1 PETRUS 3:8 - JANJAI BLAU Lem Bahaso Jang Bebilai

⁸ Kesimpulanne adeba: lokba Saudaro-saudaro do atei ngen do perasaan. Lokba udi saling sayang menyayangi awei tun-tun de bersaudaro. Ngen lokba udi berbelaskasihan ngen bersikap rendak atei.

1 PETRUS 3:8 ပူးပေါင်းရင်းမြစ်များ

MATIUS 18:33

Ko kulo harus semlen ngen kuatnu awei uku sudo kemasiakko, au coa?’

LUKAS 10:33

Lajau teko suang Samaria, de gidong lem pemaneune, moi penan o. Ngen ketiko si kemliak tun o, tegerokba ateine utuk temulung.

KISAH RASUL-RASUL 2:1

Waktau sapei bilai Pentakosta, tobo'o kute bekopoa neak do penan.

KISAH RASUL-RASUL 27:3

Menne keme singgeak neak Sidon. Yulius melayan Paulus ngen baik sekilai, neluakne Paulus magea kekuatne, supayo tobo'o dapet melei keperluan Paulus.

KISAH RASUL-RASUL 28:7

Coa uak kunei penan o ade taneak temuan pejabat pulau o, genne Publius. Ngen baik atei si semambut keme sebagoi tamune selamo telau bilai.

KISAH RASUL-RASUL 4:32

Kute tun de pecayo o idup do atei ngen do jiwo. Coa suang kulo kunei tobo'o manggap bahwo de temuanne adeba temuanne suang. Kute de ade ngen tobo'o, tobo'o makei sesamo.

ROMA 12:10

Lokba udi sesamo mengasihi sebagai saudaro ngen sesamo demute lem melei hormat.

ROMA 15:5

Semoga Allah, de melei kesabaran ngen penghiburan ngen manusio, temulung udi utuk idup do atei, temotoa teladan Kristus Yesus.

1 KORINTUS 1:10

Saudaro-saudaro! Das gen Tuhante Yesus Kristus, uku minoi supayo udi kutene do atei; supayo jibeak ade selisiak neak antaro udi. Lokba udi jijai do, do atei ngen do pekeran.

1 KORINTUS 12:26

Amen do anggota saro, kute anggota luyenne saro kulo; amen do anggota nujai, kute anggota luyenne milau riang.

EFESUS 4:2

Lokba udi rendeak atei, lemah lembut, ngen sabar. Kentenba kasiaknu ngen saling temulung.

EFESUS 4:31

Nuangba kute perasaan gis atei, garang mengiak, gu'ok ngen fitneak, awei o kulo kute kejahatan.

EFESUS 4:32

Tapi lokba udi ramah te'adep tun luyen, baik atei ngen samo melei apun, awei Allah bi mapun udi neak lem Kristus.

FILIFI 2:3

Jibeakba menea sesuaktau kerno kepentingan suang, atau utuk ombong. Sebelekne lokba udi memasing ngen rendeak atei manggap tun luyen lebiak kunei dirai suang.

FILIFI 3:16

Tapi hal yo lokba udi kemliak: Ite harus tep idup temurut peraturan de sudo ite totoa sapei uyo.

KOLOSE 3:12

Saudaro adeba umat Allah. Allah sayang ngen udi ngen miliak udi utuk jijai de Si temuan de khusus. Do'oba sebabne udi harus kemten belas kasihan, udi harus baik atei, rendeak atei, lemah lembut, ngen taen saro.

IBRANI 13:1

Lokba udi tep mengasihi do ngen de luyenne sebagai tun-tun Kristen de besaudaro.

YAKOBUS 2:13

Sebab Allah coa bakea temunjuk ibo ngen tun de coa kemnal ibo. Tapi ibo lebiak kuet kunei hukuman!

YAKOBUS 3:17

Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik.

YAKOBUS 5:11

Tobo'o senbut bahagia sebab tobo'o sabar. Udi bi temi'uk tetang kesabaran Ayub, ngen udi namen awei ipe Tuhan pado akhirne memberkati si. Sebab Tuhan kembiak sayang ngen baik atei.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 PETRUS 2:17

Hormatba kute tun, citoba saudaro-saudaronu sesamo Kristen. Sabenba ngen Allah, hormatba ngen Kaisar.

1 PETRUS 5:5

Awei'o kulo Saudaro, tun-tun uai. Tundukba ngen tun-tun de tuai. Saudaro kutene harus merendeak dirai ngen saling melayan ngen rendeak atei. Sebab lem Kiteb sucai tetulis awei yo, “Allah temtang tun de ombong, tapi mengasiak tun de rendeak atei.”

2 PETRUS 1:7

Ngen idup temurut kelok Allah harus kulo nelkep ngen kasih sayang ngen saudaro-saudaro do imen. Selanjutne lokba kasih sayangnu ngen saudaro-saudaro do imen tenambeak ngen kasih teadep kute tun.

1 YOHANES 3:14

Ite namen bahwo ite bi keluea kunei matei, ngen baliak moi idup. Ite namen do'o, sebab ite mengasiak sesamo saudaro ite. Tun de coa mengasiak, taine masiak kenuaso kematian.