAH RASUL-RASUL 20:26

Kerno o ngen tegas uku madeak ngen ko pado bilai yo bahwo amen ade neak antaro udi de matei be, do'o iso saleak ku.

KISAH RASUL-RASUL 24:16

Kerno o uku bogoa beusaho utuk idup, supayo atei nuraniku bersih teadep Allah ngen manusio.

2 KORINTUS 1:12

Keme bangga, sebab atei nurani keme melei saksai ngen keme bahwo idup keme neak dunio yo, khususne lem hubungan keme ngen udi, kenuaso ketulusan ngen kemurnian kunei Allah iso kunei dunio, tapi ngen kekuatan anugerah Allah.

2 KORINTUS 11:11

Getai uku madeak awei o? Jano kerno uku coa mengasihi udi? Allah namen uku mengasihi.

2 KORINTUS 11:31

Allah, adeba Bapa kunei Yesus, Tuhante, namen bahwo uku coa mike, tepujaiba gen-Ne seke'an-ke'anne.

2 KORINTUS 4:2

Keme coa makei ca'o-ca'o de menea selek. Keme coa lok kerjo ngen ca'o licik atau menea coa benea kecek Allah. Keme melayan Allah ngen atei baik temurut kelok-Ne. Sebab o, keme minoi kute tun kemliak keme ngen baik neak lem ateine.

2 KORINTUS 5:11

Keme namen jano taine saben ngen Tuhan, kerno o keme berusaho menea tun yakin tetang dirai keme. Allah kebiak namen atei keme ngen te'ang, ngen uku ma'ep udi kulo kemnal keme neak lem ateinu.

2 KORINTUS 7:2

Keleiba penan bagiak keme neak lem atei udi! Keme coa perneak menea saleak teadep suang tun kulo, coa suang tun kulo de keme nea jijai rugai, ngen keme coa mesoa utung kunei suang tun kulo.

1 TESALONIKA 1:5

Sebab keme semapei Bito Baik ngen udi iso ngen kecek-kecek bae, tapi kulo ngen kuaso Roh Allah. Ngen keme yakin sekilai ngen kebenaran Bito Baik o. Udi namen awei ipe keme idup utuk kepetingannu ketiko keme ade neak tengeak-tengeak udi.

1 TESALONIKA 2:5

Udi suang namen bahwo coa perneak keme ceicak baik atau mike udi utuk munyin maksud-maksud tamak. Allah saksaine!

2 TESALONIKA 3:7

Udi suang namen bahwo udi harus temirau contoh keme. Keme coa bemalas-malas ketiko keme ade neak tengeak-tengeak udi.

1 TIMOTIUS 4:12

Jibeak suang tun kulo manggap ko rendeak kerno ko u'ai. Sebelekne, lokba ko jijai teladan bagiak tun-tun pecayo lem keceknu ngen plepnu, lem ca'o ko mengasihi sesamo ngen pecayo ngen Yesus Kristus, lem kesetiaannu ngen lem kemurnian.

2 TIMOTIUS 3:10

Tapi ko bi temotoa ajaran-ajaran uku, ca'o idupku, ngen tujuan idupku. Ko bi kemliak suang awei ipe uku sungguak-sungguak pecayo ngen Yesus Kristus ngen mengasihi sesamo manusio. Ko kulo namen kesabaran ngen ketabahan uku.

1 PETRUS 5:3

Jibeakba betindak sebagai penguaso teadep tobo'o de dipercayakan ngenko, tapi jijaiba teladan utuk tobo'o.