1 PETRUS 2:25 - JANJAI BLAU Lem Bahaso Jang Bebilai

²⁵ Bel'o udi awei bebirai de seset, tapi uyo udi bi nembin igai utuk temotoa Gembala ngen Pemelihara jiwonu.

1 PETRUS 2:25 ပူးပေါင်းရင်းမြစ်များ

MATIUS 18:12

Awei ipe pendapetnu? Amen dikup tun temuan sotos likup domba, ngen dikup neak antarone ade de nyep, jano de bakea nea tun'o? Sahe si bakea teminggea de sembilan puluak sembilan'o neak tebo ngen lalau mesoa de nyep'o.

MATIUS 9:36

Waktau Yesus kemliak tun dau'o, Si selen ngen tobo'o, renyeng ngen coa bedayo, awei domba coa gen pengangon.

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

IBRANI 5:2

Imem Lai o suang lemah lem dau hal, kerno'o si dapet lemah lembut teadep tun-tun de coa namen jejano ngen de sesat dalenne.

1 PETRUS 3:20

adeba roh tun-tun de coa taat ngen Allah pado zaman Nuh menea kepeane. Cuma ade tun-tun de neak kepea bae – kutene tun lapen – de senlamat liwet banjir lai o.

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.