1 PETRUS 2:2 - JANJAI BLAU Lem Bahaso Jang Bebilai

² Lokba udi jijai awei cupik de pei laher, bogoa aus lok mbuk bioa susu de murni ngen de rohani. Ngen awei o udi bakea idup ngen selamat.

1 PETRUS 2:2 ပူးပေါင်းရင်းမြစ်များ

MATIUS 18:3

Lajau Yesus madeak, “Pecayoba! Amen udi bubeak ngen jijai awei anok titik, udi bakea jijai anggota umat Allah.

MATIUS 19:14

Mako Yesus madeak ngen penotoa-penotoa-Ne, “Kunyauba anok-anok'o teko ngen Uku! Jibeakba tengeak tobo'o, Sebab tun-tun de awei yo de jijai anggota umat Allah.”

MARKUS 10:15

Sesungguakne Uku madeak ngen udi: api bae de semambut Allah meriteak sebagai Rajo awei anok titik, si coa nam masuk moi lemne.”

LUKAS 18:17

Uku madeak ngen udi, ‘Sesungguakne barang api coa semambut Allah meriteak sebagai Rajo awei suang anok titik, si coa bakea masuk moi lemne.’ ”

ROMA 6:4

Ngen awei o ite bi kenubua besamo-samo Si ngen baptisan lem kematian, supayo, serai awei Kristus bi nidup igai kunei antaro tun matei ngen kemuliaan Bapa, awei o kulo ite bakea idup lem idup de blau.

1 KORINTUS 14:20

Saudaro-saudaro! Jibeakba meker awei anok titik. Lem hal-hal kejahatan, lokba udi tep awei anok titik. Tapi lem pekeran, lokba udi jijai tun lai.

EFESUS 2:21

Siba de semusun kute bangunan o jijai Bait Allah de khusus utuk Tuhan.

EFESUS 4:15

Sebelekne, ite harus bepegong ngen kebenaran neak lem kasiak, sehinggo lem kute hal ite tambeak an tambeak jijai sempurno awei Kristus, de jijai Pemipin ite.

2 TESALONIKA 1:3

Keme Wajib bogoa mucep syukur ngen Allah kerno udi, Saudaro-saudaro. Ngen memang sepatutne keme menea awei o, sebab udi tambeak pecayo ngen Kristus, ngen udi tambeak mengasihi do ngen de luyenne.

1 PETRUS 1:23

Sebab liwet Firman Allah de idup ngen de kekal o, udi sudo jenijai manusio belau de iso laher kunei manusio, meluyen kunei Bapa de kekal.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.