1 PETRUS 2:5 - JANJAI BLAU Lem Bahaso Jang Bebilai

⁵ Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.

1 PETRUS 2:5 ပူးပေါင်းရင်းမြစ်များ

ROMA 12:1

Saudaro-saudaro, demi kemurahan Allah uku melei nasihat ngen udi, supayo udi melei awoknu sebagai persembahan de idup, de sucai, de berkenan ngen Allah: do'o adeba ibadahnu de sejati.

ROMA 15:16

Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

1 KORINTUS 3:16

Jano udi namen bahwo udi adeba Bait Allah? Ngen bahwo Roh Allah tinggea neak lem udi?

1 KORINTUS 3:9

Keme adeba samo-samo kerjo utuk Allah; ngen udi adeba awei kebun Allah. Saudaro-saudaro adeba awei gedung Allah.

1 KORINTUS 6:19

Udi harus namen bahwo awoknu adeba penan tinggea Roh Allah. Roh o tinggea neak lem udi. Ngen Allah suangba de melei roh o ngen udi. Awok Saudaro iso de ko temuan. Do'o Allah de temuan.

2 KORINTUS 6:16

Jano hubunganne Bait Allah ngen umeak berhala? Ite yo Bait Allah, adeba Allah de idup. Allah suang madeak, “Uku bakea tinggea besamo-samo ngen tobo'o, ngen idup neak tengeak-tengeak tobo'o. Uku bakea jijai Allah tobo'o, ngen tobo'o bakea jijai umat-Ku.

GALATIA 6:10

Kerno o, selamo masiak ade kesempatan bagiakte, maroba ite menea baik ngen kute tun, tapi terutamo ngen saudaro-saudaro do imen.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 2:17

Mukin uku bakea nunuak ngen daleakku jijai awei kurban curahan neak das jano de udi melei ngen Allah sebagoi tando bahwo udi pecayo ngen Si. Amen memang do'o harus awei o, uku bersyukur das hal o ngen milau beriang ngen udi.

FILIFI 4:18

Uku bi temimo kutene – malah lebiak kunei cukup! Kute pelei de udi mbo ngen uku bi uku temimo kunei Epafroditus. Uyo uku temuan kute de uku perlu. Pelei-pelei kunei udi o adeba awei mbon um kunei kurban de nelei ngen Allah ngen de temimo Allah ngen riang atei.

KOLOSE 3:17

Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

1 TIMOTIUS 3:15

supayo amen uku cendok, ko bi namen awei ipe ite harus idup sebagai keluargo Allah, adeba jemaat Allah de idup. Jemaat dioba de adeba tiang penegok ngen pendukung ajaran de benea kunei Allah.

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.

1 PETRUS 4:17

Sudo sapei waktaune Allah madea dunio. Ngen umat Allah suangba de bakea nadea telebiak dute. Nah, amen Allah bakea muloi ngen ite, awei ipe jijaine konyo ngen tun-tun de coa pecayo ngen Bito Baik kunei Allah?

WAHYU 1:6

ngen jemijai ite bangso khusus imem-imem, de melayan Allah, Bapa-Ne. Yesus Kristus o ba de agung ngen bekuaso utuk selamo-lamone. Amin!

WAHYU 20:6

Riangba tun-tun de nidup igai lem tahap pertamo o. Tobo'o patas jijai de Allah temuan. Kematian tahap keduai coa bekuaso das tobo'o. Tobo'o bakea jijai imem-imem Allah ngen imem-imem Kristus. Ngen tobo'o bakea meriteak besamo Si seribau taun anne.

WAHYU 3:12

Tun de menang, Uku jemijai sebagai tiang lem Umeak Sucai Allah-Ku, ngen si bakea tinggea neak penan o selamo-lamone. Gen Allah-Ku, gen kota Allah-Ku – adeba Yerusalem blau de bakea tu'un kunei surgo, kunei Allah-Ku – bakea Uku temulis neak dirai tun o. Kulo gen-Ku de blau bakea Uku temulis neak diraine.

WAHYU 5:10

Ko bi jemijai tobo'o do bangsa khusus imem-imem, supayo tobo'o melayan Allah ite, ngen meriteak neak das bumai.”