1 PETRUS 5:5 - JANJAI BLAU Lem Bahaso Jang Bebilai

⁵ Awei'o kulo Saudaro, tun-tun uai. Tundukba ngen tun-tun de tuai. Saudaro kutene harus merendeak dirai ngen saling melayan ngen rendeak atei. Sebab lem Kiteb sucai tetulis awei yo, “Allah temtang tun de ombong, tapi mengasiak tun de rendeak atei.”

1 PETRUS 5:5 ပူးပေါင်းရင်းမြစ်များ

YAKOBUS 4:6

Kunyau awei o, rahmat Allah de nelei ngen ite lebiak kuet kunei kelok roh ite o. Do'oba sebabne neak lem Kiteb Sucai tetulis kulo, “Allah temtang tun de ombong, tapi sebelekne Si mengasihi tun de rendeak atei.”

EFESUS 5:21

Utuk hormat ngen Kristus, lokba udi tunduk do ngen de luyen.

ROMA 12:10

Lokba udi sesamo mengasihi sebagai saudaro ngen sesamo demute lem melei hormat.

FILIFI 2:3

Jibeakba menea sesuaktau kerno kepentingan suang, atau utuk ombong. Sebelekne lokba udi memasing ngen rendeak atei manggap tun luyen lebiak kunei dirai suang.

KOLOSE 3:12

Saudaro adeba umat Allah. Allah sayang ngen udi ngen miliak udi utuk jijai de Si temuan de khusus. Do'oba sebabne udi harus kemten belas kasihan, udi harus baik atei, rendeak atei, lemah lembut, ngen taen saro.

ROMA 13:14

Tapi kunyauba Tuhan Yesus Kristus sebagai perlengkapan senatai te'ang ngen jibeakba murus awoknu utuk memuaskan kelokne.

1 PETRUS 4:5

Tapi tobo'o konyo harus melei pertanggungjawaban ngen Allah de sudo siap utuk semidang tun de idup ngen de matei.

IBRANI 13:17

Totoaba periteak pemipin-pemipinnu, hormatba ngen tobo'o. Sebab tobo'o bogoa kemliak jiwonu, tobo'o harus betanggung jawab ngen Allah. Amen udi taat ngen tobo'o, tobo'o dapet kerjo ngen senang atei; amen coa, mako tobo'o bakea kerjo ngen atei ibo, do'o coa mbin utung utuk udi.

1 PETRUS 4:1

Kerno Kristus sudo menderita seca'o jasmani, udi kulo harus kemuat dirai ngen pendirian de awei'o. Sebab tun de menderita seca'o awokne, cigai menea duso.

LUKAS 22:26

Tapi udi coaba awei'o, sebelekne de lebiak lai neak antaro udi lokba jijai awei de lebiak uai ngen pemipin awei pelayan.

1 TIMOTIUS 5:1

Jibeakba ko mengiak ngen tun de lebiak tuai kunei ko, meluyen ajokba si temi'uk kecek-keceknu seolah-olah si baknu. Anggapba tun-tun u'ai sebagai Saudaronu,

1 PETRUS 3:8

Kesimpulanne adeba: lokba Saudaro-saudaro do atei ngen do perasaan. Lokba udi saling sayang menyayangi awei tun-tun de bersaudaro. Ngen lokba udi berbelaskasihan ngen bersikap rendak atei.