1 PETRUS 3:4 - JANJAI BLAU Lem Bahaso Jang Bebilai

⁴ Sebelekne, lokba kecantikannu ade kunei lem batin, budi pekerti de lemah lembut ngen tenang; do'oba kecantikan kekea de kembiak bego temurut pandangan Allah.

1 PETRUS 3:4 ပူးပေါင်းရင်းမြစ်များ

MATIUS 11:29

Totoaba periteak-Ku ngen belajeaba kunei pado-Ku. Sebab Uku yo lemah lembut ngen rendeak atei, mako udi bakea meding segar.

MATIUS 21:5

“Kadeakba ngen Sion, Rajonu gidong teko ngen ko. Si temeak atei ngen Si kenek dikup keledai, dikup anok keledai puai.”

MATIUS 23:26

Hoi Farisi de buto! Empukba kileak bersih-bersih peak lem makuk'o ngen pinggan-pinggannu supayo peak lueane kulo jijai bersih.

MATIUS 5:5

Allah melei rahmat ngen tun de tembeak ateine; Allah bakea tempat janjaine ngen tobo'o!

LUKAS 11:40

Hoi tun-tun bodong, Si de jijai utuk luea, Si kulo de jijai utuk neak lem?

LUKAS 16:15

Tapi Yesus madeak ngen tobo'o, “Ko ba tun de neak adep tun luyen keten benea, tapi Allah namen isai ateinu. Sebab jano de nanggap lekat ngen manusio, nanggap tembeak ngen Allah.

ROMA 1:23

Tobo'o gemitei kemuliaan Allah de coa fana ngen gambaran de awei manusio de fana, burung-burung, benatang-benatang de kekea pat atau benatang-benatang merayap.

ROMA 2:29

Tapi tun Yahudi sejati adeba tun de ateine berjiwa Yahudi, ngen sunat adeba sunat neak lem atei, seca'o rohani, iso de tetulis neak lem bukau. Tun de awei o temimo pujian kunei Allah, iso kunei manusio.

ROMA 6:6

Kerno ite namen, manusio an ite bi senalib kulo, supayo awok duso ite nyep kuasone, kunyau ite coa tunduk igai ngen duso.

ROMA 7:22

Sebab neak lem batin uku galok ngen hukum Allah,

2 KORINTUS 10:1

Uku, Paulus, suang tun de coa binai amen sekadep papea ngen udi, tapi binai teadep udi amen kunei ku'uak, uku minget udi demi Kristus de lemah lembut ngen ramah.

2 KORINTUS 4:16

Do'oba sebabne keme coa putus asa. Kunyau manusio lahiriah keme tambeak merosot, tapi manusio batiniah keme jijai blau tiep bilai.

GALATIA 5:23

rendeak atei, sanggup kemuaso dirai. Coa ade hukum agamo de temtang hal-hal o.

EFESUS 4:2

Lokba udi rendeak atei, lemah lembut, ngen sabar. Kentenba kasiaknu ngen saling temulung.

KOLOSE 3:12

Saudaro adeba umat Allah. Allah sayang ngen udi ngen miliak udi utuk jijai de Si temuan de khusus. Do'oba sebabne udi harus kemten belas kasihan, udi harus baik atei, rendeak atei, lemah lembut, ngen taen saro.

KOLOSE 3:3

Sebab udi bi matei, ngen idupnu coa keten besamo Kristus neak lem Allah.

1 TESALONIKA 4:11

Berusahoba idup tenang, coa cemapua persoalan-persoalan tun luyen ngen bekerjo ngen tangen, awei de keme pesen ngen udi.

2 TESALONIKA 3:12

Das kuaso Tuhan Yesus Kristus keme meriteak tun-tun o ngen melei peringatan, supayo tobo'o kerjo seca'o tenang ngen mesoa nafkah tobo'o suang.

1 TIMOTIUS 2:2

utuk rajo-rajo ngen utuk kute tun de megong kuaso. Minoiba supayo ite dapet idup tenang ngen tentram utuk Allah ngen plep de patas.

2 TIMOTIUS 2:25

Si harus lemah lembut majea tun-tun de galok melawen; mudah-mudahan Allah melei kesepatan ngen tun-tun o utuk tobat kunei duso-duso tobo'o ngen kemnal ajaran de benea.

TITUS 3:2

Nadeak ngen tobo'o supayo jibeak fitneak atau betekea ngen api bae, tapi supayo besikep ramah. Lokba tobo'o bogoa besikep lemuak te'adep kute tun.

YAKOBUS 1:21

Sebab o, nuangba tiep kebiasaan de coa baik ngen kidek. Temimoba ngen rendeak atei firman de nea Allah neak lem ateinu, sebab firman o temuan kekuatan utuk semlamat udi.

1 PETRUS 1:23

Sebab liwet Firman Allah de idup ngen de kekal o, udi sudo jenijai manusio belau de iso laher kunei manusio, meluyen kunei Bapa de kekal.

1 PETRUS 3:15

Tapi neak lem ateinu, lokba udi melei ngen Kristus penghormatan de khusus de sesuai ngen kedudukan-Ne sebagai Tuhan. Ngen lokba udi bogoa siap utuk melei jawaban ngen tiep tun de betanye tetang harapan de udi temuan.