1 PETRUS 4:11 - JANJAI BLAU Lem Bahaso Jang Bebilai

¹¹ Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.

1 PETRUS 4:11 ပူးပေါင်းရင်းမြစ်များ

MATIUS 6:13

Jibeak muyau keme coa pecayo waktau keme cenuba. tapi ne'uakba keme kunei kuaso Iblis. [Koba Rajo de kuaso ngen mulio utuk selamone. Amin.]’

YOHANES 13:31

Sesudo Yudas lalau, madeakba Yesus, “Uyo Anok Manusio nujai ngen Allah kulo nujai lem Si.

KISAH RASUL-RASUL 7:38

Musaba de neak tengeak-tengeak bangso Israel neak benei libea, jijai perantaro utuk malaikat de miling ngen si neak Tebo Sinai ngen ninik puyang ite. Siba de temimo kunei Allah bito de idup senapei ngen ite.

ROMA 11:36

Allah de menea kute sesuaktau. Kutene kunei Allah. Kutene utuk Allah. Tepujaiba Allah utuk selamo-lamone! Amin.

ROMA 12:3

Das dasar kasih karunia de Allah nelei ngen uku, uku madeak ngen tiep tun neak antaro udi: Jibeakba meker hal-hal de lebiak lekat kunei de patut udi peker, tapi lokba udi peker ngen rendeak atei, sehinggo udi kemuaso dirai temurut ukuran imen, de nelei Allah ngen udi masing-masing.

ROMA 16:27

Siba do-done Allah, Si mahabijaksana. Semoga Si jenunjung selamo-lamone liwet Yesus Kristus! Amin. Hormat keme, Paulus, hamba Kristus Yesus

ROMA 3:2

Dau nien, ngen neak lem kute hal. Pertamo-tamo: sebab ngen tobo'oba Allah cayo firman-Ne.

1 KORINTUS 10:31

Jano bae de Saudaro nea – Saudaro embuk atau Saudaro menem – neaba kutene o utuk menea Allah mulio.

1 KORINTUS 12:4

Ade memecem karunio kunei Roh Allah, tapi kutene berasal kunei Roh de do.

1 KORINTUS 3:10

Sesuoi ngen anugerah Allah, uku sebagai ahli bangunan bi mpek pondasi utuk gedung o, tun luyen temgok gedung neak das pondasi o. Tiep tun harus kemliak bebaik awei ipesi mbangun neak das pondasi o.

1 KORINTUS 6:20

Allah bi temukua udi ngen bi masen udi lunas. Sebab'o, muliakanba Allah ngen awoknu.

2 KORINTUS 2:17

Keme coa awei dau tun de mesoa utung kunei bito Allah awei barang dagangan bae. Tujuan-tujuan keme adeba benea, sebab keme nelei tugas ngen Allah. Ngen Allah suang kemliak bahwo keme semapei bito o sebagai hamba-hamba Kristus.

2 KORINTUS 9:13

Ngen kunei kebaikan de udi kemten o, dau tun Kristen neak Yudea bakea mujai Allah kerno tobo'o kemliak kesetiannu teadep Bito Baik tetang Kristus de udi totoa o. Kulo, tobo'o mujai Allah, kerno udi kebiak mue'ak atei utuk magiak ngen tobo'o ngen kute tun jano de ade ngen udi.

EFESUS 1:19

ngen padeak hebat kuaso-Ne utuk ite de pecayo, sesuoi ngen kekuatan kuaso-Ne de lai,

EFESUS 4:29

Jibeakba ade kecek de coa baik keluea kunei bibianu, tapi pakeiba kecek de baik utuk mbimbing ngen mulung tun luyen. Kecek-kecek awei o bakea jijai kebaikan ngen tun-tun de temi'ukne.

EFESUS 5:20

Bogoa mucep syukurba das kute sesuaktau lem gen Tuhante Yesus Kristus ngen Allah Bapa ite.

EFESUS 6:10

Akherne, lokba udi kuet neak lem Tuhan, neak lem kekuatan kuaso-Ne.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 2:11

Tobo'o kutene bakea makau bahwo Yesus Kristusba Tuhan; ngen awei yo mulioba Allah Bapa.

KOLOSE 4:6

Lokba hal-hal de udi nadeak bogoa semnang atei. Lokba udi namen awei ipe seharusne udi jemawap pertanyaan-pertanyaan tun.

1 TESALONIKA 2:4

Coa! Keme coa miling utuk semnang atei tun, tapi utuk semnang atei Allah, de cemubo atei keme. Sebab Allah manggap keme patas utuk melei namen Bito Baik o.

1 TIMOTIUS 1:17

Allah, Rajo kute zaman, patut nelei hormat ngen nujai, sebab Siba de kekal, de coa keten ngen esa! Amin.

1 TIMOTIUS 6:16

Siba do-done de coa nam kenuaso maut; Si idup neak lem cahayo de coa dapet na'ok api bae kulo. Coa ade suang manusio kulo de perneak kemliak Si, atau dapet kemliak Si. Bagiak-Neba hormat ngen kuaso de kekal! Amin.

TITUS 2:1

Tapi ko, Titus, lokba ko majea ajaran de paset.

TITUS 2:15

Najeaba kutene o, ngen melei nasehat serto tema'okba paro pendengarnu seca'o wibawa. Jibeak munyau suang kulo manggap ko rendeak.

IBRANI 13:7

Jibeakba coa tinget ngen pemipin-pemipinnu de semapei pesen Allah ngen ko. Kemliakba awei ipe tobo'o idup ngen awei ipe tobo'o matei, contohba imen tobo'o.

IBRANI 5:12

Sebeneane bi waktaune bagiaknu utuk jijai gu'au, tapi nyatone udi masiak perlu belajea kunei tun luyen tetang syari'ah ajaran Allah. Udi dapet temimo kembuk de telo; udi masiak harus mbuk susu bae.

YAKOBUS 1:19

Kemliakba dio bebaik, Saudaro-saudaro de tecito! Tiep tun harus gacang utuk temi'uk, tapi cendok utuk miling ngen mengiak.

YAKOBUS 1:26

Amen ade su'ang tun de meding diraine de taat beragamo, tapi si coa jemago bibiane, mako si mike diraine suang; ibadahne coa ade gunone.

1 PETRUS 2:12

Perbuatannu neak antaro tun de coa kemnal Tuhan harusba kembiak baik, sehinggo amen tobo'o fitneak udi sebagai tun jahat, tobo'o pulo harus ngakau perbuatannu de baik, sehinggo tobo'o bakea mujai Allah pado waktau Si teko.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.

1 PETRUS 4:10

Udi masing-masing sudo temimo pelei-pelei de coa serai kunei Allah. Sebab o sebagai tun de matur pelei-pelei Allah, lokba udi gemuno kepacok o utuk kepetingan besamo.

1 PETRUS 4:16

Tapi amen udi menderita sebab udi tun Kristen, jibeakba selek kerno hal o. Mokasiakba ngen Allah, bahwo udi mbin gen Kristus.

1 PETRUS 5:11

Kristus adeba de bekuaso sapei selamo-lamone! Amin.

YUDAS 1:25

Siba dedone Allah, Penyelamat ite liwet Yesus Kristus Tuhan ite. Siba Allah de mulio, agung, bekuaso ngen bewibawa sejak bel'o nien sapei uyo ngen utuk selamo-lamone! Amin.