1 TESALONIKA 1:6 - JANJAI BLAU Lem Bahaso Jang Bebilai

⁶ Udi temotoa teladan keme ngen teladan Tuhan. Kunyau udi kembiak saro, udi semambut ngen riang bito de keme melei namen ngen udi. Riang o nelei Roh Allah.

1 TESALONIKA 1:6 ပူးပေါင်းရင်းမြစ်များ

MATIUS 16:24

Sesudo'o Yesus madeak ngen penotoa-penotoa-Ne, “Api kulo de lok lalau temotoa Uku, mestai melupo kelokne dewek, musung ke au salib-Ne ngen temotoa Uku tiep waktau.

YOHANES 8:12

Yesus madeak igai ngen tobo'o, “Uku ba te'ang dunio. Api bae de temotoa Uku, si coa bakea paneu lem kelem, tapi si bakea temuan te'ang dunio.”

KISAH RASUL-RASUL 13:52

Tun-tun neak Antiokhia tep penuak ngen keriang ngen Roh Sucai.

KISAH RASUL-RASUL 5:41

Rasul-rasul o teminggea Mahkamah Agamo ngen riang sebab Allah bi manggap tobo'o patut utuk dapet hino kerno Yesus.

KISAH RASUL-RASUL 9:31

Mako jemaat neak kute Yudea, Galilea, Samaria jijai aman. Roh Sucai temulung, tobo'o idup lem saben bakea Tuhan, jemaat-jemaat o betambeak kuet, betambeak dau.

ROMA 15:13

Allah adeba penan udi ma'ep. Semoga Si menea ateinu ngen kute sukocito ngen sejahtera kerno udi pecayo ngen Si, supayo ngen kuaso Roh Allah udi tambeak ma'ep ngen Allah.

1 KORINTUS 11:1

Totoaba contoh uku, awei uku kulo temotoa contoh Kristus.

1 KORINTUS 11:2

Uku mujai udi sebab udi bogoa minget uku ngen temotoa ajaran de uku nelei ngenko.

1 KORINTUS 4:16

Sebab o uku minoi nien supayo udi motoa contohku.

2 KORINTUS 6:10

Kunyau atei keme jijai sedih, tapi keme bogoa riang. Keme ketenne peset, tapi keme bi menea tun dau jijai kayo. Ketenne keme coa temuan jejano, tapi sebeneane temuan kute-kutene.

2 KORINTUS 8:5

Tobo'o melei lebiak dau kuneipado de keme ma'ep. Tobo'o mulo-mulo semreak dirai ngen Tuhan, sudo'o ngen keme kulo, sesuoi ngen kelok Allah.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

EFESUS 5:1

Udi adeba anok-anok Allah de tekasiak, sebab o udi harus temotoa teladan Allah.

FILIFI 3:17

Saudaro-saudaro, totoaba teladan uku. Keme bi melei teladan de benea, sebab o kenliakba bebaik tun-tun de motoa teladan keme o.

2 TESALONIKA 1:4

Do'oba sebabne getai keme miling tetang udi tiep kilai keme semulau jemaat-jemaat Allah. Ngen bangga keme cemrito awei ipe udi tep pecayo ngen Kristus neak lem penganiayaan ngen penderitaan de udi meding.

2 TESALONIKA 3:7

Udi suang namen bahwo udi harus temirau contoh keme. Keme coa bemalas-malas ketiko keme ade neak tengeak-tengeak udi.

2 TESALONIKA 3:9

Keme menea o iso kerno keme coa berhok utuk o, meluyen kerno keme lok jemijai dirai keme teladan bagiak udi.

2 TIMOTIUS 4:2

Lokba ko melei Bito Baik kunei Allah o, terus pakso supayo tun temi'ukne, jano tobo'o lok jano coa. Lokba ko menea tun pecayo, kemten saleakne, ngen melei nasihat ngen tobo'o. Najeaba tun ngen sabar.

IBRANI 10:34

ngen udi meding ibo tun de neak lem sel. Ketiko kute de udi temuan mok tun, udi temimo o ngen riang atei, sebab udi namen bahwo udi masiak temuan suaktau de lebiak baik, de bakea taen sekeanne.

1 PETRUS 1:6

Kerno o lokba udi riang atei, kunyau uyo utuk sementaro waktau udi harus jijai ibo kerno udi meding memecem cobaan.

1 PETRUS 1:8

Udi mengasihi-Ne, kunyau bel'o udi coa kemliak-Ne. Udi pecayo ngen Si kunyau uyo udi coa kemliak-Ne. Do'o sebabne udi riang, meding riang de agung ngen coa nam madeakne.

1 PETRUS 3:13

Api de lok menea jahat ngen udi, amen udi senang menea baik?

3 YOHANES 1:11

Saudaro de tecito, jibeakba nirau de kidek, tapi de baik. Tun de menea baik adeba de Allah temuan tapi tun de menea jahat ati kemnal Allah.