1 PETRUS 3:17 - JANJAI BLAU Lem Bahaso Jang Bebilai

¹⁷ Lebiak baik saro kerno menea baik – amen do'o adeba kelok Allah – kuneipado saro kerno menea de kidek.

1 PETRUS 3:17 ပူးပေါင်းရင်းမြစ်များ

MATIUS 26:39

Mako Yesus lalau lebiak uak didik, lajau sujud ngen bedu'o, nadeak-Ne, “Au Bak-Ku, amen buliak ne'uakba kunei-Ku derita de mestai Uku temanggung. Jibeakba awei de Ku kemlok, tapi awei de Bak kemlok.”

MATIUS 26:42

Debat igai Yesus beduo, nadeak-Ne, “Au Bak-Ku derita yo mestai Uku temanggung, ngen coa dapet Uku me'uak, kunyauba kelok Bak jijai.”

KISAH RASUL-RASUL 18:21

Si pamit ngen madeak, “Uku bakea teko igai ngen udi, amen Allah kemlokne.” Lajau Paulus terus lalau moi Efesus.

KISAH RASUL-RASUL 21:14

Kerno si coa lok temimo nasihat keme, keme nyereak ngen madeak, “Jijaiba kenlok Tuhan!”

1 PETRUS 1:6

Kerno o lokba udi riang atei, kunyau uyo utuk sementaro waktau udi harus jijai ibo kerno udi meding memecem cobaan.

1 PETRUS 2:15

Kerno Allah lok supayo ngen perbuatan-perbuatannu de baik udi temutup bibia tun de miling bodong.

1 PETRUS 2:20

Sebab jano istimewane amen udi sabar saro hukuman de seharusne udi temanggung kerno saleak? Tapi amen udi sabar temanggung saro kerno menea de baik, mako Allah bakea memberkatinu.

1 PETRUS 3:14

Tapi kunyau udi harus saro kerno menea hal-hal de baik, udi butung! Jibeakba saben ngen api bae, jibeak khawatir.

1 PETRUS 4:15

Jibeakba suang kulo kunei antaro udi menderita kerno si tukang munuak tun, atau risau, atau penjahat, atau kerno si cemapua urusan tun luyen.

1 PETRUS 4:19

Sebab o, amen ade tun-tun de menderita kerno Allah lok awei yo, lokba tun-tun o idup ngen benea ngen mempercayakan dirai ngen Pencipta tobo'o. Si bakea bogoa tempat janjai-Ne.