1 PETRUS 3:18 - JANJAI BLAU Lem Bahaso Jang Bebilai

¹⁸ Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 PETRUS 3:18 ပူးပေါင်းရင်းမြစ်များ

MATIUS 27:19

Ketiko Pilatus gidong madeak Yesus, ngenyanne kemirim pesen ngen si, “Jibeakba ko cemapua pekaro tun benea'o, sebab kerno Si uku kembiak tesikso lem mipai klemen nano.”

MATIUS 27:24

Akhirne Pilatus semadar amen si coa nam menea jano-jano igai, ngen tun-tun'o mukin bakea kemacau. Si mok bioa lajau mpuk tangenne. “Uku coa tanggung jawab das matei-Ne tun yo! Do'o urusan udi dewek!”

YOHANES 16:10

bahwo Uku benea, kerno Uku lalau ngen Bapa ngen udi coa bakea kemliak Uku igai;

KISAH RASUL-RASUL 22:14

Lajau nadeakne: ‘Allah ninik puyang te bi temtep ko utuk namen kelok-Ne, utuk kemliak De Benea, utuk temi'uk sa'ei de kelua kunei bibia-Ne.

KISAH RASUL-RASUL 3:14

Tapi udi bi temulok De Sucai ngen Benea, ngen lok tukang munuak utuk hadiah ngen udi.

ROMA 1:4

tapi seca'o ilahi ternyato adeba Anok Allah. Do'o tebukti ngen kuaso de luea biaso liwet idup-Ne igai kunei matei.

ROMA 4:25

Adeba Yesus, de sudo senreak kerno duso ite ngen nidup igai kerno pembenaran ite.

ROMA 5:2

Kerno ite percayo ngen Yesus, mako ite kulo dapet kasih karunio kunei Allah. Neak lem kasih karunio yo, ite idup ngen bangga lem pengharapan ngen temimo kemulioan Allah.

ROMA 8:11

Ngen amen Roh Allah, de sudo midup igai Yesus kunei antaro tun matei, tinggea neak lem udi, mako Si, de sudo midup igai Kristus Yesus kunei antaro tun matei, bakea midup kulo awoknu de fana o ngen Roh-Ne, de ade neak lem udi.

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

2 KORINTUS 1:24

Uku coa makso udi tetang jano de udi harus pecayo, sebab udi bi kembiak pecayo ngen Kristus. Uku cuma kerjosamo ngen udi supayo udi tambeak bahagia.

2 KORINTUS 13:4

Memang pado waktau Si senalib, Si lemah, tapi uyo Si idup kerno kuaso Allah. Keme kulo lemah lem idup keme de jijai do ngen Kristus, tapi amen madep udi, keme kulo kuet besamo Kristus kerno kuaso Allah.

2 KORINTUS 5:21

Si de coa namen duso bi nea-Ne jijai duso kerno ite, supayo neak lem Si ite jijai benea.

GALATIA 1:4

Taat ngen kelok Allah Bapa ite, Kristus semreak dirai-Ne jijai kurban utuk duso-duso ite, supayo ite senlamat kunei zaman de jahat yo. Uku jijai rasul iso ngen perantara manusio atau kerno naket ngen manusio, mluyen ngen Yesus Kristus ngen Allah Bapa ite de sudo midup Si igai kunei matei.

GALATIA 3:13

Kristus bi mbebas ite kunei kutukan hukum agamo. Si menea o ngen munyau dirai-Ne terkutuk kerno ite. Sebab ade tetulis, “Terkutukba tun de matei genatung neak kieu salib!”

EFESUS 3:12

Pecayo ngen Kristus ngen jijai do ngen-Si, ite nelei kebebasan utuk ma'ok Allah ngen penuak kepercayaan.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 10:10

Yesus Kristus bi menea jano de kenlok Allah ngen semreak dirai-Ne sebagai kurban. Ngen persembahan o, de nea-Ne cuma debat bae utuk seke'anne, ite kute senucai kunei duso.

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

IBRANI 9:26

Sebab amen awei o, do'o taine Si bi cet saro sejok dunio yo ade. Tapi nyatone, uyo pado zaman akhir yo, Si teko debat bae utuk mapus duso ngen melei dirai-Ne suang.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

YAKOBUS 5:6

Udi mukum ngen munuak tun-tun de coa saleak, tobo'o coa melawen udi.

1 PETRUS 3:19

Lem keadaan roh Si lalau melei namen bito kunei Allah ngen roh-roh de neak lem sel:

1 PETRUS 4:1

Kerno Kristus sudo menderita seca'o jasmani, udi kulo harus kemuat dirai ngen pendirian de awei'o. Sebab tun de menderita seca'o awokne, cigai menea duso.

1 PETRUS 4:6

Do'o sebabne Bito Baik sudo nelei kulo ngen tun-tun matei. Maksudne supayo tobo'o, de bi nadea lem keadaan jasmani – awei'o halne kute tun bakea nadea dapet idup seca'o rohani, temurut kelok Allah.

1 YOHANES 1:9

Tapi amen ite ngakau duso-duso ite ngen Allah, Si bakea melei janjai-Ne ngen menea jano de adea. Si bakea mapun duso-duso ite ngen semucai ite kunei kute saleak ite.