1 PETRUS 4:13 - JANJAI BLAU Lem Bahaso Jang Bebilai

¹³ Malah, lokba udi meraso senang kerno milau menderita besamo-samo ngen Kristus. Mako konyo amen keagungan Kristus kenten, udi bakea bersukacita.

1 PETRUS 4:13 ပူးပေါင်းရင်းမြစ်များ

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MATIUS 25:21

‘Baes,’ nadeak tuan'o, ‘Ko adeba pelayan de baik ngen setia. Kerno ko dapet Uku pecayo ngen de didik, uku bakea pecayo dedau ngen ko. Masukba milem beriang-riang ngen uku!’

MATIUS 25:23

‘Baes,’ nadeak tuan'o, ‘Ko pelayan de baik ngen setia. Kerno ko dapet uku pecayo ngen de didik, uku bakea pecayo dedau ngenko. Masukba ngen milem beriang-riang ngen uku!’

MATIUS 25:31

“Amen Anok Manusio teko utuk ijai Rajo, kute malaikat-Ne bakea mi'ing Si. Si bakea temot neak penan Si meriteak.

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 5:12

Ko harus benea-benea riang, kerno upeaknu lai neak surgo. Nebai-nebai de idup ayok udi kulo bi senikso.”

MARKUS 8:38

Kerno api bae selek kerno Uku ngen kerno kecek-Ku neak tengeak-tengeak jaman tun-tun uyo de coa setia ngen beduso yo, Anok Manusio kulo bakea selek kerno tun'o amen Si teko be lem kemulioan Bapa-Ne besamo malaikat-malaikat sucai.”

LUKAS 17:30

Awei'oba halne keadaan pado bilai konyo, neak ipe Anok Manusio kemten dirai-Ne.

KISAH RASUL-RASUL 16:25

Tapi kekiro tengeak malem Paulus ngen Silas bedu'o ngen mbin legau puji-pujian ngen Allah, tun-tun hukuman luyen temi'uk tobo'o.

KISAH RASUL-RASUL 5:41

Rasul-rasul o teminggea Mahkamah Agamo ngen riang sebab Allah bi manggap tobo'o patut utuk dapet hino kerno Yesus.

ROMA 5:3

Ngen iso do'o bae. Ite malah bangga kulo lem derito ite, kerno ite namen bahwo derito o menea tun jijai taat,

ROMA 8:17

Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.

ROMA 8:18

Sebab uku yakin, bahwo saro zaman uyo yo coa dapet nebanding ngen kemuliaan de bakea nelei ngen ite.

2 KORINTUS 1:5

Derito-derito de nding Kristus bi dau keme meding kulo. Ngen liwet Kristus kulo, batin keme kebiak kuet.

2 KORINTUS 1:7

Keme yakin ngen coa perneak ragau tetang Saudaro, sebab keme namen bahwo udi milau saro ngen keme. Kerno o udi kulo kenuet besamo-samo keme.

2 KORINTUS 4:10

Keme bogoa mbin mateine Kristus neak lem awok keme, supayo idup Yesus kulo jijai nyato neak lem awok keme.

2 KORINTUS 4:17

Sebab penderitaan de coa sebrapo yo, bakea mbin asea bagiak keme kemulioan kekal de lebiak kunei kute-kutene, uak lebiak lai kunei pado penderitaan keme.

FILIFI 3:10

Do-done de uku lok adeba supayo uku kemnal Kristus, ngen meding kuaso de midup Si kunei matei. Uku lok milau saro ngen Si ngen jijai serai awei Si lem hal kematian-Ne.

KOLOSE 1:24

Uyo uku senang saro utuk kepentingannu. Sebab ngen derito, uku gemnep jano de masiak harus Yesus meding saro utuk jemaat-Ne, adeba awok-Ne.

2 TIMOTIUS 2:12

Amen ite tep tabah, ite bakea meriteak kulo besamo Si. Amen ite muker Si, Si kulo bakea muker ite.

1 PETRUS 1:13

Sebab o lokba udi siap. Teateiba ngen maʼepba sepenuakne pado berkat de bakea nelei ngen udi pado waktau Yesus Kristus teko igai.

1 PETRUS 2:21

Utuk do'oba Allah menok udi. Kerno Kristus su'ang bi menderito utuknu, ngen o Si melei ngen udi suaktau contoh, supayo udi temotoa jejak-Ne

1 PETRUS 5:1

Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,

WAHYU 1:7

Keliak, si teko ngen embun-embun! Kute tun bakea kemliak Si, termasuk kulo tobo'o de sudo temikem-Ne. Kute bangso neak bumai bakea ibo kerno Si. Au, paset! Amin!

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.