1 PETRUS 5:2 - JANJAI BLAU Lem Bahaso Jang Bebilai

² Supayo udi mengembala kawanan bebirai de senreak Allah ngenko. Gembalakanlah tobo'o ngen senang atei awei ipe de kenlok Allah, ngen jibeakba ngen benek atei. Jibeakba kulo menea kerjonu utuk dapet utung, tapi kerno udi sungguak-sungguak lok mlayan.

1 PETRUS 5:2 ပူးပေါင်းရင်းမြစ်များ

LUKAS 12:32

“Jibeakba saben, hoi udi jumlahnu titik! Kerno Bapanu bi senang melei udi Kerajaan o.

KISAH RASUL-RASUL 20:29

Sesudo uku lalau, pasti bakea teko serigala-serigala de buas moi tengeak-tengeak udi. Tun-tun de udi jago o bakea jijai mangsa serigala-serigala o.

KISAH RASUL-RASUL 21:13

Tapi Paulus jemawab, “Getai udi ngindoi, sehinggo menea ateiku ajua? Kerno uku yo rela iso bae utuk neket, tapi kulo utuk matei neak Yerusalem demi gen Tuhan Yesus.”

ROMA 1:15

Do'oba sebabne uku lok melei namen Bito Baik ngen udi de tinggea neak Roma.

1 KORINTUS 9:7

Coa ade anggota tentra de harus temanggung biayane suang neak lem angkatan perang! Coa ade petani de temanem anggur neak kebunne lajau mbuk asea anggur kunei kebun o! Coa ade gembala de semido bebirai, lajau coa mbuk susu kunei bebirai o!

1 TIMOTIUS 3:3

jibeak tun galok mabuk, atau de galok belago. Sebelekne, si harus lemah lembut, damoi. Si coa buliak mata duitan.

1 TIMOTIUS 3:8

Pekerjo luyenne harusba kulo tun de baik ngen tulus; coa mata duitan ngen coa galok menem anggur kembiak dau.

TITUS 1:11

Tun-tun awei o harus bibiane npem, sebab tobo'o kemacau dau keluargo ngen ajaran-ajaran de coa ade gunone. Tobo'o menea o cuma kerno lok mesoa utung de coa patas!

TITUS 1:7

Tun de kerjo neak jemaat adeba tun de murus kerjo Allah, si coa buliak tun de coa baik. Si coa buliak ombong atau gacang mengiak, atau tukang mabuk, galok belago, atau bogoa meker caci.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

TITUS 3:1

Melei namen anggota jemaat-jemaatnu supayo tobo'o tunduk ngen pimipin-pemipin, penguaso negrai serto taat ngen besedio menea tiep hal de baik.

FILEMON 1:14

Tapi uku coa lok menea jejano amen uku ati minoi ngen ko. Uku lebiak galok amen ko meneane ngen rela; uku coa lok makso ko.

IBRANI 12:15

Jagoba jibeak sapei ade suang kulo de keluea kunei lingkungan kebaikan atei Allah, supayo jibeak ade de jijai awei tanem de ade acun neak tengeak-tengeak udi sehinggo timboa saro ngen musak dau tun ngen acunne.

2 PETRUS 2:3

Kerno serakahne gu'au-gu'au palsu o bakea beusaho mesoa utung kunei ko ngen nandei-nandei tobo'o. Tapi utuk plep tobo'o o ukuman bi an tesedio ngen kebinasaan coa bakea buye.