1 PETRUS 5:9 - JANJAI BLAU Lem Bahaso Jang Bebilai

⁹ Nelawenba si ngen imen de teguak, sebab udi namen bahwo saudaro-saudaro sesamo Kristen luyenne neak kute dunio kulo menderita awei udi.

1 PETRUS 5:9 ပူးပေါင်းရင်းမြစ်များ

LUKAS 22:32

Tapi Uku bi bedu'o utuknu, supayo imennu jibeak lemuak. Ngen udi, amen ko sudo insaf, kenuetba pasuak-pasuaknu.”

YOHANES 16:33

Kutene o Uku madeak ngen udi, supayo udi dapet damoi sejahtera lem Uku. Neak dunio udi bakea saro. Tapi kenuetba ateinu! Uku bi maleak dunio!”

KISAH RASUL-RASUL 14:22

Neak penan'o tobo'o kemuet atei murid-murid'o ngen melei nasihat tobo'o supayo tep pecayo ngen Yesus, madeak bahwo utuk masuk moi lem Allah meriteak sebagai Rajo ite harus meding dau kesaro.

1 KORINTUS 10:13

Tiep cobaan de Saudaro meding adeba cobaan de patut ending manusio. Tapi Allah setia pado janjai-Ne. Si coa bakea munyau Saudaro cemubo lebiak kunei kemampuannu. Pado waktau Saudaro dapet cobaan, Tuhan bakea melei dalen ngen ko utuk jijai kuet supayo Saudaro dapet betaen.

EFESUS 4:27

supayo Iblis coa dapet kesempatan.

EFESUS 6:16

Tiep waktau nakeiba percayonu ngen Tuhan sebagoi senjato penangkis, ngen imen o udi dapet madem kute anok panah beropoi kunei tun jahat.

KOLOSE 2:5

Kerno kunyau uku suang coa ade neak antaro udi, anggapba bahwo uku ade neak antaro udi. Ngen uku riang kemliak udi do atei ngen tep pecayo ngen Kristus.

1 TESALONIKA 3:3

Ngen awei o coa suang kulo kunei udi de coa kuet imenne kerno derito-derito yo. Udi suang namen bahwo derito-derito o adeba lem rencano Allah utuk ite.

1 TIMOTIUS 6:12

Berjuangba sungguak-sungguak utuk idup sebagai tun Kristen supayo ko mbut hadiah sejati ngen kekal. Sebab utuk o ba Allah menok ko pado waktau ko ngakau neak adep dau tun bahwo ko pecayo ngen Kristus.

2 TIMOTIUS 3:12

Memang kute tun de lok idup semyang ngen idup jijai do ngen Kristus Yesus bakea senikso,

2 TIMOTIUS 4:7

Uku bi milau pertandingan ngen sebaik-baikne, uku bi sapei moi garis akher. Uku tep setia ngen Kristus sapei akher.

IBRANI 11:33

Kerno berimen, mako tobo'o sudo maleak rajo-rajo. Tobo'o menea jano de benea, sehinggo temimo jano de jenanjai Allah. Tobo'o temutup bibia-bibia jegau.

IBRANI 12:8

Amen udi coa temurut hukum awei kute anokne de luyen yo berartai iso anok sah, tapi anok de coa sah.

YAKOBUS 4:7

Kerno o, hormatba ngen Allah ngen lawenba Iblis, mako Iblis bakea lalau kunei udi.

1 PETRUS 1:6

Kerno o lokba udi riang atei, kunyau uyo utuk sementaro waktau udi harus jijai ibo kerno udi meding memecem cobaan.

1 PETRUS 2:21

Utuk do'oba Allah menok udi. Kerno Kristus su'ang bi menderito utuknu, ngen o Si melei ngen udi suaktau contoh, supayo udi temotoa jejak-Ne

1 PETRUS 3:14

Tapi kunyau udi harus saro kerno menea hal-hal de baik, udi butung! Jibeakba saben ngen api bae, jibeak khawatir.

1 PETRUS 4:13

Malah, lokba udi meraso senang kerno milau menderita besamo-samo ngen Kristus. Mako konyo amen keagungan Kristus kenten, udi bakea bersukacita.

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.

WAHYU 6:11

Masing-masing tobo'o nelei delambea jubah putiak. Lajau tobo'o neluak istirahat tegoa igai, sapei bi lekap kute jumlah kekuat seperjuangan ngen saudaro-saudaro tobo'o de bakea nunuak awei tobo'o.

WAHYU 7:14

“Uku coa namen, Tuan, Tuan suang de namen,” jawab uku. Mako si madeak ngen uku, “Dioba tun-tun de sudo ngen selamat kunei kesusahan de luea biaso. Tobo'o bi mpuk jubah tobo'o ngen meneane jijai putiak ngen daleak Anok Bebirai o.