1 PETRUS 4:14 - JANJAI BLAU Lem Bahaso Jang Bebilai

¹⁴ Udi butung amen udi nino sebab udi penotoa Kristus. Do'o beartai Roh de mulio, adeba Roh Allah, ade padonu.

1 PETRUS 4:14 ပူးပေါင်းရင်းမြစ်များ

MATIUS 5:11

Allah melei rahmat ngen udi amen tun luyen madeak ko jahat, senikso ngen de pitneak kerno Uku.

MATIUS 5:16

Awei'o kulo seharusne te'angnu becayo neak muko tun, supayo tun'o kemliak plepnu de baik ngen mujai Allah de adeba Baknu neak surgo.”

LUKAS 6:22

Bahagiaba udi amen jenngik, tenulok, nino ngen fitneah kerno Anok Manusio.

YOHANES 15:21

Tapi kutene o bakea tobo'o menea te'adep udi kerno gen-Ku, sebab tobo'o coa namen Si desudo mutus Uku.

YOHANES 8:48

Tobo penguaso Yahudi jemawab Yesus, “Jano ba benea amen keme madeak bahwo Ko tun Samaria ngen pasuk semat?”

YOHANES 9:28

Samo mino tobo'o madeak ngen si, “Ko penotoa tun o, tapi keme penotoa-penotoa Musa.

YOHANES 9:34

Jawab tobo'o ngen Si, “Ko yo laher samo sekilai lem duso ngen Ko lok majea keme?” Lajau tobo'o musir si moi luea.

KISAH RASUL-RASUL 13:45

Tapi waktau tun Yahudi kemliak tun dau'o, penuakba tobo'o ngen kidek atei samo mino, tobo'o bateak jano de nadeak Paulus.

KISAH RASUL-RASUL 18:6

Tapi ketiko tun-tun o melawen si ngen minone, si mersi debu kunei keracokne. Paulus madeak ngen tobo'o, “Kunyauba daleaknu tupeak neak das ulaune suang; uku bersih, coa saleak. Muloi uyo uku bakea lalau ngen bangso-bangso luyen.”

KISAH RASUL-RASUL 28:22

Tapi keme lok temi'uk kunei ko, awei ipe pekeran nu, sebab keme kute bi temi'uk tun mino ajarannu o.”

KISAH RASUL-RASUL 5:41

Rasul-rasul o teminggea Mahkamah Agamo ngen riang sebab Allah bi manggap tobo'o patut utuk dapet hino kerno Yesus.

2 KORINTUS 12:10

Kerno o, uku riang ngen rela neak lem kelemahan, neak lem sikso, neak lem saro, neak lem penganiayaan ngen sengsaro kerno Kristus. Sebab amen uku lemah, mako uku kuet.

2 KORINTUS 4:10

Keme bogoa mbin mateine Kristus neak lem awok keme, supayo idup Yesus kulo jijai nyato neak lem awok keme.

2 KORINTUS 4:16

Do'oba sebabne keme coa putus asa. Kunyau manusio lahiriah keme tambeak merosot, tapi manusio batiniah keme jijai blau tiep bilai.

GALATIA 1:24

Mako tobo'o mujai Allah kerno uku.

IBRANI 11:26

Musa meding bahwo uak lebiak behargo utuk dapet penghinaan demi Rajo Penyelamat de jenanjai Allah o daripado dapet kute hok negrai Mesir, sebab Musa ma'ep upeak neak kedong bilai.

YAKOBUS 1:12

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

YAKOBUS 5:11

Tobo'o senbut bahagia sebab tobo'o sabar. Udi bi temi'uk tetang kesabaran Ayub, ngen udi namen awei ipe Tuhan pado akhirne memberkati si. Sebab Tuhan kembiak sayang ngen baik atei.

1 PETRUS 2:12

Perbuatannu neak antaro tun de coa kemnal Tuhan harusba kembiak baik, sehinggo amen tobo'o fitneak udi sebagai tun jahat, tobo'o pulo harus ngakau perbuatannu de baik, sehinggo tobo'o bakea mujai Allah pado waktau Si teko.

1 PETRUS 3:14

Tapi kunyau udi harus saro kerno menea hal-hal de baik, udi butung! Jibeakba saben ngen api bae, jibeak khawatir.

1 PETRUS 3:16

Tapi neaba do'o ngen lemah lembut, hormat. Ngen lokba atei nuraninu sucai, supayo amen udi fitneak tun kerno udi idup ngen baik sebagai penotoa Kristus, mako tun de fitneak o bakea jijai selek suang.

1 PETRUS 4:16

Tapi amen udi menderita sebab udi tun Kristen, jibeakba selek kerno hal o. Mokasiakba ngen Allah, bahwo udi mbin gen Kristus.

2 PETRUS 2:2

Kunyau awei o, dau tun bakea temotoa ca'o idup gu'au-gu'au palsu ngen hawa nafsu tobo'o. Ngen plep-plep tun mino Dalen Benea de temujau ngen Allah.