1 PETRUS 3:10 - JANJAI BLAU Lem Bahaso Jang Bebilai

¹⁰ Neak lem Kiteb Sucai tetulis awei yo, “Tun de lok menikmati idup ngen lok midep bilai-bilai de baik, harus jemago bibiane supayo coa madeak hal-hal de kidek ngen coa madeak hal-hal de coa benea.

1 PETRUS 3:10 ပူးပေါင်းရင်းမြစ်များ

YAKOBUS 1:26

Amen ade su'ang tun de meding diraine de taat beragamo, tapi si coa jemago bibiane, mako si mike diraine suang; ibadahne coa ade gunone.

1 PETRUS 2:22

Si coa perneak menea duso, ngen coa perneak su'ang tun kulo temi'uk Si mike.

1 PETRUS 2:1

Kerno o, nuangba kunei dirainu kute de jahat; jibeak igai mike, jibeak pura-pura. Jibeak iri atei, jibeak mino tun luyen.

WAHYU 14:5

Coa perneak tobo'o mengike; ngen coa ade cacet ngen tobo'o.

YOHANES 1:47

Yesus kemliak Natanael teko ngen Si, lajau madeak tetang Si, “Keliak, dioba suang tun Israel sejati; coa ade kepalsuan lemne!”

YOHANES 12:25

Api bae de cito nyabaine, si bakea nyep nyabaine. Tapi api bae de jengik ngen nyabaine neak dunio yo, si bakea miarone utuk idup de kekal.

MATIUS 19:17

Yesus jemawab, “Getaiko betanye ngen Uku tetang jano de baik? Ade Do de baik amen ko lok idup, ko mestai totoa kute periteak-periteak Allah.”

MARKUS 8:35

Kerno api de lok semlamat nyabaine, sibakea nyep nyabaine; tapi api bae nyep nyabaine kerno Uku ngen kerno Bito Baik, si bakea semlamatne.