1 PETRUS 5:3 - JANJAI BLAU Lem Bahaso Jang Bebilai

³ Jibeakba betindak sebagai penguaso teadep tobo'o de dipercayakan ngenko, tapi jijaiba teladan utuk tobo'o.

1 PETRUS 5:3 ပူးပေါင်းရင်းမြစ်များ

YOHANES 13:15

Sebab Uku bi melei teladan ngen udi, supayo udi kulo menea serai awei de sudo Uku menea ngen udi.

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

1 KORINTUS 11:11

Kunyau awei'o lem kehidupan ite sebagai tun Kristen, selawei coa idup utuk diraine suang, lepas kunei semanei, ngen semanei kulo coa nam idup suang, lepas kunei selawei.

1 KORINTUS 3:5

Sebeneane api Apolos o? Ngen Api Paulus o? Keme cuma pelayan-pelayan Allah, de sudo melei nasihat ngen udi utuk pecayo ngen Kristus. Keme cuma maneu kerjo de Tuhan nelei ngen keme masing-masing.

1 KORINTUS 3:9

Keme adeba samo-samo kerjo utuk Allah; ngen udi adeba awei kebun Allah. Saudaro-saudaro adeba awei gedung Allah.

2 KORINTUS 1:24

Uku coa makso udi tetang jano de udi harus pecayo, sebab udi bi kembiak pecayo ngen Kristus. Uku cuma kerjosamo ngen udi supayo udi tambeak bahagia.

2 KORINTUS 4:5

Bito de keme semapei o isoba bito tetang dirai keme suang. Bito o adeba bito tetang Yesus Kristus; bahwo Si adeba Tuhan; ngen keme adeba hamba-hambanu kerno Si.

FILIFI 3:17

Saudaro-saudaro, totoaba teladan uku. Keme bi melei teladan de benea, sebab o kenliakba bebaik tun-tun de motoa teladan keme o.

FILIFI 4:9

Naneuba jano de sudo udi belajea ngen temimo kunei uku; baik kunei kecek-kecek atau kunei plep-plep uku. Allah sumber sejahtera bakea semerto udi.

1 TESALONIKA 1:7

Sehinggo udi jijai contoh utuk kute tun Kristen neak Makedonia ngen Akhaya.

2 TESALONIKA 3:9

Keme menea o iso kerno keme coa berhok utuk o, meluyen kerno keme lok jemijai dirai keme teladan bagiak udi.

1 TIMOTIUS 4:12

Jibeak suang tun kulo manggap ko rendeak kerno ko u'ai. Sebelekne, lokba ko jijai teladan bagiak tun-tun pecayo lem keceknu ngen plepnu, lem ca'o ko mengasihi sesamo ngen pecayo ngen Yesus Kristus, lem kesetiaannu ngen lem kemurnian.

TITUS 2:7

Lem kute hal lokba ko jijai teladan de baik. Amen ko majea, ko harus jujur ngen sungguak-sungguak.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.