1 PETRUS 4:4 - JANJAI BLAU Lem Bahaso Jang Bebilai

⁴ Uyo tun de coa kemnal Tuhan, heran bahwo udi coa milem idup awei'o tobo'o, menikmati duso ngen coa ade batas. Do'oba sebabne tobo'o mino udi.

1 PETRUS 4:4 ပူးပေါင်းရင်းမြစ်များ

MATIUS 23:25

Celakoba udi gu'au-gu'au agamo ngen tun Faris! Udi tun munafik! Makuk-makuk ngen pinggan-pinggan udi mpuk bersih-bersih neak lueane bae, tapi neak lemne kembiak ngei ngen hal-hal de udi dapet ngen ca'o pakso ngen tamak.

LUKAS 15:13

Kekedau bilai sesudo'o anok titik o jemuwoa kute bagiakne o lajau lalau moi negrai de uak. Neak di si mabis hartone o ngen idup befoya-foya.

KISAH RASUL-RASUL 13:45

Tapi waktau tun Yahudi kemliak tun dau'o, penuakba tobo'o ngen kidek atei samo mino, tobo'o bateak jano de nadeak Paulus.

KISAH RASUL-RASUL 18:6

Tapi ketiko tun-tun o melawen si ngen minone, si mersi debu kunei keracokne. Paulus madeak ngen tobo'o, “Kunyauba daleaknu tupeak neak das ulaune suang; uku bersih, coa saleak. Muloi uyo uku bakea lalau ngen bangso-bangso luyen.”

ROMA 13:13

Maroba ite idup ngen sopan, awei tengeak bilai, jibeak lem pesta pora ngen mabuk, jibeak lem percabulan ngen hawa nafsu, jibeak lem selisiak ngen kidek atei.

EFESUS 5:18

Jibeakba udi mabuk ngen anggur, sebab do'o bakea musak udi, tapi lokba udi penuak ngen Roh,

1 PETRUS 2:12

Perbuatannu neak antaro tun de coa kemnal Tuhan harusba kembiak baik, sehinggo amen tobo'o fitneak udi sebagai tun jahat, tobo'o pulo harus ngakau perbuatannu de baik, sehinggo tobo'o bakea mujai Allah pado waktau Si teko.

1 PETRUS 3:16

Tapi neaba do'o ngen lemah lembut, hormat. Ngen lokba atei nuraninu sucai, supayo amen udi fitneak tun kerno udi idup ngen baik sebagai penotoa Kristus, mako tun de fitneak o bakea jijai selek suang.

2 PETRUS 2:12

Tapi gu'au-gu'au o, luea biaso! Tobo'o awei benatang de laher utuk tenakep ngen nunuak bae. Tobo'o coa bepeker tapi cuma menea temurut naluri bae, sehinggo tobo'o semrang hal-hal de coa tobo'o ngertai ngen kecek-kecek hino. Sebab o, plep-plep tobo'o suang, tobo'o bakea benaso awei benatang-benatang buas.

2 PETRUS 2:22

Jano de tobo'o nea melei bukti kebenaran pribahasa yo, “Kuyuk bakea mbuk igai jano de sudo nuteak ne,” ngen “Ja'uak de sudo ndai, bakea ngubang neak lem luluk.”

YUDAS 1:10

Tapi tobo'o mino kute sesuaktau de coa tobo'o ngertai. Tobo'o serai awei benatang-benatang de coa temuan akea, de namen hal-hal ngen nalurine bae. Tapi justru hal-hal'oba de jijai sebab kehancuran tobo'o.