1 PETRUS 5:8 - JANJAI BLAU Lem Bahaso Jang Bebilai

⁸ Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

1 PETRUS 5:8 ပူးပေါင်းရင်းမြစ်များ

MATIUS 13:39

Musuak de temanem lalang'o adeba Iblis. Maso panen adeba Bilai Kiamat, ngen tun-tun de manen'o adeba malaikat-malaikat.

MATIUS 24:42

Jijai, teateiba, sebab udi coa namen tengen Tuhannu bakea teko.

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 4:1

Roh sucai kunei Allah mbin Yesus moi padang pasir utuk cenubo Iblis.

MATIUS 4:11

Akhirne Iblis teminggea Yesus, ngen malaikat-malaikat teko mlayan Si.

MARKUS 4:15

Biniak de cucia neak dalen awei tun-tun de temi'uk bito tetang awei ipe Allah meriteak. Awei o temi'uk, Iblis teko ngen mok jano de sudo tenbea lem atei tobo'o.

LUKAS 21:34

“Jagoba dirainu, jibeak sapei udi kembiak sibuk bepesta ngen mabuk menem, atau kembiak meker soal-soal idupnu, sehinggo udi coa siap ketiko bilai o teko ngen tetibo.

LUKAS 21:36

Bejago-jagoba, ngen bedu'oba bogoa supayo udi kuet matasi kute hal de bakea tejijai ngen udi dapet madep Anok Manusio.”

LUKAS 22:31

“Simon, Simon, ti'uk! Iblis bi nelei izin utuk ngujai udi, awei gelpung cen'ei kunei kaleakne.

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

2 KORINTUS 2:11

Uku menea o supayo Iblis jibeak mok kesempatan utuk kemuaso ite; sebab ite namen rencano-rencanone.

EFESUS 4:27

supayo Iblis coa dapet kesempatan.

EFESUS 6:11

Nakeiba kute perlengkapan perang de nelei Allah ngen udi, supayo udi dapet betaen melawen tipu muslihat Iblis.

1 TIMOTIUS 2:15

Tapi selawei bakea senlamat kerno melaher anok, asl si tep pecayo ngen Kristus, tep mengasihi tun luyen serto idup cuma utuk Allah.

1 TIMOTIUS 2:9

Awei o kulo lokne selawei berias ngen sederhano ngen makei keracok de sopan. Jibeak makei potongan buk de nyolok atau makei perhiasan emas, mutiaro, atau keracok de la'ang-la'ang.

1 TIMOTIUS 3:11

Ngenyan-ngenyan tobo'o lokba tun terhormat, harusba kulo tun baik, iso tun de galok fitneak. Tobo'o harus temaen dirai ngen jujur lem kute hal.

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

2 TIMOTIUS 4:17

Tapi Tuhan damping uku. Si melei kekuatan sehinggo uku sanggup melei namen kute Bito Baik o, supayo teni'uk kute tun iso Yahudi. Ngen uku selamat kunei bahayo kematian.

TITUS 1:8

Si harus galok temimo tun neak daseine, galok ngen hal-hal baik, dapet temaen dirai, jujur, sucai ngen tertib.

TITUS 2:12

Rahmat Allah o majea ite supayo coa igai idup melawen kelok Allah ngen coa temotoa kelok duniawi. Ite najea utuk idup lem dunio yo ngen namen temaen dirai, tulus, setia ngen Allah.

TITUS 2:2

Nasehatba tun semanei-semanei de tu'ai, supayo tobo'o tema'en dirai, bijaksana ngen idup sebagai tun de patut nego. Tobo'o harus kulo bepegong pado ajaran de benea kunei Allah, mengasihi ngen sempurno, saro ngen tabah.

TITUS 2:4

supayo ngen ca'o o tobo'o dapet majea selawei-selawei u'ai utuk mengasihi sematen ngen anok-anokne,

TITUS 2:6

Awei o kulo, meleiba nasehat ngen tun-tun u'ai supayo tobo'o jijai bijaksana.

YAKOBUS 4:7

Kerno o, hormatba ngen Allah ngen lawenba Iblis, mako Iblis bakea lalau kunei udi.

1 PETRUS 1:13

Sebab o lokba udi siap. Teateiba ngen maʼepba sepenuakne pado berkat de bakea nelei ngen udi pado waktau Yesus Kristus teko igai.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.

WAHYU 12:10

Lajau uku temi'uk sa'ei de lek neak surgo madeak, “Uyoba waktaune Allah semlamat umat-Ne! Uyo Allah kemten kuaso-Ne sebagai Rajo! Uyo Rajo Penyelamat de jenanjai o kulo kemten kuaso-Ne! Sebab de temuduak saudaro-saudaro ite neak adep Allah lueng ngen kelmen, sudo kenluea kunei surgo.

WAHYU 12:12

Sebab o, lokba surgo ngen kute de tinggea neak lemne, riang! Tapi celakoba bumai ngen laut, sebab Iblis bi tu'un ngen udi, ngen kembiak mengiak, kerno si namen bahwo waktaune tinggea didik igai.”

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

WAHYU 20:2

Lajau si temakep nagai o, dung tuai o, – adeba Iblis atau roh kidek o, – ngen si meketne utuk seribau taun anne.