1 PETRUS 4:2 - JANJAI BLAU Lem Bahaso Jang Bebilai

² Sebab o, lokba udi idup selanjutne neak dunio yo temurut kelok Allah, ngen iso temurut kelok manusio.

1 PETRUS 4:2 ပူးပေါင်းရင်းမြစ်များ

MATIUS 12:50

Tun de kemerjo kelok Bak-Ku neak surgo, siba pasuak semenei, pasuak selawei ngen mak-Ku.”

MATIUS 20:4

Mako nadeakba tun'o ngen tobo'o, ‘Lalauba udi kerjo neak kebun anggurku, uku bakea masen udi ngen upeak de sesuoi.’

MATIUS 21:31

Nah, kunei antaro kuduai tun'o de api menea kelok Bakne?” “De tuai” pemipin imem-imem ngen pemipin-pemipin Yahudi jemawab. Mako Yesus madeak ngen tobo'o, “Pecayoba: Penagiak-penagiak pajak ngen selawei nakea bakea lebiak deno jijai anggota umat Allah kunei pado udi.

MATIUS 7:21

“Coa kute tun de menggang ngen uku, ‘Tuhan, Tuhan’ jijai anggota umat Allah, tapi tun de kemerjo periteak Bapaku neak surgo, do'oba de jijai anggota umat Allah.

MARKUS 3:35

Api bae de menea kelok Allah, Siba pasuak-Ku semanei, Siba pasuak-Ku selawei, Siba Indok-Ku.”

MARKUS 7:21

Sebab kunei lem, kunei atei tun, timboa kute pekeran kidek, perzinahan, maling, pembunuhan,

YOHANES 1:13

Tun-tun de leherne iso kunei daleak atau kunei kelok jasmani iso kulo ngen kelok suang semanei, seluyen kunei Allah.

YOHANES 7:17

Api bae lok menea kelok-Ne, si bakea namen jano Ajaran-Ku yo berasal kunei Allah, jano Uku madeak kunei dirai-Ku suang.

ROMA 12:2

Jibeakba udi serai awei dunio yo, tapi bubeakba ngen pribadinu de blau, sehinggo udi dapet mbeda ipe de kelok Allah: jano de baik, de semnang atei Allah ngen de sempurno.

ROMA 14:7

Sebab coa ade su'ang kulo neak antaro ite de idup utuk diraine su'ang, ngen coa ade su'ang kulo de matei utuk diraine su'ang.

ROMA 6:11

Awei'oba lokne udi kemliakne: bahwo udi bi matei utuk duso, tapi udi idup utuk Allah lem Kristus Yesus.

ROMA 6:2

Coa samo sekilai! Ite bi matei neak lem duso, awei ipe ite masiak dapet idup neak lemne?

ROMA 7:4

Sebab o, saudaro-saudaroku, udi kulo bi matei utuk hukum agamo Yahudi ngen awok Kristus, supayo udi jijai de tun luyen temuan, adeba Si de temuan, de sudo idup igai kunei antaro tun matei, kunyau ite melei asea utuk Allah.

2 KORINTUS 5:15

Kristus bi matei utuk kute tun, supayo tobo'o de idup, coa igai idup utuk diraine suang, tapi utuk Si de sudo matei ngen nidup igai utuk tobo'o.

EFESUS 2:3

Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

EFESUS 4:17

Sebab o, uku madeak ngen uku temges dio ngen udi neak lem Tuhan: Jibeak idup igai awei tun-tun de coa kemnal Allah ngen pekeranne de sio-sio.

EFESUS 5:17

Sebab o jibeakba udi bodong, tapi berusahoba supayo udi ngertai kelok Tuhan.

EFESUS 6:6

Jibeak cuma neak adep tobo'o bae utuk semnang atei manusio. Tapi lokba udi meneane sebagoi hamba Kristus de gidong temotoa kelok Allah ngen sepenuak atei.

KOLOSE 1:9

Do'oba sebabne keme bogoa bedu'o utuk udi sejok keme temi'uk tetang udi. Keme minoi ngen Allah supayo Roh Allah melei ngen udi kebijaksanaan ngen pengertian sehinggo udi namen ngen sempurno jano kelok Allah.

KOLOSE 3:3

Sebab udi bi matei, ngen idupnu coa keten besamo Kristus neak lem Allah.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

1 TESALONIKA 5:18

mucep syukurba lem kute hal, sebab do'oba de Allah kenlok kunei udi sebagai tun de idup jijai do ngen Kristus Yesus.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

YAKOBUS 1:18

Das kelok-Ne su'ang Si jemijai ite anok-anok-Ne liwet Firman-Ne de benea. Si menea o supayo ite dapet penan de utamo neak antaro kute makhluk ciptaan-Ne.

1 PETRUS 1:14

Taatba ngen Allah, jibeakba idup temurut keloknu de bel'o, pado waktau udi masiak ati kemnal Allah.

1 PETRUS 2:1

Kerno o, nuangba kunei dirainu kute de jahat; jibeak igai mike, jibeak pura-pura. Jibeak iri atei, jibeak mino tun luyen.

1 YOHANES 2:17

Dunio ngen kute de ade neak lemne ngen kenlok manusio, gidong nyep. Tapi tun de temotoa kelok Allah, tep idup sapei selamo-lamone.