1 PETRUS 5:1 - JANJAI BLAU Lem Bahaso Jang Bebilai

¹ Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

1 PETRUS 5:1 ပူးပေါင်းရင်းမြစ်များ

LUKAS 24:48

Ko adeba saksai kunei kutene yo.

KISAH RASUL-RASUL 1:22

adeba muloi kunei baptisan Yohanes sapei bilai Yesus taket moi surgo teminggea keme, utuk jijai saksai ngen keme tetang Si idup igai.”

KISAH RASUL-RASUL 1:8

Tapi udi bakea temimo kuaso amen Roh Sucai tu'un ngen udi, udi bakea jijai saksai-saksai-Ku neak Yerusalem ngen neak kute Yudea ngen Samaria sapei moi ujung bumai.”

KISAH RASUL-RASUL 11:30

Hal'o tobo'o menea kulo, tobo'o kemirimne ngen pemipin-pemipin jemaat liwet Barnabas ngen Saulus.

KISAH RASUL-RASUL 14:23

Neak tiep-tiep jemaat rasul-rasul'o temtep pemipin-pemipin utuk jemaat'o, sesudo bedu'o ngen puaso, tobo'o semreak pemipin-pemipin'o ngen Tuhan de tobo'o pecayo'o.

KISAH RASUL-RASUL 15:4

Sapeine neak Yerusalem tobo'o senambut ngen jemaat, rasul-rasul ngen pemipin-pemipin, lajau tobo'o cemrito kute seseuaktau de Allah menea liwet tobo'o.

KISAH RASUL-RASUL 15:6

Lajau sidangba rasul-rasul ngen pemipin-pemipin utuk berunding hal o.

KISAH RASUL-RASUL 2:32

Yesus yo ba de Allah midup igai. Tetang hal o keme kutene adeba saksai.

KISAH RASUL-RASUL 20:17

Kunei Miletus Paulus kemirim bito moi Efesus utuk minoi ngen pemipin jemaat neak di utuk teko magea si.

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

KISAH RASUL-RASUL 21:18

Menne lalauba Paulus besamo-samo ngen keme magea Yakobus; kute pemipin-pemipin jemaat bi ade neak di.

KISAH RASUL-RASUL 3:15

Udi bi munuak perintis kehidupan, tapi Allah bi midup igai Si kunei antaro tun matei, ngen tetang hal o keme adeba saksai.

2 KORINTUS 5:1

Kerno keme namen bahwo amen umeak – adeba awok – penan ite diem neak bumai nukea, Allah bakea semiap do umeak neak surgo bagiak ite, do penan de kekal, de iso nea tangen manusio.

2 KORINTUS 5:8

Do'o sebabne atei keme sabar. Keme lebiak riang keluea kunei awok keme yo, supayo dapet tinggea besamo Tuhan.

FILIFI 1:19

sebab uku namen bahwo ngen du'o-du'onu ngen batuan kunei Roh Yesus Kristus, uku bakea bebas.

1 TIMOTIUS 5:1

Jibeakba ko mengiak ngen tun de lebiak tuai kunei ko, meluyen ajokba si temi'uk kecek-keceknu seolah-olah si baknu. Anggapba tun-tun u'ai sebagai Saudaronu,

1 TIMOTIUS 5:19

Jibeakba temimo tuduhan te'adep suang pemipin jemaat, kecuali amen ade dukungan kunei duai saksai atau lebiak.

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

TITUS 1:5

Uku teminggea ko neak Kreta supayo ko dapet murus hal-hal de masiak perlu natur. Kulo, supayo ko maket pemipin-pemipin jemaat neak tiep kota. Tingetba ngen petunjuk-petunjukku yo:

FILEMON 1:9

Tapi kerno uku mengasihi saudaro, uku cuma minoi bae. Uku yo tun tu'ai ngen uyo dong nasuk sel kerno Kristus Yesus.

IBRANI 12:1

Nah, tetang ite suang, neak skliling te ade dau sekilai saksai! Sebab o, maroba ite muang kute de jijai beban ite ngen duso de terus melket ngen ite. Maroba ite ngen tekun temotoa perlombaan de ade neak adep te.

1 PETRUS 1:12

Ngen nebai-nebai o Allah melei namen bahwo jano de tobo'o nea iso utuk kepetingan tobo'o, meluyen utuk udi; adeba hal-hal de uyo yo udi teni'uk ngen jelas kunei paro de semapei Bito Baik tetang Yesus Kristus. Tobo'o semapei hal-hal o ngen udi ngen kuaso Roh Allah de nembo-Ne kunei surgo. Bahkan malaikat-malaikat kulo lok namen bito de tobo'o melei namen o.

1 PETRUS 1:7

Tujuanne adeba utuk melei bukti jano udi sungguak-sungguak pecayo ngen Tuhan jano coa. Mas de dapet usak kulo, ntes ngen opoi. Nah, imen udi adeba lebiak bego kunei mas, jijai harus ntes kulo supayo jijai murni. Ngen awei o udi bakea nujai ngen hormat serto nelkat pado bilai Yesus Kristus teko igai.

1 PETRUS 4:13

Malah, lokba udi meraso senang kerno milau menderita besamo-samo ngen Kristus. Mako konyo amen keagungan Kristus kenten, udi bakea bersukacita.

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.

2 YOHANES 1:1

Ngen jemaat de niliak Allah, ngen anggota-anggotane. Su'et yo kunei uku, pemipin jemaat de sungguak-sungguak cito ngen udi. Iso cuma uku, tapi kute tun de kemnal Allah de benea, cito udi kulo.

3 YOHANES 1:1

Saudaro Gayus de tecito! Uku, pemipin jemaat, de sungguak-sungguak mengasiak udi.

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.