1 PETRUS 3:14 - JANJAI BLAU Lem Bahaso Jang Bebilai

¹⁴ Tapi kunyau udi harus saro kerno menea hal-hal de baik, udi butung! Jibeakba saben ngen api bae, jibeak khawatir.

1 PETRUS 3:14 ပူးပေါင်းရင်းမြစ်များ

MATIUS 10:28

Jibeakba saben ngen, tobo'o de munuak awok, tapi coa ade kuaso munuak jiwo. Sabenba ngen Allah de bekuaso mbenaso awok ngen jiwonu lem nerako.

MATIUS 10:31

Kerno'o jibeakba saben! Udi lebiak be go kunei pado burung-burung pipit.”

MATIUS 10:39

Tun de kema'en idupne bakea nyep idupne. Tapi tun denyep idup kerno setia ngen Uku bakea dapet idupne.”

MATIUS 16:25

Sebab tun delok semlamat tema'en idupne, bakea kelnyep idupne. Tapi tun de rela kurban idupne utuk Uku bakea dapet idup.

MATIUS 19:29

Ngen tiep tun de sudo teminggea umeak, pasuak semanei atau selawei, bak, mak, anok-anok atau kebun kerno Uku, tun'o bakea temimo igai sotos kilai lipet. Ngen si bakea temimo kulo idup de baka.

MARKUS 10:29

Yesus jemawab, “Uku madeak ngen udi, sesungguakne tiep tun de kerno Uku ngen kerno Bito Baik teminggea umeakne, pasuakne semanei atau pasuakne selawei, indokne atau tieakne, anok-anokne atau kebunne.

MARKUS 8:35

Kerno api de lok semlamat nyabaine, sibakea nyep nyabaine; tapi api bae nyep nyabaine kerno Uku ngen kerno Bito Baik, si bakea semlamatne.

YOHANES 14:1

Yesus madeak ngen tobo'o, “Jibeak liseak ateinu; pecayoba ngen Allah, pecayoba kulo ngen Uku.

YOHANES 14:27

Damoi sejahtera Uku melei utuk udi. Damoi sejahtera-Ku Uku melei ngen udi, jano de Uku melei coa awei de nelei kunei dunio ngen udi. Jibeakba liseak ngen saben atei nu.

KISAH RASUL-RASUL 9:16

Uku suang bakea temunjuk ngensi kute penderitaan de harus si tanggung kerno Uku.”

2 KORINTUS 12:10

Kerno o, uku riang ngen rela neak lem kelemahan, neak lem sikso, neak lem saro, neak lem penganiayaan ngen sengsaro kerno Kristus. Sebab amen uku lemah, mako uku kuet.

FILIFI 1:29

Sebab Allah bi melei anugerah ngen udi iso cuma utuk pecayo ngen Kristus, tapi kulo utuk saro bagiak Kristus.

YAKOBUS 1:12

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

YAKOBUS 5:11

Tobo'o senbut bahagia sebab tobo'o sabar. Udi bi temi'uk tetang kesabaran Ayub, ngen udi namen awei ipe Tuhan pado akhirne memberkati si. Sebab Tuhan kembiak sayang ngen baik atei.

1 PETRUS 3:6

Sara kulo awei o, si taat ngen Abraham, madeak si tuanne. Saudaro uyo adeba anok-anok Sara, amen udi menea hal-hal de baik, coa saben ngen jano bae.