1 PETRUS 4:16 - JANJAI BLAU Lem Bahaso Jang Bebilai

¹⁶ Tapi amen udi menderita sebab udi tun Kristen, jibeakba selek kerno hal o. Mokasiakba ngen Allah, bahwo udi mbin gen Kristus.

1 PETRUS 4:16 ပူးပေါင်းရင်းမြစ်များ

KISAH RASUL-RASUL 11:26

Tobo'o tinggea besamo-samo ngen jemaat'o sekean de taun penuak samo ngajea dau tun. Neak Antiokhiaba penotoa-penotoa'o utuk pertamo sekilaine de senbut Kristen.

KISAH RASUL-RASUL 26:28

Jawab Agripa, “ko sako mudeak menea uku jijai tun Kristen lem waktau de siket yo!”

KISAH RASUL-RASUL 28:22

Tapi keme lok temi'uk kunei ko, awei ipe pekeran nu, sebab keme kute bi temi'uk tun mino ajarannu o.”

KISAH RASUL-RASUL 5:41

Rasul-rasul o teminggea Mahkamah Agamo ngen riang sebab Allah bi manggap tobo'o patut utuk dapet hino kerno Yesus.

FILIFI 1:20

De uku kebiak lok ngen ma'ep adeba supayo jibeak sapei uku gagal lem tugasku. Sebelekne uku ma'ep supayo tiep saat, terutamo sekilai uyo, uku dapet bersikap binai sehinggo ngen segenep jiwo ragaku – baik uku idup atau matei – Kristus dimuliakan.

FILIFI 1:29

Sebab Allah bi melei anugerah ngen udi iso cuma utuk pecayo ngen Kristus, tapi kulo utuk saro bagiak Kristus.

2 TIMOTIUS 1:12

Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.

YAKOBUS 2:7

Tobo'oba de mino gen de mulio de udi temimo kunei Allah!

1 PETRUS 2:12

Perbuatannu neak antaro tun de coa kemnal Tuhan harusba kembiak baik, sehinggo amen tobo'o fitneak udi sebagai tun jahat, tobo'o pulo harus ngakau perbuatannu de baik, sehinggo tobo'o bakea mujai Allah pado waktau Si teko.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.

1 PETRUS 4:14

Udi butung amen udi nino sebab udi penotoa Kristus. Do'o beartai Roh de mulio, adeba Roh Allah, ade padonu.

1 PETRUS 4:19

Sebab o, amen ade tun-tun de menderita kerno Allah lok awei yo, lokba tun-tun o idup ngen benea ngen mempercayakan dirai ngen Pencipta tobo'o. Si bakea bogoa tempat janjai-Ne.