1 PETRUS 3:13 - JANJAI BLAU Lem Bahaso Jang Bebilai

¹³ Api de lok menea jahat ngen udi, amen udi senang menea baik?

1 PETRUS 3:13 ပူးပေါင်းရင်းမြစ်များ

ROMA 13:3

Sebab amen tun menea baik, si jibeak saben ngen pemeriteak, cuma amen si menea de coa baik. Jano udi lok idup supayo coa saben tea'dep pemeriteak? Neaba jano de baik ngen udi bakea nujai.

ROMA 8:28

Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah.

1 KORINTUS 14:1

Lokba udi berusaho utuk kemasiak tun-tun luyen. Ngen berusahoba kulo utuk temimo karunio-karunio de nelei Roh Allah, terutamo sekilai kesanggupan utuk semapei rencano-rencano Allah ngen manusio.

EFESUS 5:1

Udi adeba anok-anok Allah de tekasiak, sebab o udi harus temotoa teladan Allah.

1 TESALONIKA 5:15

Jagoba supayo jibeak ade de males kejahatan ngen kejahatan. Berusahoba utuk menea baik, suang ngen de luyen ngen kute tun.

1 TIMOTIUS 5:10

ngen terbukti bi menea pekerjaan de baik, awei murus anok, temimo tun-tun temalem neak daseine, melayan tun-tun pecayo, temulung tun-tun saro, menea ngen sungguak-sungguak kute mecem pekerjaan de baik.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

3 YOHANES 1:11

Saudaro de tecito, jibeakba nirau de kidek, tapi de baik. Tun de menea baik adeba de Allah temuan tapi tun de menea jahat ati kemnal Allah.